Bujang Selanggang completed

Bujang selanggang

Ensera nembiak bujang selangang
Tusun17
Penudi ...

Udah Rirang ka ngambi buah pinang nya dia inek antu raya nya pen lalu mapa ka rampang jengkau iya buah pinang sigi kulum iya ka nyawa .Nyepi sigi udah abis alu tegam iya ga pinang segala nya .Naka penyamai buah pinang nya iya ga enda kelat taja ka kenyal kenyal dikunyah iya .Benung iya ka makai pinang nya dia burung pen memunyi ...
"Peeeekakkkkpekiiiiiii inik makai peril aki !!!!!Pekakkkkpeeekiii inek makai peril !!!!!"pia ko burung nya memunyi .
"Eeee.lain endar munyi burung nya ucu "
"Ehhh sigi baka munyi burung nya inek ..kapa nuan kiruh ka burung nya ..."ko Rirang tetucum bejaku .
"Amat nya ucu ..."
"Ucu ucu ...agi bisi buah pinang nuan tadi tak agi ka nyawa aku tu makai negam buah pinang nya "ko iya nanya baru nyawa nyau engkuam bejaku kunyap kunyap makai buah pinang .

"Nadai inek naka iya meh nya ...sigi enda mayuh bedau laluh empa sida inek nya. "Ko Rirang nyaut .
"Aok ucu ..."ko iya nyaut .
"Pekakkkkkpekiiiiii inek makai peril aki "pia ko burung ny ga memunyi baru ...
"Lain udu munyi burung nya ucu " ko Inek antu raya nya tak enda nyamai ati iya ninga munyi burung nya .
"Ehh sigi munyi iya nya inek "
"Nama pejalai d kitu tadi inek ..."ko Rirang nanya iya ..
"Ehh ka ngiga aki nuan engka bisi sangkai ditu tadi ."pia ko iya nyaut .Iya meh inek antu raya nya udah tembu ngulum dia Rirang pen madah ka iya .
"Ni aki ka alah giga nuan inek udah bunug kami seduai madik ."pia ko Rirang nyaut .Tak ngelingkang meh inek antu raya ringat .
"Apuuuu lagi seduai madi nuan nyepi iya"Tak naka naka iya pemedis ati iya dikeduan nembiak dua iku menyadi nya .

Rirang pen engkechit ka tanah lari ....
"Inek makai peril aki ..hahahhahaha "
"Inek makai peril aki .."ko Rirang beduan inek antu raya .
"Parai meh aku diayah ka nembiak dua iku tu legi seduai nyepi iya ..empa aku seduai legi " iya meh inek antu raya dek ngagai Rirang ka tanah dia Selanggang lalu mai numbuk inek nya enggau sangkuh ba rusuk muda .Inek antu raya nya pen lalu tejelepi iya rangap rangap madam seput .Udah antu nya parai dia seduai madik iya pen pulai lalu mai bubu gerama nasib ga bulih gerama diumpan seduai ngena beram ..Gaga ati seduai iya pulai laban udah munuh antu raya dua iku nya .
"Udah tu nadai agi utai ngacau tua agi ujang ..ka iya antu laban bunuh meh "pia ko Seduai iya berandau betunda udu seretai singkang betambak kaki sepanjai nengah jalai pemintas datai ka datai ba rumah .

****************

"Amat lama seduai bejalai ucu ..kini tunga seduai bejalai tadi "pia ko inek iya nanya .
"Ehh nyumpit kami seduai iya tadi inek alu ngabas bubu ...tang enda mayuh ga ketau ...engka nyau lepau laun diabas kami duai iya tadi ."ko Selanggang nyaut inek iya .
"Nya pen ucu pama meh kelauk kitai lama endar nyawa tu udah tetenguk ka gerama nya ...nasib seduai ngetan bubu.."ko inek iya gaga ati meda gerama ulih bubu ucu iya .
"Ni indai deh inek ....??"ko Rirang jengau jengau rekung iya ngiga batang tubuh indai iya .
"Ehhh engggau kuja ngambi kerupuk anyam ka dinding kitai "pia ko inek iya nyaut .Ninga saut inek iya ati seduai gaga bendar laban indai iya selalu kucau kucau pama seduai iya bejalai lama .

************
Iya meh ari malam dia seduai madik iya tumu tinduk laban ka lelak .Lebuh maya ka tinduk dia Selanggang bemimpi .
"Amat kering seduai menyadi nuan ujang ...aruh seduai tebunuh ka antu raya nya cukup berani seduai menyadi nuan peda aku ujang ....nyadi aku tu bunsu mayas nyuyas ka leka lingkau jagung diau ba munggu gerugu tapang udang....aku meh ka nulung seduai maya adi nuan ka parai di empa antu raya nya ."pia ko urang nya madah ka iya ngumbai diri bunsu mayas.
'Patut meh laun endar panyun mua iya tak besai agi ari gamal mensi ."ko ati Selanggang .Udah madah ka diri bunsu mayas dia bunsu mayas nya pen ayas nadai dipeda agi .Selanggang lalu angkat ngenyit serebak iya ka dani nya dia iya ninga munyi manuk engkukuk nanda ka dini ari .Nyepi ari agi bedau tebererak tawas dia Selanggang pen lalu tinduk baru .

Antu raya pen udah mati nyadi ensera nembiak kitai pen abis naka tu aja ....badu nagih agi aok ....nganu mak aku ngaga ensera agi kita ka tuai lebih agi nemu nama kebuah mak aku nda ngasuh ....