ثار العشق

10

#ثأر_العشق# ..البارت العاشر ..بقلم غدير وسام .

قتيبه ...هاي شنو . خففي مكياج ولمي شعرج وخلي شال  اخاف احد يجي
تهاني ..صار ..نزلنا سلمت على بابا وحضنته ممتعودة  انام  بغير بيتنا ومو يمي بابا ..  وصو عليه وراحو .. رجعت  يم خاله والبنات .سمر جانت  تحجي ويا صفاء قربت رجعته  وهي تجهز ومخبوصه .
.داليا ...عرفت   تهاني  مزوجه هي وقتيبه تخبلت ..   اجه حازم ..يرجعني .. كال اامري ..داليا ..تعلن زواجنا واعيش بيتك ويا زوجتك 
حازم .. شقتج وحدج  شسوين رايحه وياهم شلج بلمشاكل
داليا .. هاي شروطي .. جنت عبالي مسيطرة واغصبه .رفض وطلع .. زين .حازم لبست ورحت لبيته . دخلت سلمت  قتيبه فز .لج شعندج هنا وتهاني اصفرت  كتله شبيك قتيه جايه لبيت زوجي ..امه باوعت ..نعم اني وحازم مزوجين صار فترة اتفقنا اني وتوته اني ازوج حازم وهي قتيبه .وهسا اجيت اعيش بيت زوجي .. ام قتيبه ..ماصدك كذابه ..اتصل بابوك .. اجه حازم .. شاف ..داليا فهم .
ام قتيبه صدك هذا الحجي .
حازم ...نعم .. ..داليا زوجتي . خاله ..كالت مسويات عصابه الله لايوفقجن هي اخذت الاب وانتي ابني .داخلات لبيتي . منين جبتيهم عليه سمر .
قتيبه مرتي مالها دخل  صعدي فوك تهاني .
ورا ساعه صياح .. ماعرف  شصار  صعد قتيبه  تدرين بيها راح  تجي ..
تهاني .. شحجي متصدك .. اسكت احسن .. داليا من يوم عرفت تزوجت ابوك قطعت علاقتي بيها  او هي كامت متتواصل ابد ويايه .. وميهمني تصدك او لا ..   غير ملابسه وطلع .. ضليت بلغرفه ..جعت  موزين اجوع ضغطي يهبط  نزلت اكل  البيت هدؤ ..  سويتي لفه وعصير داصعد لاكتني سمر .. جنتي تدرين
تهاني .. بلي
سمر .. يعني صدك ..متفقات ..
تهاني ..لا عاد الى انتي  سمر مستعده اتحمل اتهام الكل بس انتي متعرفيني ..
سمر ..مااعرف الضاهر جنت مخدوعه بيج .. بس قتيبه شلون كدرتيله .. صدك تحت السواهي دواهي مع الاسف ..
صعدت لغرفتي .. البيت صار جحيم .. والكل كارهني   اسمع ضحك .داليا هي وعمو ..الاكل صار  سم  كوة جرعته ..   نمت حسيت بقتيبه .. يكعد بيه .. كعدي ..   كلبتو البيت ونايمه ..  حضرتج
تهاني ..شبيك .. اني شعليه .. ياأخي كلبت بيتكم عوفني اروح لاابويه .
قتيبه .. تفضلي ..  منو لازمج ..  الناس  تحجي عليج ..عروس وترجع لبيتهم ليش ..
تهاني ..هههه عروس .. وينها العروس مدااشوفها
قتيبه  .. اصبري .. اسبوعين  ٣ وتشوفيها .. واضوكج  شعور امي ..  شتحس ..انتي عبالج حبا بيج تزوجتج قبل ريم .لا ردت اجيبها على راسج واعيشج مشاعر امي .
تهاني ... يأاخي ذيج داليا .. الاخذت ابوك ..اني ماخذته روحو حاسبوها  لو مكدرتو عليها  .
قتيبه ..  منو الخايف منها لج ..
تهاني ..انتو تخافون من ابوك .. ومتكدرلها كدرت عليه .. كلساع واحد جاي عليه .  
قتيبه ... كلما ااذيها احس ااذي نفسي . ومن اشوفها اتخربط بليل اكعد اراقبها وهي نايمه ..  مانع نفسي منها كوة ماريد اخذها غصب  ومااريد ابين ضعيف كدامها وهم مانسيت الي سوا هي  وذيج ..مرات اكول هي مالها دخل ..ومن اشوف المحادثات الي دزتهن داليا اتاكد ..هاي تجحي على وضعي وسيارتي وذيج تضحك وتكلها خوش ..صيدة .. 
كومي ..خليلي اكل وحضري الحمام  .
تهاني.. كمت جهزتله الحمام . ونزلت اجيبله عشا ..لكيت داليا بلمطبخ .. مبروك ..ياعروس ..معزمتيني بعرسج .
تهاني ..  ليش انتي عزمتيني .
داليا ..اني مسويت عرس .. بس انتي مسويه ..بشري اخذج
تهاني ..شي ميخصج
صعدت العشا ..قتيبه ..اكلتي .
تهاني ..اي سويت لفه ..واكلت .
قتيبه .. تعالي شنو لفه . ..تهاني بعدني جوعانه بس ماريد اكابله واكل
تعالي ..ويامن احجي ..كعدت اكل ..  ويا ..يباوع عليه  غصيت  بلاكل ..تخبل جاب مي ويدك على ضهري .ا
قتيبه.. ها حبيبي احسن .
تهاني .احسسسن ..كمت ..تعالي كملي ..لا شبعت شكرا ..
افكرربكلمته .. حبيبي كالها بدون مينتبه ..ربي تضهر الحق وتنصفني تعبت ..اذا اختبار .. فكلش طول عليه اني مو قويه لهاي الدرجه بدت دموعي تنزل ..عشت ايام بلبيت جوة الكل مطايقني  وبغرفتي قتيبه يتفنن بذلي واهانتي .ومرة داسوي عشا جتي  داليا .. هلاو صقيقتي ..
تهاني ... باوعتلها ودرت راسي ..داليا ...هههه مجاوبين لو تعلمتي تسمعين وتسكتين
تهاني ...سؤال ..بيش اذيتج ...لج اخت جنت الج ..فاتحتلج كلبي وبيتي ..احبج اكثر من نفسي ..من اشتري  ملابس اجيبهم قياسج رغم اني اضعف منج .. ومن اطلع اخذج ..بشنو اذيتج وهيج ..كايله لقتيبه احنا متفقات عليهم .
داليا ...هههه لا بهاي  ماكذب مكتله بس هو استنتج واني مكذبته ..عفته يتصور وغذيت هاي الفكرة عندة ..وبعد وبعد ..
تهاني ..ليش ولج .. ..داليا ..اكرهج تعرفين شنو لان بكلشي احسن مني .. قبل .. لبس ومصرف وشعبيه بلمدرسه ..وهسا رغم .. مكسورة ..بس اخذتي الي تحبي .. وشاب من عمرج ..ويحبج .. بس اني شنو ..فهميني ..اخذت شايب بس حتى اكون بمستواجن ..
سمر ..لاياحقيرة ..كل هذا انتي مسويته