ثار العشق

2

#ثار_العشق#
البارت الثاني .غدير وسام ..

دز بابا السايق ..لداليا واجتي المخبله تحجي واني اضحك عليها وصفها .. لج واحد صاك يجنن كل البنات وكفله وهو شايف نفسه بس عليمن وداعتج داليا اله تجيبه زحف
تهاني .. هههه واثقه من نفسك قوي
داليا ... جا شلون .
تهاني .. اي شصار بعد .. سمر ... ماكو غير الحجيته .. مشتريتي شي جديد .. اكلج مجابلج ابوج تلفون هذا يفشل بلكليه لو تشوفين اجهزت البنات بس اني هذا شحاله ..
تهاني . .ولج جديد بعيد ميلادي نطيتجيا بابا جابلي هذا للعندي .. بس تستاهلين هدية دوامج احدث جهاز اوصي بابا ويجيبلج
داليا فديت صديقتي .. راحت دلو واتصلت اني بسمر خطيه مسئلت عليها .. هلو سمر
سمر هلو تهاني شلونج اشو ماكو
تهاني ... اعذريني بس خفت اضايقج
سمر اني ...هم الصراحه متصلت خفت افرض صداقتي عليج
تهاني لا حبي بلعكس فرحت بيج
سمر ... حبيتج وحاسه بيج اخت من شفت حنيتج ولهفتج عليه تمنيت تكونين اختي ..
تهاني واني اختج ..
سمر .. شكرا حبيبتي .. ياريت تجين يمي للبيت اعزمج .
تهاني ..اتمنى والله بس بابا مانعني من الطلعه منع بات .. انتي تعالي اتشرف بيج ..
سمر ...اوك لعد باجر يمج اني اتغدة ههه عزمت نفسي ..
تهاني تشرفينا ..حدزلج العنوان بمسج سديته ودزيتلها العنوان وبلغت سهامه .. وبابا .
ابو تهاني ... انتي واثقه منها
تهاني .. بابا ..اتعرفت عليها حبابه .
ابو تهاني باجر اخلي ..سلام يمكم ميروح وياي كلشي يصير .. شتحتاجين سهامه لضيفيتجن .
سهام ...كلشي عندي لاتعب نفسك ..
تهاني .. كعدت ثاني يوم نشيطه وفرحانه بجية سمر ..لان وحدي افرح من يجي احد يمنا احسب الوقت كملنا الغدا اني وعمتو وسويت مقبلات وكيك احب شغل الكيك والمعجنات .. ورحت غسلت ولبست فستان مشمشي ومكيجت خفيف .. اتصلت سمر كالت وصلت وين انتو كتلها وين انتي .
سمر براس شارعكم ..
تهاني حتطلعج عمتو تذكريها ..
سمر بلي اتذكرها ..راحت عمتو جابتها جتي .. بوستها وكعدنا شويه كتلها اجهز الغدا ويا سهامه .. رحنا اني وياها
سمر .. شدعوة مكلفين نفسكم بس اني
تهاني . مو مقامج هذا
سمر بلعكس مقصرتو .. كعدنا تغدينا ورحنا للحديقه .
سمر الله بيتكم حلو وهادئ .
تهاني .... شكرا حلى بوجودج
سمر بيتنا .. حلو بس مفتقد هواي اشياء ابويه ميحبنا يفكر بس بنفسه .. ماما تعبت منه وملت واخواني واحد سافر .الاخ هو صار مسؤول عنا بكلشي لان بتبا علطول مسافر وغايب لذلك قتيبه الي شفتي هو الي ماخذ مكانه بكلشي واني احب اغثه وانتقم منه لذلك ممتحجبه وسويت علاقه ويا كم شاب حتى اكسر عينه .. بس قتيبه يوكف بعيني اكول خطيه ميستاهل اخلي ينكسر وهو صاير النه اب واخ وكلشي
تهاني .. لا سمر .. حتى لو ابوج ..ماذيكم ..انتي مجاي تنتقمين منه .لا بلعكس دتنتقمين من نفسج وانتي الخاسر للوحيد بهاي اللعبه لاابوج ولااخوج راح تخسرين نفسج وسمعتج .. عمتو تكول البنيه مثل القطعه البيضه اذا صارت بيها نقطه سودة تصير معيوبه وتنترك محد ياخذها ليش تمشين بغير طريق .. وحجابج لنفسج لاابوج ولااخوج اذا شفتي قطعتين من الحلويات وحدة مكشوفه وعليها ذبان تاخذيها لو تاخذين المغلفه ..
سمر .... المغلفه اكيد
تهاني واحنا هيج .. هذا الحجاب بصورة مبسطه وانتي حكمي ليش بلمطعم تعرضولج ومتعرضو لاختج .. يمكن تكولين هاي تتفلسف براسي بس هذا واقع ..
سمر ..لا مافكرت بيج هيج بس الي بلمطعم جنت متواعده ويا لذلك شفتيني ابجي ومنهارة اني تهاني اسوي الشي واتندم بعدين .وخايفه حيل من نفسي اخاف اسوي شي اكبر من هذا وميفيد لاندم ولا شي
تهاني ... سمر انتي تصلين .
سمر ...لا
تهاني صلي .. وادعي ربج يبعد عنج الشيطان ومن تجي هاي الافكار براسج اتعوذي .. ولاتسوين هيج بعد لان كتلج انتي تخسرين مو غيرج .. شعليج بابوج وامج هما يعرفون شيسون .. لازم يوم وابوج يمل ويرجعلكم
جتي عمتي .. جابت كيك وجاي شربنا وحجت ويانا .. وحجتلها عن زوجها وابنها الي هسا عمرة ٢٥ وهي مشايفته بس اتصالات بينهم
دك فون ..سمر .. كالت قتيبه اكيد اجه ياخذني .. جاوبته وسلمت وطلعت .. باوعت من ورا الباب شفته بلسيارة ضحكلها من طلعت وراحو .. عمتو تضحك عليه .. شفتي ..
تهاني .. ههه ههه . تعالي ندخل بابا على جيه بعد كم يوم .. داليا مكطوعه ماكو اني وسمر اتصال قليل .. بيوم بليل اتصلت ..سمر .. كالت فتحي كامرة اشوفح مفجاة . فتحتها شفتها لابسه حجاب . تجنن طالعه غير شكل ..
تهاني ..عزة العزاج نزعي .. رجعي سافرة .. احسن طالعه احلى بهوايه
سمر ... ههههه صدوك .. والله
تهاني بلعافيه حبيبتي .. ربي يهديج ..
سمر البركه بيج انتي .. ماما وقتيبه متخبلين ويردون يتعرفون عليج .. قتيبه يكول اريد اشوفها الي كدرت تسوي بااقل من شهر الي صار عمر مكادرين اله .(بقلمي غدير وسام)