ذنب بلا ذنب

20

☆ ذنـــــــــــبٌ بـــلا ذنـــــــــــب ☆

الـكـاتــبــة #نـــازك_الــبــور ✎

" ₂₀ الــبـــارت الـــعـشـــرون ₂₀ "

مجد : كعدت من النوم عطشان نزلت و اتعثر لان امشي و غفيان

طبيت للمطبخ لمحت احد رغم الدنيا ظلمه

ساهرة هاي انتي ..!!!

التفتت .. صارت بوجهي .. عيونها بعيوني .. بالظلمة و يضوي زراگهن

العيوون ... العطر .. شنو حتى باحلامي كامت تطلع ..؟؟
بقيت جامد بمكاني لحد هسه ممستوعب اكيد داتخيل مديت ايدي ع مفتاح الاضوية

جنة : تيبست من الخوف و كولشي بية نشف .. اتذكر امي كالت عدهم ولد و ديري بالج تخلي يشوفج حتى لنوكع بنفس مشكلة الـ صارت ابيت ام اوس ..

فجاءة اضوية المطبخ كله اشتغلت ..

مجد صار بوجهي .....

مجد : من شفتها .. ماحتاج لاضوية حتى اشوفها .. بس عبالي خيال

هذا مو حلم .. و لا هاجس .. من صدمتي ماتحركت و اني اباوع عليها و هي عيونها غرگن دموع و وجههة صار كركم

جنة : بهاي اللحظه اذا اكو ذل بالدنيا عاشتة الناس .. كله حسيت بي .. صخنت و اني واكفه كباله .. تقسي الدنيا بس مو توصل لهاي المرحله من القسوة .. من القهر نفسي كام يصعد و ينزل سريع بي عبرة .. ركضت من كدامه

مجد : شردت من يمي .. بقيت اتلفت بالمطبخ احاول استوعب الحال ..

كعدت بالكاع و استندت ع القاطع السيراميك الـ بنص المطبخ ( تصميم تركي بناء قاطع سيراميك ع شكل نص دائرة بنص المطبخ )

بالي يوم عن يوم يتشوش اكثر و اكثر و السبب واحد ..!!

جنة : طبيت بالغرفة ختلت جوا اللحاف و احاول اسكت روحي لان كمت اشهك بالبجي و ماريد امي تفز ..

الدنيا ملختني .. حيل ذلتني حيييل .. كلما اتذكر المواقف الـ نذليت بيها اكره نفسي .. ماكو بشر قوي ابد ماكو و اني مو جبل .. هدمني موقف اليوم كرهت نفسي و كرهت الدنيا و يئست من كولشي بحياتي .. لا هيج .. والله مابية .. مو طالب وياية .. لااا هيييج فدوووة

شصار لو امي ذابحتني واني ابطنها .. شصااار .... هواية علية الموت ... هوواي ... و هيج اعيش حياة ذل

شيصير لو اموت .. اريد بس اموت

سرّي : كعدت الفجر .. اتوضيت و صليت

يمةة جنةة .. جنةةة اكعدي الدنيا فجر

جنة : منمت حتى اكعد يوم منمت .. بعد مابيها مجال حياتي لو انام هذيج النومة الـ مابعدها كعده لو مادري .. ماعندي افكار بعد ..