ذنب بلا ذنب

21

☆ ذنـــــــــــبٌ بـــلا ذنـــــــــــب ☆

الـكـاتــبــة #نـــازك_الــبــور ✎

"₂₁ الـبـارت الـحـادي و العـشـريـن ₂₁ "

مجد : انتبهت عليها شافتني .. دنگت راسي اباوع ع المي يفور بداخل القوري .. و ظهري عليها و ظهرها علية

مو العين تشوف الحياة بهيج جمال رغم القسوة .. اكو ناس تشوف الدنيا بروحها

جنة : من حجى ...

وكع الماعون من ايدي ..

مجد : التفتت بهدوء عليها ..

جنة :  كتبي ..!!! خواطري بدفتر الملاحظات ..

كعدت الم الكزاز ..

مجد : لتنجرحين ..

جنة : ماعرفه شنو و بشنو يفكر .. و ماريده يتقرب .. ماريد افتح وياه حديث

مجد : بقت تلم ما سمعت لكلامي ..

ساهرة : اجيت للمطبخ ركض ع صوت الكسر ..

هاا كضى الشر .. اوكفي لا بيدج

رحت جبت المكناسه و المكرافه و لميته

باوعت ع مجد داير ظهره علينا ..

سيد مجد

مجد : همم

ساهرة : شنو دتخدر جاي بنفسك

مجد : هاا .. لا .. اقصد اي

ساهرة : هههه ادري من شوكت هاي .. انت اصلا منشوفك بالبيت لو بغرفتك لو برا البيت .. و بعدين اكو طباخه و الف خادم ليش تسويه بنفسك

مجد : اتاشرلي بعيونها ع جنة .. ماكدر احجي .. طككت عيوني عليها و عضيت شفتي داكوللها اسوكتي ..

انتبهت ع جنة دايره ظهرها علينا و تغسل بالمواعين و لا حجت شي ..

اخذت كلاصي الجاي و طلعت ..

ساهرة : و غرك السيد الصغير  ههه .. جنت متوقعه راح يحبها من اول يوم شفتها خصوصا من عرفت هي زميلته .. اعرف مجد ميهتم للمقامات .. اويلي كون اشوف رونق و ردة فعلها ..

جنة : خلصت المواعين و رجعت لغرفتي

يعني جنطتي يمه اكيد مادام كتبي وياه ..؟؟ بس ليش دياخذهن ..؟؟ لا يمكن بس لاكي دفتر ملاحظاتي ..

شجابنا بهذا البيت .. ربي لا هيج فدوة .. خالقني و تعرفني مالي طاقه لهيج شي ...

فهد : رحت لبيت مجودي ..

ساهرة : هلا بدكتور فهد .. تفضل هسه اصيحلك سيد مجد

فهد : لا يابة شتصحين هذا اقتحمه لغرفته بدون اذن .. من شوكت اني انتظره بالصاله ههه