ذنب بلا ذنب

12

☆ ذنـــــــــــبٌ بـــلا ذنـــــــــــب ☆

الـكـاتــبــة #نـــازك_الــبــور ✎

" ¹² الــبـــارت الـثــاني عــشـر ¹² "

فهد :  اي .. مابية لا .. بصراحه

رونق : اي

فهد : اني احبج ..

رونق : اتوقعت راح يحجي هيج .. بس ارتبكت لان اول مرة واحد يكولها الي .. و انقهرت لان مردتها من فهد .. ردت اسمعها من مجد .. گلبي نعصر

فهد : هاا شبيج .. والله من اول يوم شفتج مادري طبيتي گلبي ..

رونق : اسفة فهد

فهد : ليش ..؟؟

رونق : مادري ماعندي مشاعر تجاهك

فهد : اكو واحد ثاني  .؟

رونق : هذا شي يخصني ..

فهد : رونق والله اذا صرتي الي ماقصر وياج .. اني احبج تفتهمين شنو احبج

رونق : اسفه ..

عفته و كمت رحت لغرفتي كمت ابجي .. مابجي لان رفضته بس ابجي ع روحي ليش ال  احبه ميحس بية .. شصار لو مجد كايلها جان اني بجنة

فهد : عافتني و راحت بقيت متبسمر بمكاني .. گلبي نكسر احسه .. حرارتي ارتفعت .. اختنكت اريد ابجي و ماريد مجد يشوفني بهاي الحال .. طلعت من البيت رحت للمقبرة ابجي و اشكي

يابةة ..

ابنك موجوع .. احبها هواي يابة .. من شفتها لليوم بعد ماشفت بنات .. والله يابة ماباوع بعين ابنية حتى ماخونها .. بيني و بين نفسي وفيت الها

احبها يابة شسوي هسه .. ماقتنع رفضتني .. كول الي شسوي ..؟؟

مجد : رجعت للصالة اثنينهم ماكو .. ادك ع فهد ميرد ..

افففف .. وووينك رد ..

ام سينا : يمة لتروحين قانون

سينا : ههه ع امرج يمة مو كلتي الي و رشحت التربية

ام سينا : اخاف يطلعلج قانون

سينا : لا يمةة ما رشحتها خليتها جوا التربية

ام سينا : حتى لو معدلج عالي هسه يطلعلج قانون

سينا : هههههه يبوو منج ..

ام سينا : يمة المحاماة خطرة دشوفين الكتل .. و انتي بنية اخاف عليج .. مدرسه احسن

سينا : يمكن امي عادت هاي الاسطوانه الف مرة .. اني اصلا ماعندي فرق قانون او تربية .. المهم امي عندي شتريد اروح .. من ناحية لخ كلامها صح الكتل هسه صار شغله سهله و الوضع تلف و المحاماة تريد واحد مسنود يطب لمراكز الشرطه و يطلع و هو مطمن .. و يا سند بهذا الزمن يدوم ؟؟؟ حتى السند يغدر طبعا عدا جنونتي ههه