ذنب بلا ذنب

10

☆ ذنـــــــــــبٌ بـــلا ذنـــــــــــب ☆

الـكـاتــبــة #نـــازك_الــبــور ✎

" ₁₀ الــبـــارت الـعـاشـــر ₁₀ "

فهد : خررب يومج ناقصني ادعملي وحده ابتلي بيج .. فوك القهر سوووده جير و ملثمة ع شنوو هو انتي سووده

مديت راسي من الجامه و صيحت

مرررة لخ انتبهي يااااااالعبددددة

فتت من يمها بالسياره .. و هي كاعده مديت ايدي و كفختها

جنة : كام يصيح فوك ما هو اعمى ميشوف ..

كفخني ع راسي ... والله لا كلامه و لا من ردت اندعم اهتميت .. بس من كفخني حسيت بالذل .. كرامة ماعندي .. دمعت عيوني و خنگتني العبرة .. ليش هيج الناس ..؟

سينا : شفت جنو من بعيد گمزت .. رادت تندعم

خرررب .. جنوووو

ركضت عليهاا

خوما صار بيج شي ..

جنة : لا لا .. بس كم بطل حرمن بعد

سينا : الله يكسر ايده كون الزمه هالزعطوط شلون يمد ايده فوكها اثول انوب يضربج

جنة : عادي يمعودة تعودنا ع هالذل ههه شنو الجديد ..؟

سينا : اووووووف كون اني الا اجر ايده و اطلعه من الجامه و وين ما يوجعه ولج اسگطه تسكيط ..

جنة : دعوفي مو صوجه صوج الـ خلى الزعاطيط تسوق ..

سينا : يكولج العبده ههههه عباله صدوك سوده

جنة : اي فادني الاصخام .. يمعودة يذم و لا يتحرش و يلزك

سينا : و النبي لو شايفج بدون صخام و
لثام جان هو كطع ايده بيده

جنة : يمه اعوذ بالله هههه لا عيني اكفيني هالشر .. يلله يلله نكمل

سينا : اوكي ..

هاي تخبلت العالم .. خوما تخبلت

جنة : واكفه بنص الشارع فجاءة الشارع سكن و السير توقف .. التفتت وراية

رتل امريكي ... امر...

جمدت بمكاني .. مدري اتذكرت حياة امي الاندهمت مدري لان دمهم يجري بعروقي ..

سينا : بقيت قريبة منها .. وكف كل السير لان الرتل الامريكي ديمر

جنة انسحبي هذولا يرمون عشوائي .. جنةة .. جنوو

انسحبت اني .. درت عليها بعدها جامده بمكانها و الرتل وصل يمها

شبييييج مخبلةةةةة .. رجعت ركض سحبتها من ايدها .. بحيث مراية جانبية للهمر طخت بيها .. حمدلله انتبهت