Bujang Selanggang completed

Ensera Buiang Selanggang

Ensera Bujang Selanggang

Tusun 10

Ba menua .....

Chaluk nyau selai bangka nyabak mimit enggai meh iya kesir bangkai tudah Merai .
"Dehhhh anak iga ga bangat nadai petara meda nuan asie ngeju ka nuan pulai nikal ka menua ....apaiiiii .....angkat nuan bai semengat ucu nuan pulai anjung iya pulai ...."ko Sabak Chaluk laban kelalu tusah ati ..
"Ohhh endu makai dulu nuan dua ari tu nuan udah enda makai ."pia ko Tapak indai Chaluk ngumbuk anak madi iya makai .Chaluk mina ngilik ka pala aja perut iya nadai berasai lepi .Seleka leka ai pen iya enda nyeput mina neguk ai aja nya semadi rekung nyau rangkai .
"Anang nuan kelalu tusah ati bakanya endu ukai iya ulih idup baru kitai ka idup tu mansal diri idup enti nuan enda daoat sapa ka ngibun ucu nuan ti agi mekang nya ..urang bukai emggai ngibun nya ...manah urang enda meh baka kitai ngempu getah darah ."ko Ibuk iya bejaku meri iya pengering .Chaluk meda gamal ucu iya labuh ai mata ...

"Nama meh antu bangat nadai meri sakang penampung seput ...bangat enda kasih ka kami ti merinsa tu ..udah ga laki aku parai tu anak aku ga parai ...."Dini enda ati Chaluk nyau abis ditinggang penusah bakanya ..sebut bai parai laki engka ati enda bangat ngenati ..parai anak naka pemedis naka pemerinsa ...asaika parai indai nyau seguk seguk tudah Chaluk madam dada ..asaika runtuh dada iya ...Asaika petang dunya baka siang lenyau penampak ditelan petang .Urang bukai naka penyinu ninga leka sebana iya meda gamal Merai baka ka tinduk jenak ngeruntun ati bala ka datai ngenang Merai memiak nya ninggalka anak enda nemu utai .
"Angkat meh anak umbas nuan tinduk jenak iga nuan bangat enda ninga kangau nyawa leka sebana aku ...merinsa meh aku anak ditinggalka nuan bangat nadai ninggalka jaku seleka ..puang udu aku umang ...nadai nuan dipeda aku angkat berapa ari tu .."Chaluk nyau ka luput nyabak nyau ulih bala iya muru ai mua nya baru mua iya badu rapa ...

***************************

Ba sebayan.............

Bala sida Keling ngerumban bejalai ngelawa istana Raja Niram dinga ko tabuh urang rami naka pengingar ari luar.Melut mata sida iya meda memadas rampa istana raja Niram dikuta sereta dijaga bala antu besai tinggi megai terabai nangkin duku .Iya meh kira iya enda entu jauh ari istana nya dia sida iya ngetu .
"Nyadi kita nganti ditu dulu aku berandau enggau Raja Niram dulu"pia ko aka Keling Kemping Padi .
"Sapa kita ka bisi engkerabun dinding bulu tau berunsut dulu iya ka nyaga pintu kuta nya mangah amat antu nya pia mega iya enda tau nyium bau mensia nyadi aku ninggal ka kita ditu anang sekali semak laban kitai tu ukai datai diri ngarapka kita nganti penatai aku meh  "pia ko Kemping Padi mekat sida iya .Ninga munyi nya bala mayuh pen lalu berunsut engkerabun awak ka semengat enda dipeda antu .

Kemping padi pen tama peda ko gamal antu ka nyaga pintu kuta nyau kerutu baka kulit raung lubang idung nyau danga danga mesai lubang gendang liur nyau beteritik ari mulut .Duku ka dipegai naka pemesai mesai nyau mesai mua chapan mata duku .Nyau silau mata kena pansar kilat duku naka penajam dipeda sida iya .
"Pama enti bakanya utai laban kitai unggal "pia ko sida iya bejaku .
"Ba iya unggal nemu nya bakani pengering antu bakanya buat "pia ko sida iya ketawa seraya ka nganti .
"Hahahaha ni utai enda alah unggal nadai antu lebih kering ari urang batang panggau "pia ko kedua iya nyaut .
Laja enda memunyi nyaut enda meh nyau kelalu tusah asai ati iya laban ka ngasai diri enda ulih begulai lama enggau bini iya tambah mega iya ninggal ka purih .

********
Ba dalam istana Raja Niram Kemping Padi bejalai ngelawa raja ka duduk ba panggau .Bala sebayan enda tunga ko bebuti begagai ngerami urang ka datai baru .Enda jauh ari Kemping padi bediri dia iya meda siku indu bajik gamal nganta ngena ngepan iban duduk nyuntai ngelila ka urang .
"Ampun Raja ..aku bisi utai deka dikeranfau enggau nuan nyadi aku minta awak nuan berandau enggau nuan naka pengelengkas "pia ko Kemping padi nyembah Raja Niram .
"Nuan nya Keling Sebayan ...lalu meh berandau enggau aku ...Nama nuan tau laun datai saritu "pia ko Raja Niram tucum gaga meda penatai Kemping Padi.
"Bakatu tuan Raja nyadi ba luar din bisi bala aku datai urang baruh ari deka minta pemendar ari nuan mai indu nya pulai ke menua .Pemaruh ati nuan amat ngaga ka ati kami enti nuan belempung ati ngasuh sida iya mai indu nya pulai ka menua."pia ko Kemping Padi madah ka Raja Niram .

Mua Raja Niram lalu petang ...petang agi ari mua ari .
"Sapa bangat berani minta rakyat aku pulai ...Sapa urang udah datai ba Mandai mati tu nadai sapa ulih idup pulai ka menua pama iya udah datai ba istana aku ditu ...Barang sapa ngambi iban aku deka besatup ngelaban aku !!!!!!!!!!pia ko nyawa Raja Niram rabau ingar .Bala sebayan ka bebuti tadi pen lalau ngetu ngenyit ninga nyawa Raja sida iya .
"Enti bakatu bekayau meh kitai nuan ga enggai meri aku iban "pia ko Kemping Padi mutus ka jaku .
"Aku besumpah nadai siku pen urang baruh ari ulih pulai baru pama datai ba batang Mandai .Bai semua bala antu aku nyikap diri enggau terabai kitai deka bekayau ngelaban urang baruh ari ."Bala antu ka ba istana dia pen lalu malie nyadi antu tulang bebai ka terabai duku ilang .Merai ka meda bala urang ka enggau iya begulai nya malie nyadi antu Tulang dia iya lalu takut deka lari lalu bedau sempat iya lari peda jari kaki iya udah ditambat Raja Niram .
"Diatu nuan pansut ari istana aku enti bala nuan menang ngelaban bala aku baru iya ulih diambi kita ."pia ko Raja Niram ngiar ka Kemping Padi pansut .

*******besambung******

#Tau like komen n share