ذنب بلا ذنب

1

☆ ذنـــــــــــبٌ بـــلا ذنـــــــــــب ☆

الـكـاتــبــة #نـــازك_الــبــور ✎

" ¹ الـــــبـــــارت الــــاول ¹ "

اني سرّي عمري 17 سنة ( بيضة بعيون كباار بيهن ابتسامه ورثتهن من امي و سود سواد عربي صافي نادر .. رموشي ثخان و طويلات و محددات عيوني بخط اسود سواد البادية مكحلات كحل رباني .. شعر طويل اسود .. رشيقة الطول ممشوقة الجسم ) كملت امتحانات بكالوريا سادس علمي
الابنة الوحيده لعائلة ريفية تتكون من اب و ام و خمس ولد
قريتنا ... مختصر مفيد لاطباع قريتنا خلقت المرأة فقط لكي تموت ..
و تفكيري اكبر من عمري و حتى من قريتنا و تقاليدهم البدائية

درست بمدرستي الثانوية بالقرية الثانية امشي نص ساعه لما اوصل و مرات اصعد بعربانه الحصان اخويا يوصلني

و ها اني الوحيده بتاريخ القرية وصلت و كملت سادس و طبعا الوحيده بتاريخهم المشرف انو بهذا العمر و بقيت بدون زواج
تكدرون تكولون اني اول عانس بتاريخ القرية ههه
عندي اصرار بكبر طمومي و احلامي بس هذا كله ميوصل ذرة كبال عناد ابوية و التزامه بعادات عشائرية او بين قوسين عادات جاهلية متزمته ..

لهذا السبب اكو صراع بين احلامي و بين تفكير ابوية رغم ابوية هواي يحبني و يعزني لان بنته الوحيده .. بس اكيد و بدون نقاش ابوية المنتصر ... بس المحاولة مني متضر و ما اكطع الامل ..

ابو سرّي : بنتج طولت بعنادها و راحت بعيد بطموحها ماعدنا بنات يطبن معاهد و بالولاية يدرسن ( الولاية قبل تسمية اخرى للمدينة )

ام سرّي : ابو سلمان عاد خليها البنية طايره بنفسها و حتى المدرسين جانو يمدحون بيها .. و اخوها يوديها للولاية

ابو سرّي : الناس اكلو وجهي ام سلمان من وراها كمت امشي و اتخفى منهم رايحه كل يوم و جاية انوب بالمدينة

ام سرّي : و شبيها بنتي حتى تتخفى من الناس قابل ناهبه اشو مستورة و الحمد الك ربي ماتشيل العباية من راسها .. لا عيني ابو سلمان بنتي جبل

ابو سرّي : ام سلمان هاي بنيتي قطعة من روحي .. هاي الـ ادخل بيها الجنة .. اريد استرها و ابن عمها مابي عيب .. هاي اخر سنة الها و خصلت زين و خلص كلامي و ابن عمها بعد مابقى بي صبر رايدها

سرّي : كل يوم اسمع مناقشات ابوية و امي و امي تحاول تقنعه اكمل دراستي امي تتمنى ادخل معهد معلمات و اطلع من القرية للمدينة بخاطرها اتزوج خارج القرية و اني بخاطري اخذ شهاده المهم مابقى بدون تعليم هيج حالي حال بنات العرب

ام سرّي : يمه عيوني هذا الطلع بيدي و انتي تعرفين اهلج و انتي ماقصرتي

سرّي : ادري يوم انتي همين مقصرتي بعد امري لله هذا ابوية و ماكدر اكسر كلامه لو اعانده انوب مي وجهه يروح كدام اهل القرية