Bujang Selanggang completed

Bujang selanggang

Ensera bujang selanggang

Tusun 16

Iya meh ari pagi dia deh Selanggang enggau Rirang tumu dani .Udah meri seduai menyadi iya meri manuk enggau babi makai dia seduai iya deka bejalai napat ka antu raya ka diasuh apai tuai urang  bunuh Selanggang dalam mimpi.
"Indai !indai !kami seduai Rirang ka ngabas bubu ka ditan kami seduai iya kemari enggai ka diambi urang ."pia ko Selanggang madah ka indai iya. Merai ka dunga dunga naing asi nya lalu malik ke belakang ninga anak iya nyapa ari belakang .
"Nibuh bejalai meh baik mayuh lauk nya bedau seruas keli nya dia "pia ko nyaut anak iya .
"Sayau iya indai inek tetenguk ka makai gerama nya kami duai iya ngentan bubu gerama kemari "ko Selanggang agi ngiga akal dikena mujuk indai iya awak seduai menyadi iya ulih ka langkau umai .

"Hummm alai tang anang lama seduai bejalai anang limpang ka bukai "pia ko indai iya .Ninga saut indai iya dia Selanggang lalu gaga beguai guai iya ngiga Rirang lalu ngumbai anak engkiung dibai seduai iya bejalai .Bai seduai iya ijit enggau sumpit lalu nurun ka tanah nangkin duku penebas indai iya  .Datai seduai iya ba langkau umai dia seduai madik iya ngambi bubu lalu tan seduai iya ba anak sungai beumpan ka beram .Udah tembu ngetan bubu dia seduai iya pen nyumpit burung enda lalu pulai ka langkau umai .Udah bulih burung empuna seduai iya lalu pulai ka langkau umai .
"Rirang nyadi aku belalai ba babas ngipa antu raya nyadi nuan ba langkau enti antu raya atai ngaga diri enda nemu nuan .Enti iya niki legi ..aku nitih ari belakang munuh iya nuan ngumpan iya ujang "pia ko Selanggang madah ka Rirang .
"Aok aka nemu aku ngumpan iya "ko Rirang nyaut .

Iya meh tengah ari nampun dilangit legit dinga ko pun kayu munyi ka dulu gulu tapang rebah .Pending Selanggang enggau Rirang lalu bediri Selanggang pen lalu engkechit belalai ba dalam babbas sangkuh sumpit ka ba ibar dimding pen lalu dijengkau seduai iya .
"Ingat nuan pekat aku ujang "pia ko Selanggang mekat adik iya pen lalau engkechit ka dalam babas  .Rirang lalu nagun ka pala iya lalu ngelawa para ngaga diri ngidup ka api.
"Tau tiki langkau nuan ucu ...."pia ko nyawa aki antu raya nya nyapa ari tanah .
"Tau aki niki meh "pia ko Rirang nyaut .
'Legi nuan nyepi iya bunug kami duai madi "ko Rirang bejaku dalam ati .
"Ehh nama nya munyi nyawa anak iban ka empa aku kemari"ko Aki antu raya nya bejaku nyengali ba pala tangga .
"Dini engkah sangkuh tu ucu.  .."ko aki antu raya nanya baru baka kemari.

"Sandih ka ba lalang dia aki "ko Rirang ga nyaut aki antu raya .Iya meh aki antu Raya nya niki tangga langkau dia Selanggang lalu entudu ari belakang .
"Niki aki niki"pia ko Rirang .Mata antu raya nyau ka mesai terung kanggan tekenyit meda Rirang .
"Puuu agi idup anak mensia tu neh ..lagi iya nyepi pajuh aku baru "pia ko anak ati iya bejaku andal ati .Iya meh benung iya niki enda ngadang dia Selanggang pen lalu engkechit numbuk rusuk antu raya nya .Aki antu raya pen lalu rebah tak bedarup naka pengingar baka pengelabuh kepayang mansau ninggang tanah amat tak berenyang tanah alai aki antu raya nya labuh .Meda antu nya rebah telentang dia besai peril antu raya nya peda seduai iya nyau ka mesai buah nyur muda .Selanggang laban ka tatau dia Selanggang lalu nisil peril antu raya nya .

"Kapa nuan nya aka ukai tau diempa nya" ko Rirang nanya aka iya Selanggang meda aka iya ngambi peril antu raya .
"Idup ka nuan api tua tadi salai nuan atas para peril aki antu raya bisi guna tua nya legi .Nyadi igi peril antu raya nya tadi nyau mit semit mesai tunjuk kaki indu disalai seduai madi iya .Bangkai antu raya nya tadi lalu tunu seduai iya angus angus nyau chelum asap niki ka langit .Bau rum aki antu raya nya tadi datai ga idung bini iya .
"Bau rengut udu utai ditunu urang tu "pia ko iya nelan riul nyium bau rum .
"Apai tuai tu lama udu ga empai datai anang anang tu anak uting ulih iya "pia ko Inek antu raya nya nelan riul .Nyau kasak kasak iya nganti enda ga laki iya datai .
"Enti bakatu nyamai aku nitih ka iya nyau tetenguk endar aku nyium bau rum tu "pia ko Inek antu raya nya bejaku kediri .Iya pen lalu ngambi sangkuh nitih ka jalai laki iya .

Bejalai iya tadi rembus ba punjung umai urang datai dia iya pen nurun nitih ka bau .Asap dipeda iya bisi tang nadai meda laki iya sangkuh pen nadai .Perut iya majak geriuk nyium bau rum .Datai ba pala tangga iya lalu nyapa .
"Tau tiki langkau kita ucu ..."pia ko nyawa inek antu raya nyapa.
Selanggang ka belalai ba belakang pintu enda memunyi .
"Tau inek tau ...niki meh "pia ko saut Rirang ngidup ka api dapur .Inek antu raya nya pen niki datai iya ba langkau Rirang lalu nyua ka sarang pinang ngagai inek antu raya .Maya nya Selanggang nengkila ari belakang jengau jengau rekung iya baka ka bisi utai digiga .
"Nama pelajai nuan rembus kitu inek "pia ko Rirang nanya.
"Bisi meda aki nuan seduai tadi ucu ..."
"Nadai inek ..nadai urang kitu tadi "pia ko Rirang jampat nyaut inek antu raya .
"Bisi buah pinang seduai ucu "ko inek antu raya nya nanya .
"Bisi inek bisi .."Rirang pen lalu ngambi buah pinang nya atas para .

Hihihi besambung ..admin ka tinduk dulu ...ila nyambung baru aok ...lebiu ngagai kita semua ka enda leju semampai sabar tq k selamat malam ...

#tau like komen n share