ذنب بلا ذنب

22

☆ ذنـــــــــــبٌ بـــلا ذنـــــــــــب ☆

الـكـاتــبــة #نـــازك_الــبــور ✎

" ₂₂الـبـارت الـثـانـي والـعـشـريـن₂₂ "

رونق : اوكف .. وكف السيارة

من طبت السياره بالـﭬـيلة .. شفت ام شعر الاصفر تمشي

نزلت من السيارة ..؟؟

انتي ...!!! انتي  شتسوين هنا  ...؟

جنة : محسيت الا بنية من ورا سحبتني من ايدي .. من انداريت نفسها الـ دعمتني بالقاعه .. وكفت و صارت كبالي و وجهه مكلوب كلاب عبالك شافت الموت ..!!!

العفو منو انتي  ..؟

رونق : انتي المنووو .. و شنو تسوين ابيتنا ..؟

جنة : بيتهم ..؟ استغربت من الكلام ماشايفتها قبل بالبيت ..

ممكن تحلين ايدي .. وجعتيني ..!

رونق : مانتبهت لروحي من الصدمة عصرت ايدها حيل .. حليتها

جنة : اني هنا عايشه وية امي ..

رونق : عايشةة هنااا ...؟؟ امج ..! منو امج ..؟

جنة : الطباخه ..

رونق : الخدااامة

جنة : اتحملت الكلمة .. و سكتت

مجد : طبيت للبيت بالسياره شفت رونق و جنة واكفات بنص الشارع الداخلي ..

رونق : مممم انتي مو الطالبة بطب الاسنان

جنة : اي

رونق : رغم جمالها ينرفزني بس مادري ارتاحيت من عرفت بنت خدامه جنت خايفه من وجودها وية مجد .. هسه ارتاحيت

كملي طريقج ..

جنة : عافتني و مشت .. و مجد مر و وكف سيارته حول النافورة المقابله لبناية الـﭬـيلة ..

رحت طبيت من البوابة الصغيرة للبناية .. تروح مباشره للمطبخ و غرف الخدم ..

رونق كملت طريقي مشي للبيت مجد وكف مقابيل البناية بسيارته

هاا مجد ..

مجد : هلو رونق ..

رونق : اعتقد تعرف بوجود الخدامه الجديدة و بنتها

مجد : الطباخه ..!

رونق : اي .. اي

مجد : اي اعرف .. اني امرت يدورون ع طباخه تنوب ابدال خالتي

رونق : اعرف بهذا .. بس زميلتك

مجد : قصدج جنة ..

رونق : ايا كان .. تعرف بوجودها