ذنب بلا ذنب

3

☆ ذنـــــــــــبٌ بـــلا ذنـــــــــــب ☆

الـكـاتــبــة #نـــازك_الــبــور ✎

" ³ الــبـــارت الــثــالـــث ³ "

سرّي : يمةة .. وينج اخاف وحدي .. ربي ساعدني اني شسويت ليش هيج صار بية .. اموت اذا بقيت وحدي هنا .. اموت

يمةة عيوني

ام سرّي : وصلنا اني و شاكر للمكان الـ ضميت بي بنيتي .. گلبي مفطور عليها ..
شلون ظلمت الدنيا و بنيتي وحدها .. شلون هيج عفتها

سرري .. بنيتي .. يمةة سررري

سرّي : بس سمعت صوت امي گلبي فز عليها .. راسا كمت ابجي اشتاقيتلها

يمةةة .. يمةةة

ام سرّي : اويلي عليا اويلي عيوني لتبجين رويحتي .. گليبي .. منظرها موتني الف موته و اني واكفه و حاظنتها

شاكر : اجذب اذا ماكول اني مابجيت من شفت هالموقف .. كمت امسح بدموعي

خالتي ..

سرّي : شفت شاكر كمت ابجي بالزايد .. جان دائما يشجعني و يسولفلي بالمدينة و اهلها ..

شاكر .. شفت .. شفت شصار بيا .. هسة اشلون شاكر اشلون

شاكر : اهدئي عيوني انتي مالج ذنب .. بريئة انتي

سرّي : اعرف .. اعرف .. بس اهلي شلون اكيد يذبحوني حتى اذا مالي ذنب

ام سرّي : يما صارو نار عليج ابوج غدا جمرة .. گلبه نفطر عليج و هو بين يذبحج و بين بنيته قطعة گلبه

سرّي : من حجت با ابوية متت بجي عليه

ياعيووني يا يابة .. سوودة علية ..اسفةةة اني اسفةةة يابةةة .. عيوووني

شاكر : كافي سرّي هيج راح تهلكين حالج بالبجي و انتي خالة راحن عيونج .. صار الصار بعد و الله ينتقم منه النگس والله لنحرك المقر ع روسهم

ام سرّي : يمة سرّي لازم تشردين .. لازم تطلعين من القرية ..

سرّي : وين اروح يمة ماندل .. وين

ام سرّي : للمدينة .. يمة لابعد مكان .. ماريد احد يندلج .. اريدج تتنفسين الهوا يوم

سرّي : ماندل هناك يوم اشلون اعيش .. اشلون اعيش بدونكم مااكدر ..

ام سرّي : انتي قوية .. بنيتي قوية .. لازم ماعندج خيار لاخ يوم لو الكبر لو المدينة ..

سرّي : ماقتنعت و لا راح اقتنع بالفكرة .. ماريد ابتعد عن اهلي .. ماندل بالدنيا شي .. بس كدامي الكبر .. الموت بلا ذنب

امري لله يوم .. امري لله

شاكر : اني اوصلج

سرّي : صعدت بالسيارة وية امي و شاكر .. طلعنا العرب ما بقى شي و ندخل للمدينة .. الدنيا صارت ليل