Bujang Selanggang completed

Ensera Bujang Selanggang

Ensera Bujang Selanggang

Tusun 9

Naka meh penusah ati Chaluk parai anak ninggalka ucu iya dua iku ti bedau nemu utai .
"Idup ka anak aku indai anjung pulai anak aku apai ...tusah udu meh aku tu indai belah tajau pemai ...deh petara isa laki aku udah diambi kita anang meh kita ngambi anak aku ..anjung pulai anak apai  ...sapa enggau aku begulai idup ba dunya enti kita nyau baum ninggal ka aku sebatang kara ...Pulai nuan Merai Merai nama enda kasih nuan meda anak nuan ka agi mekang mekang ditinggalka nuan ...sapa ngibun kami tiga lebuh sakit sapa nunggah aku makai ...sapa masu ngelunyu aku ila majak tuai ....pulai nuan anak asi pulai ...dinga nuan nyawa aku rerangau dehh anak asieee   eee ...."pia ko munyi sabak indai iya .Naka meh penyinu iya meda gamal Merai enda meh bebulah tak libak libak mua Merai baka ka tinduk .

************************

Urang ba batang panggau pen negkira ka terabai sangkuh munuh ngasah ilang enggau nyabur .Berapa buah perau pengayau dikena sida Keling ngayau ka sebayan ..Urang laki batang panggau ukai anchi pengering nyau kindang kindang nangkin ilang bebaju gagung mai terabai .Iya meh sida iya belabuh mupuk sekali  megai ulu sengayuh nyepi diri udah datai ba nanga mandai .Bala sida Laja enggai ngerindang diri ngambi Semengat Merai laban ari kitai baruh ari enda sama enggau sebayan ...tiga ari kitai menua tujuh ari urang di sebayan .Sida iya merau datai ba kerangan perau pen diranggar udah nya sida iya pen niki ka darat ngelawa Istana Raja Niram tang Keling mai sida ngiga Kemping padi .

"Tak sunyi menua tu buat ..mina bekau urang baru pulai mandi tu" pia ko Bungai Nuing malik kiba malik kanan berati ka rampa menua dia tak landai sunyi nadai orang .
"Enda nemu meh buat manah kitai ngiga aka aku Kemping padi dulu bakani kitai ka deka ngelawa istana Raja Niram "pia ko Keling mantai ka buah runding iya .
"Bah aram meh anang ngerindang diri kitai enggai ka ari nyau malam legi enggai ka urang ba menua din nganti kitai ngapa "pia ko Pandak Segatak nyaut sambil merening mua Laja ..Laja enda bejaku mua iya berupai tusah bendar sida iya datai kia pen bedau entu pulai ngemai bini iya kala ka deka ka Raja Niram ngasuh sida mai Merai .

Lebuh sida udah datai ba menua Mandai dia menua nya sunyi endar tak nadai dipeda bisi urang mandi ba pendai mina ka bekau basah urang pulai mandi.Meda bakanya dia Laja, Keling,Bungai Nuing Sempurai enggau Pandak Segatak nuju Kemping padi . Kemping Padi Keling sebayan menyadi tuai  Keling ka parai lulus .
"Nasib meh aku betemu enggau nuan aka"pia ko Keling lalu merap menyadi iya
"Nama pejalai kita jauh amai rembus kitu deh "pia ko Iya nanya Keling meda mayuh amat urang dikelala iya  enggau Keling .
"Ka pen enda nuju nuan kami tu aka minta bantu nuan ..nyadi aku tu enggau bala banyak tu deka ngambi Bini Laja kitu ..nya meh pejalai kami kitu "pia ko Keling madah ka iya ngerampas .

"Enti baka nya enggau aku meh kita ngagai istana Raja Niram laban diatu bisi indu dirami urang baru datai ba istana din nya meh kami tu deka kin ngagai istana iya ."pia ko Kemping Padi madah ka sida iya .
"Enti bakanya betul endar kami tu enggau nuan kin aka "pia ko Keling bala mayuh enda memunyi mina nagun ka pala tanda setuju enggau penemu Keling .
"Baka tu legi maya kita datai ba istana din legi bala banyak tu legi nganti ba luar istana. raja nyadi kita tubuh lima tu legi enggau aku tama betemu enggau Raja Niram ."ko Kemping Padi ngatur sida iya.
"Barang ko nuan unggal kami tu nitih aja jampat agi kami betemu enggau Raja Niram jampat agi ga ngemai Merai pulai "pia ko Laja nyaut dalam ati iya cukup besai pengarap ulih betemu enggau Merai lalu mai iya pulai .

"Sabar meh unggal utai tu ukai pengawa mit tu tang berebut ka iban kitai enggau kita empu pen ditu .Kita ga nemu Raja Niram jarai meh iban ulih pulai pama udah datai ba menua mandai tu .Nyadi diatu kitai kin dulu meh berunding enggau Raja Niram naka ulih meh legi kitai bejaku ."pia ko Kemping Padi .
"Aram meh kitai anang kelalu rindang "pia ko Keling mai bala iya nitih ka Kemping Padi .Iya umbas penyauh sida iya bejalai meda madang bungai naka pemanah bau angi meali ali ditimpai asaika enggai pulai rindang macam macam chura bungai pansa jalai .Iya meh udah ngelebus madang bungai sida niki junggul bukit tanah landai tang nadai tumbub pun kayu mina tumbuh mit lis gamal rumput ka tumbuh ..

*****besambung ****

#tau like komen n share ...