الاولـــى بحياتـــي

الفصل الرابع عشر

#الاولى_بحياتي
الفصل الرابع عشر
#بقلم_اسراءالجميلي

بهذا الوكت امهدلها عسى و لعلى ما ترفضني ..
و تقنع بيه ..
امي : يمه انت رجال و اعرف منه اثنينه ..

الله كريم ..
صعدت فوگ الغرفتي اتمددت على فراشي ..
بقيت اتلمس المخده البصفي ..
اوف يا حبيبة يوسف هم تجين و تخلين راسچ على هالمخده ..
و انام بحضنچ الدافي و ما اگوم ..
خليت راسي بمخدتها و شميتها ..
اوفيييش و ريحتچ تصير بيها من تنزلين من يمي ..
اشتمها لحد متردين ..

گمت عدلت نفسي ..
خبلك عشگ هالخمرية يا يوسف ..
كون يبقالك عقل منا لحد متصير الك ..
رجع الشك يدور بقلبي و ملاني حزن ..
زين و اذا مقبلت تصير الك شلون ؟
ربي ما اريد منك غير بس سماره ..
اريدها الاب اليسندني النحرمت منه ..
اريدها الصديچ الي عافني بنص الطريق ..
اريدها الحضن الي يلمني من تعب اليوم ..

قويت علاقتي بيها اكثر ..
بديت امهدلها او هذا الي اعتقدت نفسي دا اسوي ..
گامت متحلاله السوالف الا وياية ..
و بتها الوقت كله من اني موجود بحضني ..
اصلاً تحبني اكثر من جدها و عمها ..

بيوم رحت البيت خالتي لگيتها موجودة ..
چانوا خالين الصينية بالگاع ديتريگون ..
هي و مرة خالي و زوجة عماد و جهاله ..
گعدت وياهم صبولي چاي ..
اباوعلهم كلهم و همه يحچون بيناتهم و يضحكون ..
مبتسم و ادعي بداخلي ..

ربي كون صوتها يملي حياتي ..
و وجها يترس الغرفه فرح ..

دگ تلفونها شالته اشو وجها تغير ..
خالتي : شبيچ يمه ؟
سماره : عمة خابرتني صديقتي نتيجتنه طلعت ..
خالتي : ههههه و انتِ مثل الجهال خفتي !
سماره : لعد شلون عمه غير خايفه على تعبي لا يروح بلاش ..
اني : انتِ مو سويتي العليچ ؟
هزت براسها اي ..
ها هيه لا تخافين ناجحة ان شاء ..

سماره : زين هسه منو يروح ويايه ..
كلها بالدوام حتى اخوتي ..
مرة خالي غمزتلي بعيونها و اندارت عليها ..
روحي انتِ و يوسف ..
باوعتلي : مو خاف عنده شغل خطية ..
اني : لا ما عندي شئ تدللين يمعودة ..

بداخلي : يمعودة هو اني اصدگ اكون اني وياچ لويحدنه ..
و أآمن عليچ و انتِ وياية ..
راحت تلبس اجت عليه مرة خالي ..
فضة الموضوع اليوم يمه ..
ترى جايها خطيب لاخ ..
تحچي و بعيونها الدمع ..

اوف جدامي گامت متشيلني على هالخبر الاگشر ..
مرة خالي : خاله و هذا ميت عليها ..
يگلهم كل الي تريده اسوي الها ..
خاله بس ما اعتقد هي تقبل ..
يا عين خالتك اللح يفك اللحيم ..
چنه هو عاشگها يگلهم من يوم اجت للجنة الفحص ..
اني ادور على بيتكم ..

اتذكرته هذا ابو عيون الخضر الوحيد الچانت نظرته غير عليها ..
انتِ منو گلچ هالحچي ؟
گالتلي ميادة يمه و جرحت قليبي بيه ..
يا بعد خالتك اريد هالبت منك ..
و تأشر على بت عادل ..
انا اگدر اخذها اذا تَزوِجت ..
بس اخافن من ابو خيمة الزرگة ..
مات ابوها و احرمها من امها ..