الاولـــى بحياتـــي

الفصل العشرين

#الاولى_بحياتي
الفصل العشرين
#بقلم_اسراءالجميلي
 
المطلوب ترجعيلي للعراق ..
اريد ترجع تنور سما يوسف بنجمته البعيده ..
اكيد واحد صار الها يحب وحدة ٩ سنوات ..
اكيد يريدها تصير يمه و اله ..

هههههه تسلم على كل كلامك الحلو ..
بس تدري اهنا بنتي دا ادوام ..
و سناء صارت حامل و حملها صعب ..
لازم ابقه وياها ..

زين ننتظر بنونه تكمل السنة ..
و ننتظر سناء تگوم بالسلامه ..
و بعدين شنو ؟

بقت ساكته مجاوبتني ..
و اني احس بروحي گاعد حلى چام مكسر ..
اريدها بس تجاوب حتى اوخر منه ركض ..

اني ما الگه احسن منك يوسف ..
و مثل ما گلت خلينه ننتظر هالفترة ..
لحد ما على الاقل تولد سناء و نشوف نفسنه ..

اتنفست بقوة ..
اييييه همزين من نطقتي ..
اني بالنسبة اليه اعرف نفسي و متاكد منها ..

هههه اني منك و من اخلاقك و كلشي بيك ..
متاكدة ..
بس من قلبي بعدني ما ممتاكدة !
لا متاكدة بس تدللين عليه ..
ههههههه يجوز ..

تدرين شنو اتمنى هسه ؟
شنو ؟
اتمنى اگعد اگبالچ ..
و خليچ تشوفين بعيني شگد احبچ ..
بلكي تگدرين تسحبين الهموم و الاحزان البيه ..

ههههه ان شاء ربي يسهل ..
و نگعد سوة و نشوف اثنينه عيونه شتگول البعض ..
ان شاء الله خيتي !
جاوبتني بعجب :
خيتك شنو ؟
هههههه ها شفتيها شلونها ؟
هههههه عبالي ..

بقت شغلة وحدة مگلتلچياها سمارتي ؟
خير يا ابو الاسرار ..
هههه لا و الله صدگ احچي ..
ديلا احچي اسمعك ..
اني من اول ١٠٠ لبوا نداء المرجعية بعد دخول داعش ..
لان ما رضيت نسوانه يصيرن بيد الغريب ..
غيرتي ما سمحتلي بهالشئ ..

يعني انت بالحشد ؟
طريقة سؤالها خوفتني ..
بس لا ترفضني ..

اي ليش عندچ اعتراض ..
بالعكس اني اذا چان عندي شك برفضك ..
هسه راح الشك ..
الي عنده غيره على النسوان الغريبات الي ما الها صله بيهن ..
شلون تصير غيرته و حميته على اهل بيته ؟

ههههه اخليكم بعيوني ..
و اغطيكم بجفنها ..
و انومكم على دگات قلبي ..

الله الله على دلالنه يا عيني ..
لعد شعبالچ ؟
الي يحبچ كل هالسنين غصباً ما على اهله يدللچ ..
لا حشاهم ..
الله يخليچ سمورتي ..

استمرت علاقتنه سوة ..
چانت علاقه كلها مليانه حب ..
لان احنه اصلاً نعرف بعض ..
نعرف كل واحد بينه شيحب من الثاني و شيريد منه ..

چانت مشكلتنه الوحيدة لبس سماره ..
صح هي ضعيفه بس اني اريد مريتي تلبس غير شئ ..
اريدها تنستر اكثر ..
ما اريد شالها ينذب على الراس و طالع شعرها كله ..
ما اريد القميص اگصير و بنطرون ضيق ..

گالتلي من تصير نصيبي يتغير كلشي علمودك ..
اني امصدگها لان ادري بيها تحبني مثل ما احبها ..