Bujang Selanggang completed

Bujang selanggang

Tusun 13

Meda semengat Merai majak mit nyau lela dia Keling lalu engkechit ari merejuk ari perau tak terengkah ba perau Laja .Sida iya bela enda nemu nama utai deka digaga seput digiga seput ka lela Keling ka datai dia tepeda ka pua kumbu lalu dibungkul iya semengat Merai ka nyau mesai tunjuk kaki .
"Huuuhhhh !!!!"munyi seput dikesuh ka sida sebuat iya .Peluh ka nerusur kening nyau nitik merai igi marik .
"Bah .. Anang ngerindang diri agi kitai sebuat enggai ka laun selaun "Laja enda enda memunyi ninga jaku Keling.Ati iya nyau asaika dipandam nadai utai enda ngesal nya ati .Sida sebuat iya pen lalu mupuk bekayuh iya meh datai ba pendai sida sebuat iya pen nambat ka perau .Lebuh sida iya datai ba pendai maya nya sempun api nyau udah beteliau senawah nengau jalai ditanchang orang niti jalai pendai .Perau mega diudah nganti baya kedua iya udah diengkah ba dalam perau udah nanchang tali perau dia sida iya pen lalu niki ka rumah sintung lalu disandik Laja .

****************************

"Lariiiiii!!!!!!!!!!!!"Peda ko urang ka deka ngajung baya ka ai pen tak baka manuk digagai busau .Sida iya pen begau nyau baka lari ka munsuh .
"Bah nama utai"pia ko jaku sida ka ba ruai .Bangkai tudai Merai ka udah di san nya tadi pen lalu dileka ka sida iya baru .Mua sida iya ka ba ruai nya pen enda bulih sejeput bela takut meda utai tak naka iya pemesai mesai nyau gunu gunu nabau  ngerantar tama ka rumah bisi tiga iku nyau besai agi ari giling idas .Baya ka deka diajung nyau kesebar aja utai bala sida ka laki nyau enda meda penatai ular nabau belikau sawa .Bala mayuh bela ngenung meda bala ular tak nuju bangkai Merai enda lama udah datai ga ular siku da tak menyeling leka mata ular nya dipeda ba belakang iya bisi sintung menarang .Sida ka nyabak bela ngetu nyabak meda utai nadai enda ngenyelai nya .Iya meh pala ular nya bediri nyau ka bela enggau sida iya ka duduk dia sida ka indu pen tama ka bilik takut enggai ka parai ditelan ular .

Bangkai tudah Merai baka ka dikerabakka urang nya meh mata sida ka meda nyau melut melut nangi ka bangkai Merai telan ular .Pua kumbu ka dalam sintung nya pen terangkat baka ka ditanggung iya meh datai ba punjung aji Merai pua nya lalu baka dikerembaika urang dinga ko tak munyi ka nyeru ular nya peda sida iya .Tiga kali iya nyeru dia Merai pen lalu angkat tak selalat baru ga sida iya lari takut ka Merai tak meunja unja angkat baka ka dani ari tinduk enda lama udah nya ular empat iku nya pen lalu lesap nadai dipeda agi .Meda ular nya lenyau nadai dipeda sida iya agi nya baru sida iya berani damping ....
"Antuuuuu"pia ko sida iya manjung naka pengingar sida ka laki ngambi pen lalu engkechit ngiga sengayuh dikena nyakal Merai .Merai ka dani nya tadi lalu angkat nginau ginau meda urang mayuh ngelingi iya mai sengayuh .

Indai iya pen lalu belawa merap Merai iya antu bai iya iban sigi dilawa iya .Bala sida ka laki nyau bela perening meda meda seduai mindai iya beberap ai mata Merai naya gaga .
"Idup anak aku ..idup anak aku!!!"pia ko indai iya manjung meda bakanya sida ka laki badu agi megai sengayuh.Ari ka sinu nya tadi nyau begau takut ari takut nyau pulai ka pengaga sida ka dia meda Merai idup baru .Nyau enda nyadi meh sida ka mai baya nya tadi nurun ka pendai laban Merai udah idup baru .
"Endu ari tadi nuan ka enggau kami ditu betungga iga ga nuan enggai berandau enggau kami ."pia ko indai iya nanya .Merai nyau nyabak nyepi rekung iya asai ka tengkelan leka jaku iya enda ulih pansut ka nyawa .
Mulut iya nyau baka urang ka bejaku tang Merai dipeda sida iya isu nadai leka jaku .

"Pelian ka enggau manang iya badu iya isu "pia ko nyawa urang laki dinga sida iya bejaku .Ninga munyi nya dia sida iya pen lalu ngambi manang ka ba rumah panjai dia .Datai manang dia iya pen lalu belian udah belian badu meh Merai isu nyau tau bejaku .Berita pemati Merai ka idup dua kali balat endar nyelekai ba batang ai sida iya laban bala menyadi apai iya sigi utai enggai iya .Dia sida iya balat endar ringat .
"Mati ngayau kita nyau kelalu bula ..nadai kala urang parai idup baru ."pia ko Aya Merai nyakal .
"Amat aku enda  aku bula ka nuan ..Berantu amat anak chaluk nya ..."pia ko sida iya bekenang .
"Cehhh enti bangat berantu nama apai iya enda diidupka deh lapa enda ditampung seput nya deh "ninga jaku menyadi apai Merai dia sida iya badu bejaku enggai besaut jaku ti tau ngujungka belaya .

"Aku mensia baka sida iya nya mimit enda meh aku arap .Enti bangat tulung petara nyau enda sida iya minta padi belah urang ."ko tapak aki Merai nyaut ngaki  api  tekak tekak ba ruai .
"Aku ukai ga enda arap tang dipeda mata pala diri empu mali bula .."pia ko Sako nyaut iya.
"Nuan enda arap nadai aku tu mejal nya tanya sapa ka enggau nyengai endu Merai nadai enda nemu laban bela meda"ko Sako bisi nyau enda liat ati iya meda urang bakanya .
"Tak pala mula utai ..enti ka nusi anamg ngelangkung utai .."bedau abis iya ka bejaku dinga ko alu daup Mengan iya bejaku .
"Nuan ka nemu utai anamg ka nemu meda kin pen nda maya urang nyenggai Merai.Tumbuh alu mantah urang nyabung pengering rekung iya nya aja .Nuan nya meh mensia nadai tuju bula dia nyabung jaku dia kering penemu dia urang baka nuan nya baru nadai tuju ."Sida indai Merai amat di yar ka nuan ari tu suba nadai kala minta berau ba kitai serumah ....bini nuan empu enda ditanya nuan ka udu minta sanda berau ba sida iya "pia ko Mengan nimbal nyau enda liat ati ninga bala iya kelalu ngenyai ka chaluk enggau anak iya .

*************sambung***********