الاولـــى بحياتـــي

الفصل الثالث

الاولى_بحياتي
الفصل الثالث
#قصص_اسراءالجميلي

حبيبتي التي لا أستطيع العيش بعيداً عن استنشاق أنفاسها وضمها بحب بين رئتي الضعيفتين دونها ..

ميادة : اخوية عايش مدامچ تشمين الهوى على امل تصيرين اله ..
زفرت نفس و حچت :
شوفي خيه من الاخير تريدين اخويه كملي لبسچ و امشينه نطلع ..
ما تريدي انزعي و ارجعي نامي خلي اغطيچ ..

بقيت اباوع عليها بس دماغي مو وياها صافنه ..
يعني الشئ الي ما اريده جايني بماعون ذهب ..
و الي اريده ممنوعة منه ..
دنيا غريبه دوم الاشخاص الي منريدهم يريدونه ..
زين هو اني ما اريده لو اريده ؟
و الله محتاره اذا عافني و اذا اخذني اثنينهن صعبه ..

هزتني : سماره انتِ وياية سمعتي الي گلته ؟
حروح الظاهر انتِ متريدين مستقبلچ مثل ما متريدين اخوية ..
هدت ايدي و راحت وگفت يم الباب ..
فتحتها و دا تطلع ..

اوگفي ميادة انتظريني جايه وياچ ..
ضحكت و دخلت عليه حضنتني ..
بما انو هو ديضحي بحياته بس علمود لا انقهر ..
ابسط شئ اسويه اقدمله حياتي ..

طلعت و لگيت امه و خالاته و عماته و ميساء ..
مقدمتلهم وسن العصير و مشاربي منتظرين ردي و موافقتي ..

گعدت يمهم و كله تباوع عليه بضحكه مسمومه مليانه حقد ما عدى خواته ..
اتقربت عليه ميساء : لا تباعيلهن حبيبه ذني كلهن يريدونه البناتهن ..
اخوية خوش ولد و كل عيون الگرابة عليه ..
الله يحفظه الكم حبيبتي ..
و يحفظه الچ خيتنه الثالثه ..
حچتها و قربتني عليها بيدها ..
و فعلاً اخذو موافقتي و راحوا ..

بعد مطلعوا بأكثر من ساعة دگ التلفون حسيته عادل و خفت اشيله ..
لحظات و اجتي وسن عاوجها حلگها و تحچي ..
تعاي عيني خطيبچ على التلفون ..
عود لا اطولين يروح يجي اخوچ و اتصير مصيبه ..

باوعتلها صفح و رحت شلت التلفون ..
اخذت نفس قوي يلا حچيت ..
الو ..
سمعت صوت واحد عبالك ديشم صوتي مو يسمعه ..
شلونچ سماره ؟
حچه بقوة و لا چنه هستوه ديتنفسني ..
فرحت بسماع صوته كلش ..
رديتله بالعجل ..

الحمدلله انت شلونك ؟
بخير مبروك عليچ السادس ..
يااابه جملته خلتني بنص هدومي ..
حسيت نار وجت من وجهي ..
سكتت شوية لان ردت اردله القصف بأقوى ..

ههههه مبروك عليك اني يا المسعد ..
ضحكلي ضحكته الحلوة الدافية الي اسمعها دوم من چان يحچي ويايه ..
خير ضحكنه وياك ؟
لا هيچ ابن ميساء يسويلي حركات بوجه ..

شگد حقير و اني ادري كلش زين ضحك على جملتي بس ميريد يعترف ..
المهم ترى لازم نعقد بسرعة ؟
نعقد شنو احنه اتفقنه خطوبة هسه !
ليش اذا خطوبة يقبلون اهلچ اوديچ و اجيبج ؟
انثولت بسؤاله عبالك يعرف اهلي ..
بس هو لازم يعرفهم لان احنه گرايب حتى لو من بعيد ..