Bujang Selanggang completed

Ensera Bujang Selanggang

Ensera bujang selanggang

Tusun 8

Datai seduai menyadi iya ba rumah ninga urang sigi udah nyabak .Niki seduai ka rumah meda indai iya udah lading lading gali diruai ngena ngepan baka ka tinduk jenak .Bala sepiak mah ka indai Merai datai ngandak penusah nyadi bala mah ka apai Merai nadai siku datai takut enggaika dirampit Merai sial.
"Kitai anang ngesah sida indai Merai udah apai parai anak iya ga parai. .anak ka diada ka iya nya mai nasib ka enda manah iya ngandung suba iya ga parai tu indai seduai iya ga parai nganjap ."pia ko jaku tenah aya Merai menyadi apai iya benama Langga .
"Amat munyi ko nuan nya igat ...nasib kitai serumah enda betampung perabung enggau sida iya enti pia kala enda angat rumah kitai laban urang bakanya ."ko aki Mendau ngaki ka Langga .

"Enggai nyadi kita kalu nenah ka Merai bakanya ..kita kelalu jai enggau sida mindai iya kumbai nadai antu ngarung mayung nulung sida iya ila ."ko Jenai nyaut nyau enggai ninga sida kalu ngenyai ka anak tudah Merai .
"Mimit enda meh kita sinu nyin lading lading ba ruai jauh kita ka nyenguk ka mua ngesah Chaluk ngasuh kita nyau nadai ati sinu kitak meda sida iya tinggang penusah ...anang ka ngesah nyau bela ngaki ka pangan diri ..cukup iban baka kita tu ..ukai sida Endu nya ka jai nasit tang mulut kita tu ka jai ."ko Jenai bediri tengah ruai bejaku nyau enda liat ati iya ninga urang kelalu ngenyai ka sida Chaluk sebilik .
"Nuan anang mayuh jaku Jenai nuan tuai ..manah mending ka urang aja ."pia ko Aki Ungkuk nekup Jenai .

"Ukai nama wai kelalu kitai serumah bangat enda teajar ka diri sama diri laban aku tuai enti utai salah peda aku nyakal aku ..enti bala anak Merai nya ila pabu antu kita nya sumpah ati jai enda kasih ka iban bela iban ..urang nadai penyalah kita nenah . nya anak iya nya enda nemu utai nya dikeji ka kita ..isa kita enda kasih ka Merai kasih ka anak iya ga .Masa iya ka parai nya ga pah betih diri empu ..ila enti kita parai ka kita di gaga ka urang jaku bakanya. ...berunding anang baka ka enda tuai nya buban bulu pala agi enda nemu bejaku ."ko Jenai ngasak ka sida iya ba tengah ruai.Siku nadai meh berani nyaut laban sigi mangkung kening diri empu .Urang bukai nyau jelimut mulut ninga jaku Jenai .Langga enggau Mendau badu bejaku baka padam sedo tekelap baka api tanjah ai .

Malam ka terubah Merai disengai dia indai iya chaluk betemu enggau menantu iya .
"Apu datai nuan igat ...idup ka Merai anak pulai ka Merai ngagai aku baru ..enda kasih nuan meda anak nuan nadai indai ."ko chaluk nyabak merap menantu iya .
"Nya meh indai enti enda ditinggalka aku nyumpit tadi enda iya parai indai ."ko menantu iya nyaut .Ari jauh iya meda Merai dianta ka cukup ngepan gali ba tengah ruai .Baka gali tinduk jenak meh bini iya ditimpai mata iya kaki iya mansang semak kuyu bini iya dipurus iya jari digenggam iya .Anak iya ti lalu diberap iya .
"Aku deka ngambi nuan pulai Merai enda ngira nama utai nyadi nuan sigi diambi aku pulai "pia ko leka jaku menantu iya dinga Indai Merai .
****************
Nya aku ka ngading sida dipanggau lendat dibiau gempung isang munyi ka berimba berawa lama bung nerbang menua keling gerasi nading bujang berani kempang peda ko petang ruai meda penatai Laja lalu rebah ba mua penyurai baka kayu ti dipangka ka ribut muting mulai .Sida Keling lalu engkechit ninga utai nyau semerap ba mua penyurai .
"Nama penusah nuan buat .."pia ko sida Pandak segatak  nanya meda ai maya Laja nyau ba pancur anak sungai nerusur kuyu .Bala mayuh nyau irau meda pendiau Laja enda tesaut ka jaku .
"Besai penusah nuan tu unggal ..."ko Keling nyagam lalu ngemai Laja bejalai ke ruai .Nyau lama baru Laja bejaku sida serumah serekun magang ninga jerita tusi Laja tekenyit bisi bala sida ka indu ninding bisi kedua nyau tama ka bilik nyabak ringat patut meh Laja ngelamatu  enda ngayap sida ka dara ba rumah nya nemu  udah bisi bungai dikayam .

"Enti bakanya jerita nuan punggal aku pen enda meh nemu bejaku diatu bakani runding nuan deh "pia ko Sempurai bejaku duduk jejentam ngerimbai Keling .
"Nadai runding aku tu buat ..minta kitai sebuat ngambi iya ke sebayan kin betemu enggau Raja Niram ."pia ko Laja mutus ka jaku .Bala sida Keling sama beperening sambil ka ngiga buah runding dikena nyaut jaku Laja.
"Aku nadai jaku mayuh buat tak pemai nuan aku ..ni barang maya ko nuan aja "pia ko saut Keling meda urang bukai enda bejaku .
"Aku pia meh buat ..pemai nuan "ko Sempurai nyaut .
"Aku bakanya meh unggal "ko bungai Nuing bela nyaut pia mega bala sida pandak segatak sida pungga bela sama deka nitih ka penemu Keling .

***********besambung**********
#tau like  n share