ذنب بلا ذنب

5

☆ ذنـــــــــــبٌ بـــلا ذنـــــــــــب ☆

الـكـاتــبــة #نـــازك_الــبــور ✎

" ₅ الـــبــــارت الــخــامـــس ₅ "

ام سيناء : انتي امها .. رضيتي ما رضيتي .. ولج حرام عليج هالمسكينه شنو ذنبها بالسواه ابوها

كافي سرّي دتحملين ذنب ترا شنو فرقج عن ابوها هو ظلمج و انتي دتظلمين هاي البريئة

كافي لتروحين لجهنم برجليج ...

سرّي : باوعت ع الطفله ساكته .. هادئة مابجت بس اول ماطلعت من بطني بجت .. حسيت روحي رادتها

ام سيناء : اكو حنية بداخلها رغم حقدها ع ابو الطفله .. حنية الام غريزه .. لا اذية الدنيا و لا ظلم البشر يتغلب ع هاي الغريزه ..

هااج رضعيها يالمجرمة اكو واحد يشمر هيج ملاك

سرّي : خلتها بحظني اباوع ع ملامحها رغم بعدها ممفتحه بس وجهها كله عيون ..

ماخذه قالب عيوني .. مو

ام سيناء : اي كلها عيون مثلج ولج هاي اذا كبرت تموت

سرّي : گلبي نشرح من كامت تتحرك بحظني ..

ههه شوفيها الحقيرة تتلوى

ام سيناء : دتحنن گلبج حاسه متريديها

سرّي : لاا صدددددك ؟؟؟ 

كمت ارضعها و اباوع ع وجهها .. كولشي بيها بريء ..

ام سيناء : شنو تسميها ..؟

سرّي : مادري من جنت صغيرة جنت اتمنى اسمي جنة مو سرّي

ام سيناء : لعد سميها جنة اصلا كاعد عليها الاسم

سرّي : اكولج بطني موتتني من الوجع

ام سيناء : عادي هاي تشاليع من الولادة مو شويه قطعه من عندج انفصلت و صارت بحظنج

سريّ : لزمت بطني و اباوع عليها

قطعه من لحمي ..

رضعتها و نامت .. هادئة حيل ..

ام سيناء : اليوم ماروح للشغل .. اكوم اشويلج فخذ دجاج يسندج و راح اسويلج شورية ماش راح اكوم اطلب ماش و اجي انتي ارتاحي

سرّي : تسلمين راح اتعبج

ام سيناء : اشش اشش ماكو تعب انتي اختي

سرّي : احس بتعب مو طبيعي و الم نومت جنة بصفي ورا اشوي رجعت ام سيناء سوتلي اكل و نمت بدون مادري بس ردت انام

ام سيناء : نامت و بقيت اباوع للطفله سبحان الله اول مرة اشوف طفل بهيج جمال .. كعت سينا