ثار العشق

تكمله 8 الجزء 3

#ثار_العشق#.تكملة الثامن ٣ .بقلم .غدير وسام
قتيبه ..شفتها راحت ويا البنات واني ويا اهلي .. وصلنا لبيت العروس .. نزلت وبقيت واكف لمن فاتت يله طبيت
تهاني .. وصلنا لبيت العروس   جنت متلهفه اشوف اختيار قتيبه .. جانت بنيه ناعمه وبيضه .  اصغر مني  يمكن  ناعمه مينعرف عمرها عيونها زرك ماعرف لابسه عدسات .. لابسه فستان ازرك ..  حلوة   من صاحوها  حتى يعقدلهم السيد  انجرت روحي عمتي سهامه لزمتني حيل وتباوع تقويني بنظراتها .... بس ماكنت قويه ابد كمت اكتم شهكاتي بصعوبه ..
سهام ..كتلج منجي .. يابنتي هسا تتخربطين .
تهاني ..بصعوبه ..لا تخافين ..
دخل كعد يمها باس راسها  .. واني اباوع عليه هاي روحي ..وهذا مكاني ومو مكانها ..وهذا الي مالتي ملكي .كلشي بي اليه  شال راسه جانت لحضه متمنيته يشوفني بيها عيوني كلها دمع .توقعت راح يفرح تحسر ودنك ..  ليش قتيبه .بيا ذنب عاقبتني ..  .نزلو دموعي ..  مسحتهم محد لاحض غير عمتي الكل جان يركص ويغني .. لبسها حلقه حسدتها لان لزمها ولان حلقته صارت بايدها بحياتي محسدت احد بس اليوم ..احسدج اي احسدج لان اخذتي احلى شي شفته بحياتي .. مهنا  حبيبي وشايف كل الخير مالومك ..لان  لعبت بمشاعري ولا اعتب عليك لان استغليتني انته الك الضاهر .  جنت بس اريد كلشي ينتهي ونطلع للبيت لان ماتحمل بعد ..عمتو اتصلي بابا ..خلي يطلعلنا  ونروح منا .. سهام صار .
دك بابا طلعت  بدون محد يحس لان انفضح اي اي احد باوع بوجي ..   هبط ضغطي  بابا ..شبيج هلايام  معاجبتني ابد ..ليش جيتي اذا تعبانه .
تهاني ..  ماكدر اجاوب بأبا ..  وصلنا للبيت .. نمت راسا .. بملابسي .. 
قتيبه .. لمن  عقدت  ردت اتراجع واخرب كلشي ..بس شنو ذنبها البنيه  اول مدخلت شفت .. تهاني عيونها .. مليانه دمع ..ليش هلشكل سويتي معقوله كل هذا تمثيل  ردت اكسرج تهاني اني انكسرت .. ياريت متت ولاشفت هاي الدموع بعيونج .. واكون اني سببها .. باوعت مشفتها ..سمر كالت بلفترة الاخيرة هواي تفقد الوعي معقوله   تخربطت ..سمرر..سمر .. نعم قتيبه .
قتيبه ..وين تهاني .. سمر ..مادري  ماكو هسا جانت يمي .  اتصلي شوفيها انتبهت اصيح والكل منتبهلي  ويباوع .. امي كالت شبيك ابني
قتيبه ..  اعتذر .
سمر   .... عمتها تكول رجعنا للبيت لان  مالها خلك وكلت لتهاني امشي ويايه
قتيبه ...عرفت كذب هي المريضه مو عمتها ... 
طلعت برة .. ورجعنا للبيت كملو حفلتهم واني بغير عالم .
سمر اتصلتي بتهاني
سمر ...انته شنو قصتك .. كتلك عمتها مريضه .
قتيبه ..لا هي .اتصلي .. سمر .. متجاوب نايمه كالو .
قتيبه ..تمنيت اروح لبيتهم .. واطمن عليها .  مرت على خطوبتي ايام .. واني لااروح ولااتصل ومشتكين يم امي ..فرحت ..يمها  جانت حلوة وحبابه بس  اني مويمها ..   عصبي واصيح على اي تصرف واذا طلعنا  اخلصه منزعج .
سمر ... اتصل صفاوي ...
هلو حب شلونج
سمر مشتاقتلك .
صفاء ...مبقى شي وتجين .. امي متقبل تكول امي وياها نجي وتكول تهاني تعبانه هلفترة  متكدر تعوفها
سمر...اي خطيه  واني  التهيت بخطوبه قتيبه وتجهيز نفسي مسئلت عليها ..
صفاء ..  شجهزتي اني ميهمني غير قمصان النوم توصي بيها
سمر ..😶 استحي  صفاء ..
صفاء ... فديت الخجلان .. اكلح ..روحي لامي وطمنيني حبي انتي عيوني هنا لان هي تكول بخيرربس صوتها تعبان .
سمر ..مو تدلل . بعد شتامر .
صفاء اريد  بوسه هيج قربي وجج للشاشه وبوسيني اويلي لو يمي شسوي بيج هسا
سمر ...موجنت يمي اشو كلشي مسويت .
صفاء ...اها ..اااا  غير كلت ممتعودة عليه .وتخجل بس اني الج سمر بسيطه .
سمر ...هههههه  يله حبي اروح اكل لماما وقتيبه واطلع لتهاني .
صفاء مناك اتصلي  عود 
سمر ..اوك باي  بوساتي حبيبي .
سمر  ماما اريد اروح لتهاني .. صفاء يكول مريضه .. قتيبه ..امشي اني اوديج ..بلطريق ..شبيها .
سمر ..صفاء يكول ..تتخربط هوايه هلايام ..خطيه هلايام ضغطها ديرتفع وينخفظ ..
قتيبه ...هاي من شوكت ا
سمر ماعرف ...
نزلت .. بوست خاله وتهاني ..كلش تعبانه ..
عيونها ورامه وحمر .. .خاله زعلانه .حاجيتها وبلغتها بقلق صفاء .سهام ..لاتكليله ماما .هو بغربه ويظل باله .
سمر ...لا بس كال فتحي كامرة ..
سهام ... يله عادي .. كومي بنيتي غسلي وجج  واكلي على واهس سمر ..
سمر ... اي جوعانه حموت  .وريحة الدولمه جابتني .
يله كومي  .تغدينا وفتحنا كامرة ويا .صفاء . ضحك وشقى غيرنا مود توته ..شويه ..سديته اتصل قتيبه بس شنو عاصفه صياح اريد الحك اجاوب ماكو ..  دماغ سس  ويامن مشغول صار ساعه اتصل .
شبيك .قتيبه .. ويا صفاء ..
قتيبه ..ديله ..شنو شلونهم 
سمر .. الحمد لله كلهم بخير ..
اجه عمو ابو تهاني   ...وبلغها ولد ابن صديقه شايفها بخطوبتنا .ورايد يتقدم ..تهاني ....بكيفك بابا 
ابو تهاني.. ان شاء الله خير .
سمر طلعت .. بليل للبيت .. قتيبه .شكو  ماكو  شلونها تهاني
سمر ...موكتلك احسن ..وجوي عليها ناس .يخطبوها
قتيبه ..شنو ..ناس ياناس ذوله يتبع ..