ذنب بلا ذنب

23

مرحبـا جميـعا يا اجمـل نيـازك ☆

اعتذر منكم ع التاخـيـر .. ما اكوللكم ع الجو البارحه بمدينتي .. عواصف و غيث قوي (الله يكفينا ويكفيكم المطر ) و حالوب .. يخبل و النت همين يخبل بسرعه فصل 😣 فـ كولش اعتذر منكم لان بقيتوا تنتظرون .. و كولش احبكم و احب تعليقاتكم الـ تجنن مثلكم 😍😘

متابعـة ممتعـة ♥
ـــــــــــــــــــــــــــــــــــــــــــــــــــــــــ

☆ ذنـــــــــــبٌ بـــلا ذنـــــــــــب ☆

الـكـاتــبــة #نـــازك_الــبــور ✎

"₂₃الـبـارت الـثـالـث و العـشـريـن₂₃"

سرّي : بعيوني خالة

رونق : كلت جنة ... مكلت انتي ..!

سرّي : بس بنتي ما تخدم .. الاوامر بس علية

رونق : بس مجد كال جبت خدامتين بدل ام شريف

جنة : خنگتني العبرة .. ماتوقع غير تصرف منه .. لهذا السبب ردت من امي نترك ..

سرّي : لا .. بس اني

رونق : اعتقد احنا نخلي النظام و الاوامر .. مو الخدم يخلو ..

جنة : انقهرت ع امي و الموقف الـ هي بي ..

يمةة .. عادي

سرّي : لا جنةةة

و اني هذا جان شرطي قبل لا اجي اشتغل هنا ست رونق

رونق : عادي .. عيني الباب يوسع جبل

ناقصي الاماية تفرض نفسها .. عفتها و مشيت

جنة : يمة ليش هيج .. هو كلاص مي جان انطيته ابدال هذا السم الـ حجته ع

سرّي : وية هيج ناس يمة الكرامه تسقط بس مو بالكلام .. تسقط بالفعل .. ابد متنفذين امر لا الها و لا للسيد الصغير ترا اتخبل زين ..

جنة : احنا هنا صدوك خدم لا رونق غلطانه و لا مجد .. و ماعرف ليش امي هيج اتعصبت و حزمت امرها ضدهم .. مع انو اني عادي اخدم ام شريف و ساهرة .. معقولة لان هذولا بعمري ..!!!؟

صار يمة ع امرج ..

سرّي : هاج صينية غدا ام شريف وديها و خليج يمها لحد متاخذ دواها يوم

جنة : صار ..

ساهرة : ها ام جنة .. انهد حيلج

سرّي : هااي ليش كمتي انتي بعدج مريضه

ساهرة : لا الحمدلله اشوي احسن بس دوخه

سرّي : شو امشي .. امشي ارجعي لفراشج يلله

ساهرة : هههه سررري اني مو جنونه .. شبيج والله صرت زينة و همين هواي بقيت و كل الشغل صار عليج