ذنب بلا ذنب

6

☆ ذنـــــــــــبٌ بـــلا ذنـــــــــــب ☆

الـكـاتــبــة #نـــازك_الــبــور ✎

" ₆ الـــبـــارت الـــســادس ₆ "

رجاء : زمااالة بنت المجادي .. مجدية .. مجدية .. مجدية

جنة : مااامااا ... وووينج

سرّي : اجيت اخذ جنة لكيت الطلاب ملتمين و يصيحون مجدية .. ركضت شفت بنتي بالكاع تبجي

وخرووو .. وخرووو عوفو بنتي

جنة : مااماا .. ماما .. كتلوني ماما

سرّي : محد يكتلج يمة و اني هنا

شلتها و گلبي وجعني عليها .. اخذتها الطريق كله حاضنتني و تبجي

اوشش حبيبتي يروحولج فدوة

جنة : ماما يعيروني ماما

سرّي : يفدوج يگليبي تدرين ليش يعيروج

جنة : لان اجدي و فقيرة

سرّي : لاا لان احلى وحده بالدنيا و لان اشطر بنوته

جنة : اكرههم ماما اكرههم

سرّي : ماما ميصير نكره الناس .. علمي گلبج ع الحب

جنة : ماما كتلوني .. اذوني

سرّي : حتى اليكتلنة لازم منكرهه .. الكره محلو و الغلط محلو .. اني شنو علمتج ..؟؟

جنة : ما احجي حجي مو حلو

سرّي : اي لعد عوفيهم ازعل اذا غلطتي لو سبيتي و لتكرهين احد

جنة : ميخالف ماما .. ماما اليوم اخذت عشرة بالرياضيات

سرّي : فدووة اي هاي بنتي الحلوة

جنة : و بعد المعلمة انطتني هدية .. و راح يرشحون قدوة الصف اني اصير مو ماما

سرّي : ليش لا .. شطورة بنيتي تصيرين منو القدوة اذا جنونتي مو قدوة

جنة : اموت عليج ماما .. بس انتي احبج بالدنيا

سرّي : شايلتها و احجي وياها و عيوني تجري دموع و هي حاضنتني ماريدها تشوف امها تبجي ..

اني احبج بنيتي .. شعندي غيرج بالدنيا

ام سيناء : هاي شبيها هدومها متربة و عيونهاا اوووي عيونها الحلوين ليش هيج غركانات و حمر

جنة : خالة كتلوني الطلاب بس اني ما اكرههم

ام سيناء : يااا و ليش يكتلون هذا الگمر

جنة : لان مجدية يكولون بنت المجدية .. اي بس اني ما اكرههم الكره مو حلو ماما تكول