ذنب بلا ذنب

النهايه

☆ ذنـــــــــــبٌ بـــلا ذنـــــــــــب ☆

الـكـاتــبــة #نـــازك_الــبــور ✎

الـبـارت الاخـيـر " الـحـادي و الـثلاثيـن "

شاكر : اني حجيت ويا عمتي بموضوع و كالت لازم اكولج

سرّي : كول

شاكر : اريدج .. حلالي  ..

سرّي : صفنت عليه

شاكر ..

شاكر : خجلت منها

شنوو ..

سرّي : شنوو ..

شاكر : هاا

سرّي : وجهه صار طماطية من الخجل ابتسمت .. عبالك طفل ..

شاكر : اتقربت عليها

سرّي جنتي ابالي من جنا قبل نكعد و اقريج .. بس جنت خايف احجي و تبعدين لان حلمج مجان زواج .. و من صارت السالفه اجيت وراج للمدينة ادور مالكيتج .. فكرت اتزوجج و استقر هنا بس مالكيتج شارع شارع دورت .. من يئست ورا سنتين اتزوجت

سرّي : دنگت راسي .. طبعا ميلكيني لان بوقتها بقيت سنة بغرفة ميعاد لحد ما ولدت .. و وراها من طلعت ضميت وجهي .. 20 سنة اني ضامة وجهي .. منو يلكيني ..؟!

كبرنا شاكر ..

شاكر : بعدنا انتي 38 و اني 40 .. اصلا اقدرج 25 ع شكلج اليشوفج يكول اخت جنة مو امها

سرّي : شاكر مو طفلة و تقشمرني

شاكر : بس اني طفل .. و اقبل تقشمريني بـكلمة موافقة

سرّي : عيب من جهالنا

شاكر : مو عيب .. اني احبج وين العيب

سرّي : داشوف طفل كدامي مو رجال و اب و استاذ

هههه شااااكر ..!!!

شاكر : لتضحكين .. شكلتي

سرّي : مادري

ام سرّي : يمة لا عبالج استقريتي جوا سگف و امنتي بالدنيا

سرّي : فجاءة نزلت امي ..

يمةة

ام سرّي : المرة بدون رجال بدون سند .. لتثقين بالدنيا .. الدنيا من تشوف واحد وحده تنفرد بي و تشوفه كل ضيمها

سرّي : دتحجيلي بالضيم يمة .. تحجيلي بي و اني العشتة عشرين سنة و عيشت هالمسكينة وياية

ام سرّي : بنتج يجيها رجال و ياخذها يعوضها عن كل الراح .. و انتي ..؟؟؟ تبقين وحدج ...!

شاكر : خالتي الا اسويلج تمثال .. اتعلمي سرّي اخذي الكلام والله دتحجي درر

سرّي : ههههه