ذنب بلا ذنب

7

☆ ذنـــــــــــبٌ بـــلا ذنـــــــــــب ☆

الـكـاتــبــة #نـــازك_الــبــور ✎

" ₇ الــبـــارت الــســابـــع ₇ "

جنة : ماااا .. مااريد اداوم بعد مااا ..
كلها تكرهني .. اريد ابطل

اني مجدية .. كلهم طلاب و اني مجدية ماما

سينا : اني همين مجدية و ابطل وياج جنو

سرّي : لاا يمةة لاا شنو تبطلن .. و انتي جنو محد يكرهج ..

جنة : ماتحملهم ماما يكتلوني .. يضحكون علية و حتى المعلمات مايحبوني

سرّي : ما عليج بيهم يغارون لان شاطره .. و الشاطر ميعوف المدرسه

جنة : لعد حوليني بغير مدرسة ماريد هنا

سرّي : ماكو هنا غيره ماما .. بعدلج سنتين خامس و سادس و تروحين للمدرسه البعيدة

جنة : و ماشوفهم المعلمة هاي متجي وياي

سرّي : لا متجي

جنة : و الطلاب ..؟

سينا : خاله و نشتري جنط مثلهم مو .. ماريد اشيل گونية بالمدرسه الجديده

سرّي : اي جنط و هدوم جديده و تشوفن غير طلاب و غير معلمين و راح يحبوجن .. و يكولون هاااي منووو ..؟؟ شنوو هالجمال .. يتخبلون عليجن

جنة .. سينا : صدووك ..

سرّي : اي صدووك بس انتن صيري شاطرات و فوزن ع هذولا و معليجن بحجيهم

جنة : ماما

سرّي : عيون ماما

جنة : لو بابا عايش جان ماكدروا هيج يحجون علينا

سرّي : حضنتها حيل .. ماعرفت شنو ارد .. لو عدها اب جان ماصار بينا هيج .. لو عندي رجال جان حمانا من هالذل ..

اني بابا جنونتي .. اني بابا و ماما

جنة : ماما ..!

سرّي : بنيتي نايمه ع جتفي و لافة ايديها حول ركبتي .. عاصرتهن حيل حولها .. حسيتها خايفه من الدنيا

عيوني ..

جنة : ماما الله ليش خلق الفقراء .. مو محبوبين ليش يخلقهم

سرّي : لا محبوبين و نخلقوا حتى يروحون للجنة ماما

جنة : يعني الله ما يكرهنا ..؟

سرّي : لاا يمةة الله يحب كل البشر ..

جنة : حتى اني ..؟

سرّي : معقولة يخلق هيج وجه حلو و ميحبه ...!! اكيد يحبج يمة هوواي يحبج لهذا السبب خلاج فقيرة حتى يشوفج قوية لو ضعيفه ..؟