Bujang Selanggang completed

Ensera Bujang Selanggang

Ensera Bujang Selanggang

Tusun 11

Ninga jaku Raja Niram ngiar ka iya Kemping padi pen lalu pansut ari istana Raja Niram .Kemping Padi pen lalu ngelawa bala iya ka nganti enda jauh ari istana Raja. Niram dinga ko memunyi terantang tawak begau .Bala antu Raja Niram nyau baka ka diajih tak betusun mayuh ari lambar duan banyak ari kerat lemetak bebai ka duku sangkuh terabai begelum ba mua pintu kuta .Nadai enda memayuh nya nyau petang tengah laman mua kuta empa pemayuh bala antu ba betusun dia .
"Berani sida iya deka ngambi iban aku "pia ko Raja Niram duduk ba atas panggau .Panggau iya nya tadi lalu disan bala antu pansut ka luar pintu kuta .Merai ka ditanchang Raja Niram nya pen lalu dibai dia iya pansut meda bala antu belaban .Nyawa Merai nyau rauh rauh nyabak takut meda bala antu tulang tak berintai nyau betusun empa pemayuh .
"Ambi aku indaiii anjung aku apai .....dini menua dini alai enda nemu tunga enda nemu jalai ..."pia sabak Merai kusil kusil ka muka kunkung jari ka nanchang kuan iya .

*****************

Sida Keling ka nganti ninga tebah terantang tawak begau lalu beperening mua pangan dia .Ari jauh peda ko Kemping Padi belanda ngelawa sida iya nantai pedang nyabur ilang .Meda baka nya dia bala Keling pen nyagam .
"Ngadang semua .....!!!!!Belaban kitai!!"pia ko Keling ..Aka iya Kemping Padi lalu merejuk terengah ba ba sida iya .
"Belaban kita kitai Raja Niram udah ngerah ka bala antu iya ngelaban kitai emti kitai telaban ka bala antu iya nya Merai sigi ulih diambi kitai ."pia ko Kemping Padi .Bala mayuh pen lalu ngering diri berintai panjai nundak bala antu ka enda jauh ari sida iya .
"Ni utai bangat enda lalah laban urang panggau ...bisi ka berani nyaing ati kitai tu bisi kering kebal besi kitai tu ."pia ko Bungai Nuing meransang sida iya .
"Amat munyi ko nuan nya buat ...Bisi ka berani kitai tu ..pematak kayau kitai tu nadai enda dikelala menua ."pia ko sida iya meransang ati diri .

Tubuh sida ka mimit nya ukai penangggul nyatup tubuh munsuh ka beratus iku nya .Mimit enda meh nyurut ka singkang kaki sida .Sida Keling bela betapak mua enggau antu kira ka sepuluh depa penyauh .Maya sida iya meda Merai seretai enggau Raja Niram pansut disan enggau panggau .Dua iku antu mansung Merai dua iku ari belakang mai tambai .Enda lama udah Raja Niram lalu ngasuh siku ari urang ka mai tambai lalu ngentak ka tambai ba tanah dinga ko talu talu munyi tawak Raja Niram pen lalu ngedal ka lengan ngasuh bala iya nyerang bala sida Keling .
"Serangggggggg!!!!!!!!!!!!"Ko Raja Niram bala antu iya pen nyau nyemambo nyawa sambil ngedar ka duku lalu belanda nyerang sida Keling .
"Bahhh buat nama dianti agi "pia ko Bungai Nuing sigi manuk sabung Keling mali lenyang .

"Bunuhhhhhhhhh""
"Seranggggg!!!!!!""
Bala sida Keling pen lalu engkechit deka mempat bala antu .Iya meh mata pedang bela besabung peda ko merecik pansut daun api .
"Arrgggghhhh!!!!!!!!!!!"kechit kulu kechit kili angkat baru bala antu anang ka deka parai ngasuh angkat baru ngelaban sida iya .Tiga ari tiga malam sida iya ngelaban bala antu meda bala antu nya diapantap enggai mati mati dia enda liat Laja tadi tak tempalung ka iya pala antu pedabtak gama gama antu ngiga pala .Meda baka Keling enggau bala bukai pen nunda ambi pala antu tempalung ka jauh jauh .Bungai Nuing enggau Pandak Segatak tak ngeruyas ka tulang kerigai antu tikau kulu tikau kili .Pala bala antu tempalung ka seduai iya  kiba tempalung Kanan nyau baka buah nyiur pala  bala antu tulang .

Nya meh bala antu nyau carut sama diri salah ambi pala ni kedua iya mantap pangan diri ..ni kedua iya tembu ngumpul tulang ngiga tulang diri ti ditempalungka sida Keling .Nyau enda nyadi bala entu nya ngelaban auda nyau berekak sereta belaya ka enggau pangan diri laban salah ambi tulang ngiga pala enda temu dini endur .Iya ka nadai pala lalu dipantap sida Keling lalu rebah ka tanah nyau bekesepar tulang sida iya enda ulih bejantil baru .Bala Antu nyau mimit semimit sapit Raja Niram lalu nebah tawak ngasuh sida iya badu bebunuh .Ninga tebah tawak nya sida Keling pen ngetu peda nyau burak tulang ngapar ba tanah .Iya ka kena indik nyau semetak aja patah baka ditabur belah tanah iya ka redak kena indik kaki nibuh sebut nya enggai nyadi diseliahka tapak kaki .

"Amat enda alah tapat kita Bujang Panggau nyau abis bala antu aku mati laban kita .Enti majak kami ngelaban nyau punas antu menua sebayan tu laban kita .Ambi meh Merai tu laban aku ngamat ka jaku enti aku alah kita tau mai iya pulai enti aku menang anang ka iya kita nya rindang meh nampil kami ditu "pia ko Raja Niram lalu ngasuh sapit iya muka kunkung jari Merai .Kemping Padi lalu ngambi Merai bala sida Keling pen lalu mai Merai begulai enggau sida iya .Laban ari ka majak serekat tiga malam sida ba sebayan dua ari urang baruh ari enggai ka bangkai Merai dianjung urang ka pendam .Merai naka pengaga meda Laja laki iya datai ngambi iya ka sebayan.
"Nasit meh kita datai ngambi aku berasai tusah ati aku meda kita bangat emda ngenatika aku ngelamatu ."pia ko Merai ngendas ai mata iya .Laja naka pengaga enda tepansut ka jaku meda sida iya tebaika Merai .

*****besambung*******

#tau like komen n share ...