ذنب بلا ذنب

18

اعتـذر ع التاخير  .. البارحة بالليل النت فصل و قبل اشوي رجعت من دوامي

متابعه ممتعـة 🌹

☆ ذنـــــــــــبٌ بـــلا ذنـــــــــــب ☆

الـكـاتــبــة #نـــازك_الــبــور ✎

" ₁₈ الــبـــارت الـثـامـن عــشـر ₁₈ "

مجد : وكفت ع بعد مسافه قريبة مني .. اباوع عليها صافنه .. فجاءة ركضت بحيث قراصتها وكعت و شعرها ..

شعرها نزل للكاع ... ذهب مو شعر ..

عفت الحايط و وكفت عدل

هاي .....!! مستحيل .....؟؟

رجعت 3 سنوات ليورا .. من جامعه لـ شارع ..

لا مستحيل مجد .. اي اكيد مشتبه .. اسود و ابيض .. متشردة

هاي بيضة .. طبيبة ..!!!!

مادري اني بوقتها ماركزت ع شي لان خفت منها .. بس .. بس الشعر ..

رحت ع القراصه اخذتها و اتوجهت لبوابة البناية ..

اختفت ..

بقيت صافن و عقلي .. عقلي ..!! اصلا مابقى عقل

فهد : اجيت ضلعي انتظرني اروح اجيب جاي

مجد : منو هاي .. راح اتخبل .. منو هذيج ..؟؟

فهد : عيونه متتحرك .. صافن

يووول .. مجووود

مجد : همم مم هاا

فهد : شبيك

مجد : منو

فهد : جدي .. انت شبيك متنوم مغناطيسيا

مجد : لا .. مابية

فهد : لعد صار ساعه احجي سمعتني لو لا

مجد : اي .. لا شكلت

فهد : لااا انت سالفتك سالفة واحد غركان

مجد : يمعود

فهد : اروح اجيب جاي

مجد : انتظرك بالقاعه ..

رجعت كعدت باستولي .. اباوع ع مكانها .. كتبها و جنطتها ..

ليش ركضت ..؟؟؟ مادام غراضها هنا راح ترجع

اوس : البيت قصر كولش جبير فيل يضيع بي .. طبيت لغرفة ام جنة اخذت فونها و اتصلت ع جنة .. و رتبت مكان بس اخذ الاريده ارجع للخارج لان طكت روحي .. بقيت بسببها ..

انتظرتها يم البوابه .. ماريدها تطب للبيت

جنة : طلعت من الكلية صعدت بكية ..

عموو ماشايلة فلوس نسيت جنطتي بالكلية

السايق : صدك جذب بنيتي ما خلصت الدنيا و لا ايهمج