قلوب تحترق

الحلقه الاولي

قلوب تحترق
الحلقه الاولي
عصمت الناجي شاب طموح يحلم بالثراء وكان يعمل جاهدا للوصول الي حلمه منذ دخوله للثانويه وهو يعمل في الاجازه ويجمع المال وحتي انه كان يعمل في بعض الاحيان في الدراسه ولكن اعمال بسيطه كي لا يؤثر ذلك علي دراسته' انهي دراسته الجامعيه وبدأ في مشروع صغير' وحقق مشروعه نجاح واصبح لديه بعض الشهره 'كان لعصمت الناجي اربعه من الاخوه عادل &عماد & فايز & سماح تزوج اخوته الرجال ولم يبقي سواه هو واخته اعجب بها مساعده مراد وكان عصمت يحبه فهو صديقه قبل ان يكون مساعده فقبل به ودعمه عند والديه فقبلا به واقامو حفل خطوبه لهم وكان حفلا عائلي وبعد انتهاء الحفل دخل مراد وسماح في الشرفه ليتحدثا معا فدخل عليهم عصمت
عصمت بهزار : واقفين تعملو هنا لوحدكو
مراد بضحك : بعاكس اختك عندك اعترض
عصمت بضحك : انت بتقول ايه داانا اموتك تعاكس اختي يعني ايه
سماح بضحك : قلبك ابيض اعتبرو خطيبي وسيبو
عصمت بضحك : ان كان كده ماشي عشان خاطرك انت بس ' ثم احتضنها واكمل : ربنا يسعدكم يارب
مراد : وانت بقا مش ناوي تحصلنا ولا ايه
عصمت : بصراحه بفكر ولقيت كمان العروسه بس قولت بعد ما تخلص الخطوبه بتاعتكو
سماح بفرح : يارب يا عصمت ونعمل فرحنا في يوم واحد
عصمت : وانا موافق وليكي عليا اعملك احلي فرح
سماح بضحك : اه دا انت واقع بقا هههههههههههه
وامسكت ذراعه وقالت : قولي بقا مين هيا الي وقعتك
عصمت : بنت الجيران الي سكنو جمبنا جديد
سماح بخبث : اتريك رايح جاي علي البلكونه اليومين دول عموما خلاص يا عم نكلم ماما وبابا
عصمت : ماشي ياستي اسيبك انت وعريسك كفايه عليكو رخامه كده
فضحكو جميعا 'وبعد ان ذهب الجميع جلست العائله يتحدثوا معا
الناجي : الحمد لله خلص اليوم بسلام
صفاء والدة عصمت : ربنا يتملهم علي خير وعقبال ما نفرح بعصمت
سماح : ايه رايك نخلي الفرحه فرحتين ونخطبلو
صفاء : يا سلام دا يوم المني بس هو يختار
عصمت : خلاص انا اخترت وعايز اشوف رايكو
الناجي : ودي مين دي ياتري
عصمت : رباب بنت عم صفوت جارنا
الناجي بفرح : يا زين ما اخترت يا بني بنت محترمه واهلها ناس كويسين خلاص اتصل بيهم وحدد معاهم معاد وربنا يتمم بخير
صفاء بفرح : ايوه كده فرحتني ربنا يسعدك يارب
وقام اخوته وهنأوه وفي اليوم التالي اتصل بالحاج صفوت وحدد معه موعد وذهب وتقدم لها ووافقت عليه وتمت خطبتهم في حفل عائلي واتفقو علي ان يكون زفاف سماح وعصمت معا في يوم واحد واعد عصمت حفل زفاف رائع كي يسعد اخته 'وسعد به الجميع
وبعد شهر من الزواج دعا عصمت اخته وزوجها في منزله لتناول الغداء معا واثناء تناول الغداء
عصمت : بصو بقا انا عندي لكم مفجأه جامده جدا
مراد : مفجأة ايه ياتري
سماح : شكلها كده مفجأه جامده بينه من الفرحه الي في عينك
عصمت : هعمل فرع جديد في البرازيل
مراد بفرح : ده خبر رائع يعني كده هنوسع الشغل وهنشتغل علي كبير
سماح بفرحه : الف مبروك يا عصومه بس اوعي تقولي مراد يسافر ازعل منك
رباب ببسمه مصتنعه : مبروك يا حبيبي بس معنا كده انك هتسافر
عصمت : اننا هنسافر
رباب بقلق : نسافر بس انا مفكرتش في ده خالص
سماح : سيبي الكلام ده دلوقتي وافرحي بنجاح جوزك ده معنا كده انه هيبقا عالمي
عصمت : ما تقطعيش انت بس والبرازيل دي مش اخر محطه دي الاولي
مراد بضحك : ايوه ياعم انت يا عالمي
عصمت بضحك : بطل بهزار بقا وتعالي ان كنت خلصت اكل نقعد في البلكونه نظبط شغلنا ونسيب الستات مع بعض
مراد : خلصت ياسيدي يلا بينا 'وقما الاثنان ودخلا الشرفه وجلسا يتحدثان
نظرت سماح لرباب وقالت : مالك يارباب شكلك مش مبسوطه من موضوع السفر بتاع عصمت
رباب : انت عارفه ان ماما ملهاش حد غيري هيا وبابا واخواتي كلهم مسافرين اسافر انا كمان واسبها ازي
سماح بتأثر:معلش حبيبتي انت مشكلتك كده صعبه قوي اتكلمي مع عصمت واكيد هيتفهم
رباب بقلق: انا عارفه بس كمان هسيبو يسافر لوحده ازي دي مشكله تانيه
سماح : سيبها علي الله وهو هيحلها من عنده' ويلا خلصنا لم الحاجه هدخل انده لهم من البلكونه ننزل لماما وبابا ونقعد معاهم شويه قبل ما نمشي
دخلت سماح وندهت لهم ونزلو جميعا وجلسو معهم لبعض الوقت وذهبت سماح وزوجها وصعد عصمت وزوجته الي شقتهم 'لاحظ عصمت علي رباب قلقها
فقال لها : متقلقيش مش هسيبك واسافر
رباب بقلق : انا عارفه انا بس قلقانه علي ماما وبابا
عصمت : بصي قدمنا شهر طول الفتره دي اقعدي معاهم واطمني عليهم برحتك
رباب بخجل : كمان احتمال اكون حامل
عصمت بفرح : بجد فرحتيني خلاص يا ستي ولا يهمك بس تطلعي حامل وانا هعملك كل الي عايزاه ' بكره ان شاء الله نروح للدكتور ولو اتاكدنا خليكي انت لحد ما تولدي واحتضنها في حنان
وفي اليوم التالي ذهبا معا للطبيب وبعد الكشف والتحاليل تأكدا من انها حامل 'وكان عصمت في غاية السعاده فاوصلها للمنزل وطلب منها ان تصعد وتنظره في شقة والديه' وذهب هو اشتري بعض الاشياء وعاد صعد الي شقتة والديه واعطي الاشياء التي اشترها لام حسن التي تساعد والدته في اعمال المنزل وطلب منها وضعها علي طاولة الطعام 'ودخل الي والديه ورباب وسلم علي والديه وقال : انا عندي لكم خبر هيفرحكو جدا
والده بشغف : خير يا عصمت في ايه
عصمت بفرح : رباب حامل
والديه بفرحه شديده : الف مبروك يا حبيبي ربنا يتملها علي خير الف مبروك يارباب ربنا يسعدكم يارب
عصمت : وبالمناسبه دي عزمكم علي الغدا وجبتلكو ومعيا كباب وكفته وزمان ام حسن رصتهم علي الصفره يلا قمو
وبعد ان تناولا الطعام وصعدا الي شقتهم كان عصمت يلاحظ علامات القلق علي وجه رباب فاقترب منها ووضع يديه علي خصرها وقال : انا عارف انت خايفه من ايه خلاص انا هسافر وانت هتفضلي لحد ما تولدي وتقومي بالسلامه وبعد كده تبقي تجيلي هناك خلاص اطمني بقا
رباب بسعاده : شكرا ليك انك حسيت بيا ربنا يخليك ليا
عصمت بحب :وهو انا ليا مين غيرك ياقمر انتي تعالي بقا ندخل ننام
رباب بدلع : يلا بينا وتحركت بسرعه 'فامسكها
عصمت وقال بدلع : علي مهلك براحه عشان البيبي واحده واحده
رباب بضحك : حاضر واحده واحده 'ونقلت قدمها بخطوات بطيئه ودخلا الغرفه وهم يضحكان ' وفي اليوم التالي بدا عصمت في تجهيز اوراق سفره 'وودع اسرته في حفل وداع بسيط قامت به والدته واخذ اغرضه التي وضبتها له رباب وسافر الي البرازيل وفي المطار استقبله صديقه وليم وسكرتيرته ليزا
وليم : اهلا بك سيد عصمت في البرازيل
عصمت : اهلا سيد وليم شكرا علي استقبالي في المطار
وليم : لا داعي للشكر فنحن اصدقاء تفضل لنركب السياره 'حجزت لك غرفه في فندق حتي نبدأ العمل
عصمت : جيد هيا بنا
ركبو السياره وتحركت بهم ووصلو الي الفندق
وضع عصمت حقائبه وذهب مع صديقه الي مكتب وليم .
عصمت : اري ان كل شئ معد لنبدأ
وليم : اعددت كل شئ علي حسب الاتفاق
عصمت : جيد لنبدأ العمل فانا اريد ان اجعل هذا الفرع الفرع الرأيسي للشركه واريد شراء شقه لاسكن بها بدلا من الفندق ولكن حتي يستقر الامر سأبقي في الفندق
وبدأا العمل وفي المساء عاد الي الفندق وبعد ان تناول الطعام دخل غرفته امسك الهاتف واتصل بوالدته
عصمت : اذيك ياست الكل وحشتيني
صفاء: وانت كمان يا حبيبي وحشتني
عصمت : بابا عامل ايه
صفاء :هديلو التليفون كلمه 'واعطت الهاتف لوالده
الناجي : ايوه ياعصمت عامل ايه
عصمت : الحمد لله الشغل تمام وانا تمام بس متنسونيش من دعوتكم
وبعد ان انهي المكالمه معهم اتصل برباب زوجته.
عصمت بشوق : اذيك يارباب وحشتيني
رباب بحب : الحمد لله اذيك انت عامل ايه
عصمت بحب : انا الحمد لله خلي بالك من نفسك ومن البيبي الي في بطنك وانا كل يوم هتصل بيكم اطمن عليكم
رباب : ربنا يخليك ليا يارب
وظل يتحدثان لبعض الوقت ومرت الايام وخلال اشهر استطاع ان يجعل الفرع اكبر فرع للشركه واشتري منزل صغير وجهزه وقبل موعد ولادة رباب باسبوع توفاة والدة رباب فعاد عصمت الي مصر لحضور الجنازه وبعد ان انتهت الجنازه شعرت رباب بالتعب وذهبو بها الي المستشفي ووضعت ولد وبعد ان خرجت من غرفة الولاده وبدأت تفيق كان عصمت يجلس بجوارها وينظر لها بحب
وكانت والدته واخته يجلسون بجواره
عصمت بحب : حمد الله علي السلامه يا ام شادي
رباب ببسمه ممزوجه بالم : الله يبارك فيك يا ابو شادي
عصمت بحب : ربنا يتم شفاكي علي خير الدكتور قال ساعتين كده ونروح
رباب ببكاء : كان نفسي ماما تكون معيا في اليوم ده 'فاقتربت منها مامة عصمت وربطت علي كتفها
وقالت : الله يرحمها يا حبيبتي وكلنا معاكي ومش هنسبيك وعمك قاعد مع باباكي مش هيسبوه وربنا يصبرك يا حبيبتي علي فراقها
مسح عصمت دموعها بيده وقبلها في جبينها وقال : كفايا عايط بقا كلنا معاكي ومش هنسيبك اهدي كده عشان ما تتعبيش وانت لسه والده
هدأت قليلا وتوقفت عن البكاء' واحضر عصمت لها الطفل لتراه' فنظرت له بابتسامه وتحاملت علي نفسها وجلست لتحمله ولكنها لم تستطع بسب البنج
عصمت : استريحي ولما تفوقي هتشليه لما تزهقي منه وهحطته جمبك وانت نايمه
فوضعه عصمت بجوارها وامسكته بيديها واحتضنته وقبلته 'حاول الجميع التخفيف عنها ببعض الكلمات حتي عادت الي شقتها ' كان عصمت يحاول ان يخفف عنها لكن دون جدوي مر اسبوعين وكانت حالتها الصحيه قد تحسنت بعد الولاده وبدأت تذهب لوالدها لترعاه 'فكانت والدة عصمت ترسل الخادمه له لاعداد الطعام له وترتيب المنزل وبعد مرور شهر علي الولاده وقل حزنها علي والدتها كان علي عصمت السفر الي البرازيل وقد تاخر كثير فتكلم مع رباب
عصمت : رباب انا لازم اسافر خلال يومين والا الدنيا هتبوظ والشغل هيقف
رباب : خلاص سافر انت وانا هفضل هنا مش هينفع اسيب بابا دلوقتي
عصمت بضيق : رباب انا تعبان هناك من غيرك وكنت مستني كل ده عشان نسافر سوي
رباب باحراج : بس مش هينفع اسيب بابا دلوقتي مين هيرعايه ويعملو حاجته
عصمت : هوصي ماما تخلي ام احسن تروح تعملو كل حاجه ' وهيا وبابا هيكون معاه ومش هيسبوه
رباب : مش هينفع سافر انت دلوقتي وانا هحاول اظبط اموري واجيلك
عصمت بضيق : ماشي هسافر وهجيلك بعد ثلاث شهور تكوني ظبتي كل حاجه ماشي
رباب بابتسامه : ماشي يا حبيبي ونور عيني كمان
وخلال ايام سافر عصمت وبعد ثلاث اشهر طلب من رباب الاستعداد لياتي لياخذها فماطلت وظلت تماطل حتي مرا شهران اخران حتي نفذ صبر عصمت واتي اليها مصر وفوجئت به امامها
رباب بارتباك : حمد الله علي السلامه ايه المفجأه دي
عصمت بضيق : ما انا كل ما اكلمك تاجلي قولت اجي عشان اخلص الموضوع
رباب بفرح مصطنع : طب تعالي ارتاح من السفر وبعدين نقعد نتكلم
عصمت بنفاذ صبر : ماشي نرتاح وبعدين نتكلم ومر اليوم وهيا تتهرب من الكلام في الامر حتي امسكها عصمت من ذراعيها وهو ينظر لها ويقول في حده : رباب مش هتفضلي تهربي من الكلام المره دي يا يتيجي معيا يا اما كل واحد يشوف حاله
رباب بصدمه : يعني ايه كل واحد يشوف حاله
تركها عصمت وقال بعصبيه : قولت لك محتجلك معيا هناك تعبان ومش قادر اصبر اكتر من كده عايزه اقولك ايه تاني
ابتلعت رباب ريقها وقالت بارتباك : مش هينفع اسيب بابا لوحده ولا عايزه يتجوز
عصمت بغضب : وايه يعني لما يتجوز ما ده حقه
رباب بغضب : لاء مش حقه يعني ايه يتجوز بعد ماما لاء طبعا
عصمت بغضب : يعني انت هتخربي بيتك عشان ابوكي ما يتجوزسش
رباب : ايه المشكله لما تصبر شويه كمان
عصمت بنفاذ صبر : خلاص جبت اخري يا اما تيجي معيا يا اما كل واحد يروح لحاله
تنهدت رباب وقالت بالم : يبقي خلاص كل واحد يروح لحاله
نظر اليها عصمت بغضب وقال بالم : وهانت عليكي العشره بالبصاطه دي
رباب بحزن وهيا تبكي : مدام هانت عليك يبقي تهون عليا
عصمت بالم : انا باقي عليكي وبقولك محتجلك تعبان عايزك معيا وانت تقولي هنتي عليا اقول ايه تاني عشان تفهمي
مسحت رباب دموعها وقالت : انا مش هسافر وده اخر كلام عندي
عصمت وهو يهز راسه في غضب : ماشي ماشي يبقي ده قرارك خلاص هكلم ابوكي واخلص معاه
رباب بحزم : الكلام معيا ملكش دعوه بابويا ماشي
اغمض عصمت عينيه واخذ نفس عميق وسكت قليلا ليهدأ ثم قال وهو يجز علي اسنانه : اسمعي انا مش عايز ابني يتربي في جو مشحون وان كان ده قرارك انا هنفذو وكل شهر هيجلك الي يكفيكي انت وابني والشقه دي بتاعت شادي عشان ما تحتجيش لحد وكل ما اجي مصر هشوفو ومدام ده اختيارك انا مش هجبرك تعيشي معيا وتركها ودخل غرفة المكتب جلس بها وحده وهو حزين
وقفت رباب في مكانها للحظات حزينه ثم دخلت غرفتها وانفجرت في البكاء وهيا تتذكر كل الذكريات الجميله وتلوم نفسها علي ما فعلت