ذنب بلا ذنب

24

☆ ذنـــــــــــبٌ بـــلا ذنـــــــــــب ☆

الـكـاتــبــة #نـــازك_الــبــور ✎

الــــبــــارت " الــرابــع و الـعــشـريـن "

رونق : باوعت ع جنة و امنيتي املخها .. روحي مطايقتها .. اريد اوكف بنص القاعه و احجي حقيقتها ..

اريد افضحها ..

جنة : دنگت راسي و عيوني ع مقعدي .. بس بالي و نظري كله يمها .. كل حرف تنطقه يكبرني الف سنة .. بداخلي ادعي و اتوسل الله .. احس حرارتي ارتفعت من الخوف

رونق : هلو مجد ..

فهد : اريد اروح لسينا بس مالحك ع المحاضرة  ..

اكوم اجيب جاي .. تريد ضلع ..؟

مجد : هلا رونق

اي والله ياليت

رونق : كعدت ع الاستول المقابيل مجد عكس السبورة

و ليش انت تجيب ..؟؟

فهد : داكوم جان تعرضلي رونق

ليش ..؟ شنو ليش .. مدافتهم ..؟؟

رونق : يعني اكو هنا ناس اختصاصها هالشي .. تودي و تجيب جاي و اكل .. و كذا

مجد : انصدمت من تصرف رونق .. عرفت مقصدها بس ابدا ماله داعي

رووونق ..

رونق : شكوو قابل شحجيت ..!

جنة : اريد ارفع صدري اخذ النفس .. اريد اخذ شهيق مالي طاقة ..

فهد : كولشي مافتهمت شو دوخري رجلج خلي اعبر ..

رونق : ههه حقك متفتهم يكفي مجد و ... افتهموا

جنة : كمت طلعت لان احس راح اموت .. حيل اختنكت ..

مجد : رفعت راسي عليها من كامت .. اريد اروح وراها اعتذر بس ماكدرت ..

رونق : خطية لازم انجرحت من كلامي .. و لا عبالك هي الصبح الـ صبت جاي النا ..

مجد : روونق .. كافي

رونق : شبيك .. ماحجيت شي عادي تلاثتنا نعرف هالشي ليش كبيت بية هيج

مجد : ادري بس انطيني مبرر لتصرفج ..؟

رونق : ماكو مبرر هيج حجيت ع نيتي

مجد : عبالي عقلج جبير .. طلعتي العكس ..

عفتها و كمت

فهد : طبيت جان يصير بوجهي مجد

ها .. ها .. ها الجاي الجاي ردت تحركني

مجد : امشي .. تعال

فهد : عاد اعتذر مني شصار ..

مجد : طلعت ادور ع جنة مالكيتها ..