ذنب بلا ذنب

26

☆ ذنـــــــــــبٌ بـــلا ذنـــــــــــب ☆

الـكـاتــبــة #نـــازك_الــبــور ✎

الــبــارت " الـسـادس و الـعـشريـن "

مجد : نفسه دافي ع رگبتي و رموشها كلما ترمش يجرحن رگبتي .. وية كل لمسة رمش بية جلدي كله يوكف .. اريد اعصرها بحظني حيل اكسر عظامها و ماشفى ... ميبرد شوگي ..

معقولة مدتحسين .. كولشي داسوي .. حسي عاد ..

جنة : شنو الديحجي مدافهمه .. شنو اباله ..؟؟ شنو يقصد...؟مستحيل ..!!!

مجد : احبج ... 

جنة : من كالها .. گلبي گام يدم سريع .. گام يوجعني .. اكتفيت من هالالم .. الم اول مرة احس .. كال المستحيل ..

لميت كل حيلي و رفعت ايدي اريد ادفعه .. بس لزمت صدره ..!!! نبضات گلبه من سرعتهن اذن ايدي .. احسهن يدكن بيدي مو بصدره .. شلون صدره اتحمل نبضاته ...؟؟  كمت اسمعهن  اسرع من نبضاتي .. اجتني حالة اريد افقد الوعي .. حالة انو لا احس بگلبي و لا عيوني و لا جسمي .. لوما صدره ساندني وية الحايط .. اوكع .. رجليني اصلا مابيها حيل تشيل ريشه .. مو عاد جسمي

مجد : گصتي ويا الحايط بس راسي طابك ويا راسها من الجانب .. حسيت بخوفها بس مو بكد ارتباكي و خوفي عليها ... سحبت راسي من ع الحايط ابطء و من اسحبه ادفعه ع خدها .. ريحتها عبالك داشتم وردة جوري .. حكيت خدي بخدها .. هلكد ما ناعم خدها خفت لا لحيتي تخدشه .. وصلت يم اذنها ..

و اموت عليج ..

جنة : من اتحرك .. ايدي الـ ع الحايط سندتها حيل حتى توازني و ما اوكع .. و بقيت ايدي الخ ع صدره حتى ادفعه حيل  ..

من همس باذني هدم كل كبريائي بصوته الهادئ  .. احسه كام يتحكم بكل جزء بجسمي .. عقلي ينطي امر و جسمي صنم .. اريد ابجي .. بالموت لزمت دموعي

مجد : هي مصدومة و صافنه .. خليت عيوني بعيونها .. حيل غرگن بدموعها و مينزلن الدموع .. عيونها بحر .. بحياتي مشايف هيج سحر بقيت اباوع بس اريد اشبع .. اعرفها دائما تبعدهن عن عيوني ..

ابو مجد : وينةةة مجوود .. وين ابني ..؟؟

مجد : سكرت ع صوت ابوية صحيت ..
طلعت اركض

جنة : شلون احد حاط ايده ع خشمي و حلكي ماكدر اتنفس و فجاءة شال ايده .. هيج حالي من طلع من يمي .. اخذت نفس طويل بحيث شهكت .. و نزلت للكاع بس ابجي .. خليت ايدي ع حلكي لان ماعدت اسيطر ع روحي من البجي

مجد : هاا هلااا يابة الحمدلله ع السلامة

ابو مجد : هلااا بروحي هلاا بعمري .. يايابة صار شكد مشايفك .. انفطر گلبي عليك ..

مجد : اباوع ع ابوية و اشوف عيون جنة و وجهها .. كلما اتذكر الصار قبل اشوي و اشلون اتجرأت و كلت احبج .. ماصدك .. حيلي مابية اشيله من حضنت ابوية شمرت روحي شمر عليه .. مابية والانزل القران .. حيلي مهدود