Ilang beses na akong naniwala,
Naniwala sa mga mapanlinlang mong salita,
Naniwala sa mga mapagpanggap mong gawa,
Ngunit sa bandang huli'y trinato na parang wala.
Ilang beses na rin akong pinangakuan,
Pinangakuan na hindi ako sasaktan,
Pinangakuan na ako'y aalagaan,
Ngunit sa bandang huli ako pala'y iiwan.
Kaya ako'y may gustong hilingin,
Sana ito'y iyong dinggin,
Sa bawat salitang aking babanggitin,
Sana ito'y iyong tuparin.
Dahil sayo ako'y susubok muli,
Sana ika'y manatili sa aking tabi,
Kung maaari sana'y 'wag akong isantabi,
'Wag tratuhin na parang isang pagkakamali.
Simple lamang ang hiling ko aking sinta,
Mahalin mo ako ng tapat at walang pagdududa,
Sa bawat salita ay sana maging totoo ka,
'Pagkat mahal kita at sa akin ay mahalaga ka.
🌻🌻🌻🌻
BINABASA MO ANG
POEMS FROM THE HEART ❤❤
PoetryHi guys! So this is your Queen_Cassiopeia0117 with her new work lel 😂. So as said in the title this will be about my own compilation of poems na sana magustuhan nyo ('∀｀)♡. God bless us all Angels and love lots❤️. 🏅 #6 - Sawi 🏅 #4 - Pafall 🏅 #9...
