البارت ..الخامس .. بقلم غدير وسام .
تهاني .. شعبالج لعد ..
سمر .. ماعرف شلون اردها الج
تهاني ... احنا اخوات .. اذا تصل او ضايقج كليلي ادز رقمه
سمر يعني فعلا .. عندج معرفه مو كذب
تهاني ... ههههه اي مكذبت اني ماحب الكذب ..
داليا .. دخلت جانو يحجون من شافوني سكتو .. ليش هاي الاسرار .اني لازم اكسب سمر الي
داليا .. اسمي ... عمري
٢٠ سنه .. جميله بشهادة كل الي حواليه .. عيوني خضر وشعري اشكر .. وطولي مناسب امي وابويه عايشين بس وضعنا المادي تعبان ... عندي صديقه وحدة احسدها على عيشتها لان متوفرلها كلشي بدون متطلب .. احنا جنا مستوا واحد ومنطقه وحدة لكن فجاة ابوها صعد واحنا بقينا بنفس مستوانا ولاكلفو نفسهم يغيرون وضعنا لااكتفو يتصدقون علينا .. جنت اعتبر كلشي عدها من حقي .. ومن اشوفها هي او غيرها عدهم شي جديد ماعرف اكول بلعافيه ..او اتمنى
الخير لغيري .. واريدة اليه باي شكل . .. تعرفت على قتيبه وشفته هو خلاصي من هذا الوضع وبديت احوم حوالي الى ان خليته ينتبهلي ويحبني .....
خليتهم يطلعون فتشت تلفون تهاني ..شفت سكرينات رسائل لسمر . رسلتهم لتلفوني ورحت يمهم ..
داليا ... سمر ا بوج على طول مسافر ..
سمر ...بلي .. شغله يطلب منه يسافر لغير دول
داليا ... حلو .. 🤔 وانتو متسافرون ويا ..
سمر ..لا مرات قتيبه ياخذنا ونسافر بلعطل .
تهاني ..الله يخلي الكم .. بنفسي فدوة لكلبه شكد حنين .
ترخصو البنات .. وبليل دخلتلي عمتي سهام ..فرحانه
لج تهاني صفاء اتصل .. حيجي للعراق .. يريد يشوفني
تهاني ... صدوك .. عمتو .. مبروك .. يارب يرجع بلسلامه وتشوفي . حضنتها جانت ترجف من الفرحه والشوق . مسكينه فاركته من عمرة .. ١٢ سنه . اخذه ابو منها .. وعوضتني بحبها وعوضت نفسها بحبي من توفت ماما وبابا مقبل يزوج لخاطري ..
.داليا .... اتصل بقتيبه .. يوصلني ويا للكليه
الو قتيبه .. تعال عليه وصلني ..سيارتنا عاطله ..
قتيبه صار عيني
بس ويايه ابويه نوصله للشركه ونطلع للجامعه
داليا ... اوك براحتك ..
وصلو يمي .. صعدت ابو قتيبه .. اهلا داليا عاش من شافج
داليا .... وانته العايش .. شلونك .. عمو ..
داليا .. باوعلي بامتعاض ... بنص الطريق ..
ابو قتيبه ... عندك مي ..
قتيبه ..لايابه ..هسا انزل اشتريلك .. وكف السيارة ونزل ..
التفت عليه ونطاني كارت ..اخذي هاي ارقامي اتصلي بيه ضروري ومن اخذته ..لزم ايدي .. سحبتها منه .. اجه قتيبه جايب مي وعصاير وكيك نطانيا .. ظليت افكر ..شيريد مني اتصل واشوف شيريد
قتيبه ... شنو اخباركم .. تهاني مجتي بعد وياج
داليا ... تعرف ابوها .
قتيبه .شنو هذا التشدد من تعرفت عليه محسيته .. هي متزمت ..
داليا .. عوفهم ذول نفسياتهم وصخه لاتغرك المضاهر ..شايفين نفسهم شوفه لان عدهم فلوس ...
قتيبه .. تفجاة بكلام .. داليا بس مناقشتها ..
داليا .. جنت اريد ارجع للبيت واتصل .. باأبو قتيبه واشوف شيريد مني رجعت وكبل لغرفتي .. دكيت عليه .جاوب ..
ابو قتيبه ...نعم ..
داليا .. اني داليا .
ابو قتيبه .. اهلا وسهلا فاجاتيني .. متصورت راح تتصلين بسرعه .
داليا .. عمو شرايد مني
ابو قتيبه ... اولا ماريد تكليلي عمو .. صيحلي باسمي حازم .
داليا... بمكر ... ليش تريدني .. اكلك حازم
حازم ... لان اني معجب بيج .
داليا .. بس انته جبير . هواي عليه .. انته حتى ابنك الجبير اكبر مني .
حازم ... اعرف . .. بس انتي شتسوين بلشاب الي يعيشج بفكر لو رجل مثلي يطلعج من الي انتي بي .
داليا .😲شنو الي اني بي
حازم ....هههههه اني اعرف كلشي عنج .. ياداليا سعد .. بنت الموضف عند رجل الاعمال ..احمد عاصي . الي يشتغل شغلتين وحدة الصبح عند الدوله وبعد الظهر يشركه اهليه ومع ذلك مملبي متطلباتج لذلك تلجئين لصديقة طفولتج .بلبسج وكشختج حتى تبينين ..غير حقيقتج .. يكفي لو اكمل .
داليا .. يكفي .. المطلوب شنو .
حازم .. لا سلامتج .. بس حبيت نبدي صح .. شنو رائيج بعلاقه ويايه .. وبدال متطلبين من البنات يكون عندج حساب باسمج وانتي تشترين الي يعجبج ..
داليا ... وشنو نوع العلاقه بله ..
حازم .. زواج سري ..
داليا .. اسفه ..مافيدك .. ليش ازوج بلسر من رجال بكد ابويه ..وبامكاني اخذ ابنه .. واعيش بنفس المستوا
حازم ...ههههه متوهمه .قتيبه كلشي ميملك حتى السيارة باسمي .. والبيت مالتي ومصرفه مني .. واذا قطعت كل هذا منه .. مراح تستفادين شي .. وانتي براحتج ..
داليا .... اعتذر اما زواج علني وكدام كل الناس او مااعطلك .. يله باي عمووووو .هههه
داليا ...🤔خوش صيدة .. يرفعني من الي اني بي .. واحقب كل احلامي .. الله اذا تقدملي رسمي .. بس اصبرلي راح اشتغلك .. عمو حازم ..
اتصلت بتهاني .. اريد اروح لسمر ازورها تعالي ويايه .
تهاني ... ماكدر حبي .. ابن عمه سهام راح يجي من السفر ونجهز بلبيت وعمتو محتارة .. داليا ماكدر وحدي تعالي حبي
أنت تقرأ
ثار العشق
أدب نسائيقصه منقوله للكاتبه غدير وسام قصة صديقتان احداهما.وصوليه و انانيه وتبحث عن المصلحه والاستفاده قدر الامكان من الاخرين .. والاخرى طيبه تعطي بدون مقابل .. وبلصدفه تقعان بحب ذات الشاب .. وهنا تبداء المقارنه لكن يحدث امر يجعل الشاب يحاول الانتقام من ا...
