مساء الخير
قصه بعنوان سلاسل من رصاص
للكاتبه ذكرى المندلاوي
زهره
للبنات
انه اضوجن ابقه هيجي اله اشتغل
شهد
لااء انتي ضيفه عدنه مايصير
زهره ويه روحه
وهاي الضيفه الى امته اخاف اطول عدكم وتضوجون مني انه اعرف بروحي نحس
كلثوم
هاا ورده ابيش اتفكرين
هيجي سالفه ابالي مااريد ادوخج بيهة
كلثوم
امبينه سالفتج مو بس امدوختج امسويتج احوال
تباوع الملابسه الي من يوم الي جتي مبدلتهة
كلثوم
تعالي وياي
وين
تعالي ومعليج
طبت الغرفه شهد وكالت انتي كصت اختي شهد وملابسهة تجي على كدج
زهره
اخاف عيب منهة
لااء شنو عيب لا ادكولين هيجي انتي حسبت اختنه
ابتسمت زهره وحمدت الله انو تعرفت عليهم
طلعت دشداشه مورونيه بيهة ورد اسود ومطعم بازرق
هاج كضي من اخيتج ولا تفشليني
ابتسمت ومدت ايديهة اخذتهة منهة
زهره
اخذت الدشداشه وطبت سبحت ولبسته
كلثوم
الله تخبل عليج
شهد
هااا هاي الدشداشه شلون طالعه عليج تخبل
كلثوم
اسكتي هي مو الدشداشه هو القالب حلو
شهد
منين جايبه هذا الجمال اكيد امج حلوه
زهره
اي صحيح امي كلش بيضه وحمره يشبهوني بيهة
كلثوم
جيبي شهوده المشط خل امشطلج
وكعدت تمشط شعرهة وصدفه دخل عليهم فهد
جان الباب مفتوح وغرفه كلثوم جوه وابممر قريب من باقي غرف البنات هو جان يتصور بس اخته كلثوم وجهالهة ولمه دخل حسباله وحده من خواته
زهره منطيه ظهرهة الكلثوم تمشطلهة وتضحك ويه شهد ويسولفن وماخذتهم السوالف
فهد
اتفاجئ بوحده كاعده كبال كلثوم اتصور وحده من خواته
فهد
ماتعرف هيه تمشط شعرهة الى متى تظلين مهتمه بيهن وعايفه رجلج الكاظ المضيف على ابوج واله شويه يبوس رجله
التفتت زهره وهي مصدومه تريد تغطي ىاسهه تلتفت يمنه يسره على شيله وكفت على حيلها صارت كباله وهو مصدوم بلوحه الفنيه الرائعه الراسمه الرسام والي ابدع برسمهة
فهد ويه روحه
انه غلام ابوي اموتن على هيجي حسن رباني منين طلعتيلي انتي وبهذلتي احوال ابن الشيخ من خرب عشيرت خلف وحمود
كلثوم حست باخوهة والي اباله مستحيل زلمه يشوفهة ومايتيم بيهة
شايله حسن ماشايلته اي وحده من بنات الديره
هااا فهيد شرايد محسن
فهد
يامحسن
هااا جا انت مو هل الساع ادكلي زلمتج عد ابوج بلمضيف
انتبه على روحه بعد ماجان صافن على الصوره الي كدامه
اييه صحيح محسن جاي وطلبج ابوي
اي جايه
فهد
مرت الوخ سدن الباب لمن عدكم شي خاص بينكم
وطلع وهيه صورتهة طبعت براسه
كلثوم الزهره
ولج خردلتي الشيخ وهدرتي احواله
شهد
هههههه والله وطبيت يالشيخ ومحد سمه عليك
كلثوم
اشش لتسمعج البت وهدور عيبه منهة
هههههههه
وخري خلن اشوف شيريد محيسن وكل يوم جايني
ارجعي
زهره بعد ما لمت شعرهة وغطته وهيه بعدهة مستحيه ومتفاجئه بطبت فهد
محسن رجلج
ايييه بلوتي ماارجعلهة الا لمه يسويلي بيت وحدي
جا انه وحد بنت الشيخ وكومه فروخ وبعدني ويه اهلهة وهمه يه فروخهم وفروخنه صايرين مثل الجيش البريطاني
ههههه خرب ابليسج روحي ليروح ابوج الشيخ يزعل منج
والله اذا زعل ابوي انه ماارجعله بعد تصير وياه كوم
زهره وشهد
هههههه
طلعت كلثوم
وزهره ويه نفسه ادكول الله يديم محبه محسن الكلثوم وينولهه الي ابالهة وتنسعد هو هذا الحب
الحبيبه تدلع على حبيبهة لان واثقه من حب زوجهة
وتدلع عليهة
الحب هو تسامح الحبيب للمحبوب
لا تعاقبه على شي هو ممسويه هذا ميسمه حب
ماكو بقاموس الحب ثار وعنف وقتل ورصاص
والله لو بس فكروا بنتائج اعمالهم شويه ليكدام مجان طلقوا رصاصه وحده وموتوا اكثر شي حلو بهل الحياه
الي هو الحب
**************
الشيخ فهد
تعالي بنيتي كلثوم هنا يم زلمتج
كلثوم وهيه مستحيه من ابوهة اكثر من زلمتهة
محسن وهو مهووس بحرمته الي متشوق العيونهة وبوده ياخذهة الحضنهة لو ما عيب من ابوهة واخوهة فهد الي هو احب صدقانه الى كلبه
فهد وهو مبتسم
بويههه من كلثوم شلون صبرتي شلون كلب عندج
عايفه زلمتج متخافين ليشوف وحده ويزوج شوكت اتبطلين هل الدلال بويه انه اشوف انت مدلل بنت وهل مشيخه على زلمتهة
طبعا شقاهم عادي لان همه اقارب والحجي مفضوح بينهم خصوصا بلنسبه المحسن صديقه العزيز على كلبه وهو يوميه يجي يشتكي عمايل اخته ودلعهة عليه ويعرف كثر وقوه حبه الزوجته
ام كلثوم الشيخه فضه
جا هو محسن لو يدور الكون كله مايلكي مثل كلثومه واطلع منهة انت فهيد
فهد
هههههه انه اليوم ابصف ابن عمي جابني فزعه
الشيخه فضه
هاااا هيجي على خيتك الدور
جا خيتي هم صوجهة اتعوف زلمتهة الكثر زين منه ساكت هذا لو مني جان من زمان عرست عليهة
الشيخه فضه
هيجي الحجي
كلثوم ساكته
محسن يريد يلطف الجو ويبين حبه الزوجته
والله لو انه ادور الكون كله مالكه مثل كلثوم
فهد
هااا هسع بدلت حقك ابن عمي شفت عيونه تخوزر بيك متحلفه هههههه
الشيخ وادي
كلثوم هذا زلمتج جدامج يريد يردج البيتج وانه ماغصبج ان جان ردتي تردين لو لا وكل مره اكلج بيت ابوج مفتوحلج بكل زمان واحنه عدنه راحتج
قبل كل شي بس احب اكلج زلمتج شاريج ومحسن محسنه وثلث تنعام منه وهل الجاي ويكول كل طلباته مقبوله بس ترد البيتهة
كلثوم
بويه انه هم مشاكيه منه هو ابو جهالي وسندي بعدك وبعد اخوي فهيد لجن انه تعبت من البيت وفروخي كثروا واريد مجان استقر بي انه وياه وناخذ راحتنه
وكافي يوميه مشاكل وهل تشوف تضيع احلى سنين عمرنه هيجي بلفراك وهاي كالت وهاي حجت
الشيخ وادي شكلت محسن
محسن
عمي يجرالهة من عيني هاي العيني هاي جا انه فلوسي وشكا عمري المن غير الهة والفروخنه
فهد
عفيه عليك والتفت الاخته وكال وين تلكين مثل زلمتج
كلثوم ابتسمت ومعناه وافقت
وادي
يالله هساع روحي لمي غراضج وفروخج وروحي البيتج بعد هو انطانه كلمه الحد ما يسوي بيته اصبريله كم شهر خو ماتظلين هيجي
محسن هلت اساريرهة وابتسم
فهد
هااا ابن عمي هل رديتلك حرمتك بعد الباقي عليك ماتخليه تزعل اتعلم شلون تروضهة بس موشش بلكتل بلتراضي حتى لا تخسر حبهة الك**********
زهره
هاا كلثوم شصار
راح اردن البيتي وزلمتي
شهد
هيجي تعالي بدلي وخلي احفلج واخليلج ديرم
كلثوم
موشش هنا استحي من ابوي هساع يكول ماصدكت
خلنه بلبيت اخلي مايعرفني
زهره
ههههههه والله طلعتي مو هينه
جا شلون انه اعجبج بهيجي سوالف
**********
الساعه السادسه عصرا
سعد
تعال احجيلي شنو الاخبار
والله يلشيخ مااعرف شكلك
احجي انه اسمعك
شيخنه السالفه مثل ماكلت حرمتك يم الشيخ وادي
فتح عيونه بوسعهن وصارت حمر دم
صاح
شلووون
اي يلشيخ وانه تاكدت من بنت الحارس تخشش ويه النسوان وشافته وعرفته وهي عايشه ويه بنات الشيخ وادي
سعد
اخخخه بويه لو هي يمي جا فوخت كلبي
روحححح انت هسه وهذا حجيك لا يطلع بره افتهمت
صدك جذب شيخنه سرك ابيرسعد
بويهه اله ادمرج يازهره هيجي اتوطين راسي انه الشيخ سعد ابن الشيخ حمود الي مفد يوم احد استرجه يحجي بشرف نسوانه لااء هاي لعبه من ابوج خلف تردين تفضخيني لا والله موشش سعيد الي حرمه توطي راسه انه اعلمج ان ماخليتج تندمينسعد جان واثق من حب زهره اله والهل سبب متاكد
شما يسوي بيهة راح ترجع تركضله راضخه الحضنه وتتوسل
لكن هل صحيح الي يفكر بي لوو زهره تتغير وتصبح قويه والمن يعود السبب بلتغيير
حب جديد
هذا مسوف نعرفه بلبارت الجديد عند التقاء
سعد زهره وفهد
قصه للكاتبه ذكرى المندلاوي
أنت تقرأ
سلاسل من رصاص
Storie d'amoreتدور القصه حول خلاف بين عشيرتين يقتل فيها الابرياء وتموت فيه العاطفه ولا يبقى سوى الحقد والعداوات لسنين فهل يستطيع روميو ان يعيد حبيبته جوليت الى الحياه ام تبقى الخلافات و يموت الحب الى الابد القصه للكاتبه ذكرى المندلاوي