Bujang Selanggang completed

Bujang selanggang

Ensera Bujang Selanggang 

Tusun 12

Menua baruh ari ....

Dua malam tiga Merai udah disenggai semua baya ti diberi ka Merai mupuk diutun indai iya ngambi nyamai dibai maya nurun ka anak iya ka tanah .Nadai utai enda ngenusah nyatudah Chaluk meda bekau jari anak iya sikuk sikuk ga iya nyabak labuh ai mata .Dada lembau madah asaika dipandam belama ..kain ditenun anak iya mega agi meruan ba tangga ubung memua ka anak iya duduk makan ka ubung nantai belia nenun ubung .Enti baka selama enggai anak iya disangkai iya ngaga utai enda nemu dudi tu tau ka Merai disangkai indai iya .Maya nya tudah Chaluk ingat ka jaku anak iya minggu nyin kemari nyau terutu ai mata iya nerusur dagu .Seput dibatak iya panjai tang asaika sendat mampur lubang seput iya .Enti baka pemati dua kali ingin udu iya ngelela ka diri nyau ka nitih tang merening mua ucu iya ka enda nemu utai nyau kasih ati iya laban ucu iya ka bedau nemu utai ditinggalka parai .

("Ka ga nuan mai aku deh endu meda ngelamatu tu enda asuh nuan ditegu aku aku deh "ko Chaluk ketawa meda anak iya ngasuh iya makan ka ubung laban nyau pedis punggung puas duduk .
"Pedis punggung ku indai bai duduk aku indai bai enda terangkat duduk tadi ..."pia ko Merai ngikaska tempaut tekalung  .
"Nehh lapa deh hahah enda ga nuan nakal duduk .kati aku ka tuai tu deh "ko chaluk sengaja nyabung jaku rindu beduan anak iya .
"Kati deh indai nadai nya salah nuan nyili aku deh ..ni nemu nemuai aku ila ka menua urang nitih ka sida apai bisi ga nuan nembu ka iya ang sekali nuan maya tu ka aku "pia ko Merai bejaku.Ati Chaluk enda nyamai endar ninga jaku anak iya munyi nya tak sinu nyau labuh ai mata.
"Tak mapap bejaku ..nama enda sinu nuan meda dom dua iku nya ..sapa ngintu aku ka tuai tu ila enti nuan nadai"pia ko indai iya malik kebukai ngelalai ka mua iya nyabak belalai tak asaika ka tusah ati iya ninga jaku Merai .Chaluk lalu angkat ngaga diri ngadu ka lungga ba selepak dinding mua nyau enda chiru baka tadi pengudah iya ka ninga anak indu iya bejaku nempelah .)

"Amat meh jaku nuan anak ...sampai ati nuan ninggal ka kami tiga ..ukai aku dapat nyau mansang tuai ..lalu empai nyamai ati aku anak ditinggal ka apai nuan  ...nuan ga nitih ka sida iya ...dini ati aku enda asaika dituchur api ..naka pemerinsa ati aku deh anak waiii ..."pia ko Chaluk muchau nyabak meda kain ka empai abis ditembu ka seduai menyanak.
"Umbas nuan nyabak deh indai endu ..enti nuan enda ngeringka ati diri bakani enggau ucu nuan ..enti baka niamg tau enggau berandau enggai iya meda nuan bakatu ..."pia ko tapak ibuk iya ngaum ati Chaluk .
"Enda ngetu meh aku tu merinsa dehh indai ni kita bangat enda meda enda nemu ngemata ka aku idup ba dunya . "Chaluk berua baru nyabak nunga baya ka empai abis diutun iya .

"Umbas nya angkat nuan utun jampat nya ..nyau ka dini ari diatu enda lama da urang ka nurun ka niang .Ibuk iya nyau labuh ai mata enti baka utai tau diajih amat singin iya ka ngambi ucu iya ke sebayan tang mar bejaku menua enda temu rita nadai ulih dilawa enda nemu kuing alai ngiga .Bala sida ka indu nyau mupuk besaup nengkira enggau indai Merai ngutun utai .Sida ka laki laki nya pen bela kiruh mega begiga la lanji dikena mai tajau enggau keresa bukai .Pehin enggau wi ti dikena mai tubuh Merai udah disedia ka urang ba ruai ngimbai Merai ka gali . Iya meh damping dini ari indai Merai enggau bala sida iya pen bela nyabak laban nya penudi iya sebedau sida ka laki nya nungkus iya enggau tikai kerupuk .Sepengelama dua malam tiga ari nya mimit nadai meh mua Merai mali jauh agi bau baka ka tucum iya ka tinduk dini enda indai iya nyau berua andai nyabak berempah rimpai.

"Dani nuan asie asie umbas tinduk .Enda sinu nuan meda anak nuan .Anjung pulai anak aku indai anang pulai anak aku apai ...ni nuan bunsu bubut anang ngasuh anak aku rindang bejalai ba menua puang "pia ko Chaluk agi nyabak nunga Merai ..
"Ni kita petara bangat enda ninga ngidup ka anak aku ."
"Umbas nya endu ...nengkira urang "pia ko inek Merai megai bau chaluk .Bala sida ka laki pen angkat udah cukup alai sida iya nurun ka Merai tang indai Merai mimit enda meh angkat agi meram nyabak nyedan .Disium iya meh mua Merai ai mata iya ka labuh ngemasah ka mua Merai asaika enda parai mina ka chelap ngelinan isi Merai .
"Ambi siti da tikai kerupuk ba pemanggal ujang" pia ko sida iya ka dia .
"Umbas  nya anak legi nyau laun enggau ka ninga burung enti laun legi "pia ko sida ka indu ngasuh Chaluk badu nyabak.

*************************

Lebuh ka mansa batang panggau dia sida Laja enda ngetu mina nyangkai ka bala sida serumah iya aja laban penatai sida iya ditemu urang dia indai Laja nyua ka sintung gari ngasuh Merai ngetu mandi .Ba sintung menarang dia ngepan indu cukup magang nyentuka ka pua kumbu serambar diberi iya ka Merai maya iya enggau menantu iya mandi ba pendai .
"Pasuk ka magang ngepan nuan tu endu ...ila nuan nemuai ngagai kami kitu "pia ko indai Laja .Merai mina tuchum enggai nyadi bejaju tak asaika ditambit mulut iya  enda baka iya ka agi ba sebayan tadi.Udah tembu mandi dia sida Keling pen nurun baru ari rumah enggau Laja nganjung Merai bisi dua buah perau sida iya enggau Laja .Iya meh sida iya datai ba menua amat dia Merai ka duduk ba tengah ruang perau nya nyau mit semit dipeda nyau lela .Makin perau nyau ka datai ba rantau rumah sida iya dia Laja mai Keling Ngetu meda bini nyau mit semit dia peda.

******Besambung*****

Lapar perut ibuk ila nampung iya baru aok hihi ..
#tau like komen n share