Bujang Selanggang completed

Ensera Bujang Selanggang

#EnseraBujang SelanggangEnggauBujangRirang

#tusun3

"Merai dani wai ambai "pia ko nyawa urang nya megai bau iya .

Asaika igau iya asaika ukai nyengenda ga nyawa nya dinga iya .

Merai begadai gadai angkat meda ngenuduk ka diri .

"Sapa kita ka berani ngerak aku ka tinduk jenak ..."pia ko Merai nanya urang nya .

"Sshhhhhhh!!!!!anang nuan inggar bejaku bini wai ...peda nuan beteliau api munsuh ngelingi langkau tang nuan anang irau Merai bisi aku ngemata ka nuan "ko laki nya bejaku ari luar kibung tang mua enda tampak dipeda .

Ati Merai asaika ditenchang ninga nyawa urang laki ka bejaku enggau iya nya .

Laban langkau seduai mindai iya bisi seling dia api munsuh tampak endar peda Merai kemisik aja munyi tapak kaki munsuh ngelingi langkau .

Ati Merai nyau ketap ketap mua ka diri parai kediri ulih munsuh .

"Nama nadai dipeda langkau munsuh tu deh madik "pia ko bala munsuh nya nyau kalat kalat ngapa ngiga langkau Merai .

"Endai madik ditu meh langkau iya ukai kediri aku meda kediri indu nya aja nguan langkau tadi ."pia ko sida iya dinga Merai.

Merai enggau laki nya enda engkeretik enda memunyi ai mata Merai nyau bekeberai labuh takut tapak jari kaki iya nyau chelap asai ticak empa penakut.

"Kapa nuan ka takut aku bisi Merai rnda aku ngelak ka munsuh nya ngacau seduai mindai ."pia ko urang laku nya tau nemu sagam ati Merai udah ngelebus munsuh pulai .

Merai asaika ngesai ka jari laki nya tang bangat rat ga berap urang laki ti ngujungka iya nyau jenuh .

"Nuan sapa ..enti nuan bunsu antu madah enti nuan bunsu jelu madah ...enti nuan ngambu aku ka bini lapa enda nuan mai apai indai nuan nanya aku .Semua urang bejaku ka aku ..nuan dini maya nya ...??Apai aku parai tusah ati meda aku baka tu ni kita bisi ngidupka apai aku ...Tu anak laki ka ngayap aku beduan aku nfai ditemu rita ...diatu nuan ngumbai aku bini nuan.Laki nama nuan tu .."ko Merai enggau sabak sabak mantai ka pengeringat enggau pemedis ati iya .

Ninga Merai ngeransi nganu iya dia laki nya lalu tama kibung merap Merai .Ati iya tusah endar ninga jaku Merai .

"Ukai sengaja aku asie ningal ka tajau enda bekaki ngelak ka nuan kediri napi pemerinsa napi jaku urang tang kati ko enggau pengerindu tua mina buya selawang ..nuan enggau aku enda ulih begulai nyata ba dunya baruh ari..Mina aku datai ba dalam mimpi mina aku ulih nyaga ngemata ka kita ari jauh ."pia ko laki nya madah ka Merai .

"Nuan sapa bangat enda tau dipeda nyengenda ...bunsu antu ..bunsu jelu ..bujang panggau lelang .....nuan nemu ka nama utai diasaika aku ngelamatu ..."ko Merai agi nyalah ka laki nya .

"Enda baka utai di ma ambai nama kebuah aku enggai nyaup nuan bini asie"ko iya ati iya sinu bendar ninga sebana bini iya ukai iya enda ngasai ukai iya meda ngelamatu laban ka enda sama pendiau begulai nabur pengerindu pen ngasa ka ati iya ngelamatu .

Merai agi singut singut nyabak .
"Kini nuan ngelamatu ..nama nuan nadai ngundang aku "ko tanya Merai laban ati iya empai terentuk ninga saut laki nya .

"Nadai bejalai aku sulu semampai bisi enggau nuan kau ngelamatu mina nuan aja ka enda ngasai penatai aku laban ati nuan agi ringat ditinggalka aku ngelamatu"pia ko laki nya madah ka Merai .

Nya baru laki nya madah ka diri ngagai Merai sapa iya ke bendar iya .Begauk meh seduai iya Merai mantup ka pengelenyau ati .

"Laki anak tua ila Merai besapit ..iya ka tuai gaga nuan Bulang selanggang nama iya ..nyadi ka biak Bujang Rirang ...Senang nuan ila Merai pama seduai iya udah besai ..agi mit merinsa meh nuan nupi iya tang nuan anang takut kau bisi ari belakang kita menyanak ."pia ko laki iya madah ka Merai tang Merai enda memunyi ninga jaku laki iya .

"Merai ..nyema ila bisi urang laki bisi datai nanya nuan nadai aku ensayau ka nuan belaki .."ko iya bejaku meda bini iya enda nyaut .

Ati Merai lantang endar ninga jaku laki iya taja pen iya enda nyaut jaku laki iya .

Isa enda begulai amat meh datai ngundang iya belama nya pen udah cukup .

Bisi laki iyq datai ati Merai enda rawan bisi enggau iya berandau mantai ka sebana .

Nya meh guna laki ngelindung mayung iya ...nyaga ngemata ka iya belama .

******besambung*********

#tau like komen n share ...