قلوب تحترق
الحلقه العاشره
بعد مرور عشرين عام
في الصباح كان يجلس عصمت علي الطاوله ينتظر ابناؤه لتناول الافطار معهم دخلت نانا وقد اصبحت شابه يافعه شديدة الجمال ممشوقة القوام قبلته وجلست علي احد المقاعد بجواره
عصمت بسعاده : صباح الخير علي احلي بنت في الكون
نانا بسعاده : صباح الخير علي احلي اب وحشتني قوي انت واخواتي وكان نفسي اسهر معاكم امبارح بس مقدرتش تعبت جدا في الطياره وعشان كده نمت بدري
عصمت بحنان :الف سلامه عليكي حبيبتي انما ايه الي اخرك عليا المره دي يعني كده كل الفتره دي متجيش تشوفيني
نانا باسف : معلش يا بابا يا حبيبي كنت عايزه اخلص المجستير والدكتوراه بسرعه عشان ابدأ مشروعي
عصمت بسعاده : يعني ناويه تبقي سيدة اعمال وناويه تشتغلي هنا ولا في اليونان
نانا بحماس : في مصر
عصمت بابتسامه حزينه : مصر ياه وحشتني قوي من ساعت وفات ماما وبابا مروحتش هناك وسبحان الله ماته في اسبوع واحد
نانا بتأثر : الله يرحمهم كنت بحبهم قوي وزعلت لما ماتو من غير ما اشوفهم
عصمت بحزن : ما هي امي ماتت الاول وروحت حضرت دفنتها وقبل ما يخلص اسبوع كان بابا محصلها ومن وقتها مروحتش وعمري ما انسي لهم فضلهم في جوازي من نهال‘ ونعم الزوجه ربنا عوضني بيها عن كل الي شوفتو مع صافي
نانا بحزن : صحيح يا بابا ماعرفتش حاجه عن بنتك منها
عصمت بحزن : من بعد ما اتصلت بوالدتها وقولتلها اني عرفت بالي عملتو بنتها واني طلقتها لاني مقبلش انها تخلعني ‘ولقيت امها اتفجأت من موضوع الخلع ده‘ وعرفت منها انها مشيت وسابتهم‘ لما امها رفضت تدخلها لابوها عشان تزوره وهو عيان‘ وهيا اختفت تماما ومحدش يعرف عنها حاجه وخليت اعمامك يدورو ويسألو عشان يعرفو حاجه عن بنتي الي كانت في بطنها لكن من غير فايده ياست ومحولتش ادور عليها تاني
نانا بالم : متزعلش انا لما اروح مصر هدور عليها ومن اسم مامتها اكيد هوصل لها وان شاء الله اجبهالك
عصمت بابتسامه : ربنا يعينك يا بنتي ومادومتي هتروحي مصر يبقي عمك مراد جوز عمتك هايسعدك هتصل بيه واتفق معاه يجهزلك شقه للسكن وانت ابقي قوليله علي مشروعك وهو هايسعدك فيه
قامت نانا وقبلته واحتضنته في حنان وقالت بحب : ربنا يخليك ليا يا احسن اب في الدنيا ثم عادت الي مقعدها
نانا بابتسامه : امال فين طنط نهال
عصمت بابتسامه : ما انت عارفه نهال بتحب تعمل الاكل باديها بتحضر الفطار ومش هتيجي الا لما تخلصو
نانا بضحكه : هقولك سر بس متقلهوش لماما
عصمت بضحك : قولي ماتخفيش
نانا وهيا تنظر يمنا وشملا : انا بحب اكل طنط نهال جدا وبصراحه هو احلي من اكل ماما
عصمت بضحك : وانا كمان بحب اكلها وبصراحه هو فعلا احلي من اكل مامتك ومتخفيش مش هقول لحد
نانا بهزار : بصراحه كنت زعلانه من ماما جدا لما طلبت منها انها ترجعلك وهيا رفضت تسيب شغلها هناك علي رغم اني لما عرضت عليك وافقت وانا كنت خايفه لحسن انت الي ترفض بس بعد ما دوقت اكل طنط حمدت ربنا كان هيفوتني كتير
عصمت بضحك : اتعلمتي البكش ده فين
نانا بدلع : انا بكاشه
عصمت وهو بضحك : ده انت البكش كله حبيبة بابا وروح بابا وقبلها في خدها
نانا بسعاده : ربنا يخليك ليا يارب ونظرت في ارجاء المكان وكانها تبحث عن احد وقالت : امال فين ماجد وياسر مش شايفهم
عصمت بابتسامه : لما تيجي طنط نهال اساليها هيا الي عارفه‘ ثم نظر امامه وقال وهو يشير عليها : اهي جات اسأليها برحتك
فاتت ووضعت بعض الطعام وجلست بجوار عصمت من الجه الاخري
نانا بسعاده : صباح الخير ياطنط
نهال بسعاده : صباح الورد والفل علي عيون القمر
نانا بسعاده : امال فين ماجد وياسر مش باينين ليه هما لسه نايمين
نهال : نايمين ايه دول بيعملو تمارين صباحيه قايل لهم عليها المدرب ما هما عايزين يبقو لاعبين كوره
نانا بابتسامه : ان شاء الله هيبقو احسن لعيبه في العالم كله بس هما هايتاخرو كنت عايزه نخرج مع بعض انهارده
نهال بابتسامه : لاء مش هيتأخرو هما عاملين حسابهم انهم يتفسحو معاكي
عصمت بابتسامه : انت هتقعدي معنا كام يوم
نانا بابتسامه : هقعود اسبوع واسافر علي مصر عشان ابدأ شغل
عصمت بابتسامه : خلاص هقول لهم يفضلو معاكي الاسبوع ده كله نقضيه فسح مع بعض وكمان أكون كلمت عمك مراد واتفقت معاه يجهزلك كل حاجه
نانا بسعاده : خلاص يا حبيب قلبي‘ وقبلته
دخلا ماجد وياسر من الباب كانا في الخامسه عشر من عمرهم فهم توأم ومتشابهان جدا ويشبهان عصمت كثيرا
ماجد بسعاده : صباح الورد والفل علي احلي البنات كلهم
نانا بسعادة : صباح النشاط والرياضه علي احلي لعيبة كوره في العالم
ياسر بابتسامه : صباح الخير عليكو جميعا هنطلع ناخد شاور وننزل نفطر معاكو ‘
نانا بسعاده : هنستناكو ما تتاخروش ونظرت لنهال : اعملي حسابك يا طنط هتيجي معنا واحنا بنتفسح
نهال بضحك : فسح ايه انا هقعد اعمل لكم حبة اكل من الي بتحبيه
نانا بزعل : لاء طبعا اكل ايه احنا هنروح نتفسح سوي تلاقي بابا ماخرجيش من زمان
نهال بعتاب : حرام عليكي تظلمي عصمت ده مفيش راجل بيفسح مرته قد عصمت
نانا بمزاح وهيا تغمز لها: بيفسحك بس يا طنط
نهال بسعاده : بيفسحني ويدلعني انا مشوفتش راجل احن منه علي رغم اني كنت خايفه منه في الاول لحسن يعاملني وحش بسبب الي عملتو صافي بس لقيته حنين وطيب وعمره ما حسسني اني في غربه كان لي الاب والام والاخ والحبيب والصاحب وكل حاجه في الدنيا لو لفيت الدنيا مش هلاقي راجل زيه
عصمت بابتسامه : ده بس عشان انت طيبه وجميله وربنا عوضني بيكي عن كل الي شوفتو
نانا بغيره مصطنعه : احم احم انا هنا انتو هتقلبو جو غرامي وانا قاعده
عصمت بمزاح : غرمية ايه يا شقيه انت
نهال وهيا تقوم من مكانها : هدخل اجيب باقي الاكل علي ما العيال ينزلو
قامت نانا وقالت : وانا كمان هاجي اساعدك
دخلا معا يحضرا الطعام واتصل عصمت بمراد
عصمت : اذيك يا مراد اخباركم ايه
مراد : الحمد لله بخير ‘فيه حاجه جديده بخصوص الشغل
عصمت : لاء‘ بس نانا بنتي جايه مصر تعمل شركه وتشتغل عندكم ‘عايزك تقف معاها وتجهز لها شقه جمبكم‘ وتخلي سعاد ترعيها
مراد: لو سعاد سمعتك هتزعل منك ‘دي بنت اخوها يعني بنتها ‘متقلقش عليها هي معنا يعني في امان
عصمت : انا مطمن عليها اكيد ‘بس قولت اقولك تجهز لها الشقه ‘عشان لما تيجي لكم تكون كل حاجه جاهزه
مراد : اعتبر الموضوع خلص خلاص
شكره عصمت وانهي المكالمه ‘ احضرت نانا ونهال الطعام ونزل ماجد وياسر وتناولو الافطار معا وامضو الاسبوع كله معا واوصلها عصمت للمطار وطلب من مراد انتظارها في مطار القاهره ‘وبعد عدة ساعات وصلت مطار القاهره وبعد ان انهت الاجرأت وجدت عمتها سعاد وزوجها مراد ينتظرانها في المطار احتضنتها عمتها بحب وحنان : حمد الله علي السلامه يا نانا وحشتيني قوي
نانا بسعاده : وانت كمان وحشتيني جدا يا عمتو
من زمان قوي مشتفتكيش
سعاد بعتاب : ما انت من ساعت ما مشيتي ما جتيش تاني
نانا بحزن وامتلأت عينيها بالدموع: بعد ما مات جدو وتيتا مقدرتش اجي تاني ‘فاحتضنتها عمتها وامتلأت عينيها بالدموع وقالت في حزن : هيا فعلا الدنيا بعدهم ملهاش طعم بس انت وحشتيني قوي
مراد بتاثر : متقلبوهاش نكد ربنا يرحمهم ويتقبلهم في الصالحين ويلا بينا عشان مازن مستنينا بره
سعاد وهي تمسح دموعها : عندك حق يلا بينا
وتحركو جميعا ركبو السياره‘ كانت تنتظرهم ركب مراد بجانب مازن ‘وركبت سعاد ونانا في الخلف
سعاد : ده مازن ابني مهندس ديكور وبيشتغل مع عمك مراد في الشركه
نانا بابتسامه : اهلا بيك يا مازن
مازن بابتسامه : اهلا بيكي يا نانا نورت مصر
مراد بسعاده : مازن هو الي عملك ديكورات شقتك الي جبتهالك معنا في العماره ومتخفيش احنا ساكنين في منطقه راقيه وهتعجبك
سعاد بحب : وكمان عشان تبقي جمبنا ونكون مطمنين عليكي
نانا بسعاده : اكيد طبعا عمتو وكمان عشان عمو مراد يشوفلي حد من الشركه عنده يعملي دراسه جدوي لمشروعي عشان ابدأ علي طول
مراد بسعاده : ده انت جايه سخنه قوي دراسة الجدوي بتاخد وقت استريحيلك يومين واتفسحي في مصر وزوري عمامك وبعد كده تبدأ شغل
نانا بحماس : اوك ماشي بس مش يومين اسبوع عشان عايزه اسافر اشوف شادي هو كمان
مراد : بامر الله‘ وصلنا مازن خلي البواب يطلع الشنط ويلا احنا بينا عشان نفرجك علي الشقه
وصعدو معا وفتحت لها سعاد باب الشقه ودخلو معا
نانا بابنبهار : واو الديكور رائع واضح ان مازن مهندس شاطر وكده هو الي هيعملي ديكور شركتي
مراد بابتسامه : انت ناويه علي شركة ايه
نانا بحماس : شركة انتاج سينمائي
مراد بتعجب : انت كده بعدتي خالص عن شغلنا
نانا بمزاح : انا مالي انا ومال شغلكم ده مشروعي انا
سعاد بسعاده : ربنا يوفقك يا حبيبتي يلا ادخلي غيري وهنستناكي عشان نتغدي سوي
نانا بسعاده : اوك هاخد شاور واغير واحصلكم
سعاد بابتسامه : احنا الشقه الي جمبك الباب الي جمب الباب
وتركوها وذهبو الي شقتهم ودخلت هيا تضع ملابسها وتفزغ حقائبها وبعد ان افرغت الحاقائب
اخذت حمام وغيرت ملابسها وذهبت الي شقة عمتها رنت الجرس فتحت لها العامله واخبرتها انهم ينتظروها علي الطعام فدخلت لهم
وجلست علي الكرسي المجاور لعمتها ‘وبدأو تناول الطعام
سعاد : اتاخرتي ليه كده
نانا بابتسامه : معلش قولت افضي الشنط واحط حجاتي ‘ممكن رقم شادي عشان اكلمو واروح ازوره
سعاد بابتسامه : وماله حبيبتي بعد الاكل اديهالك
نانا بسعاده: ممكن يا عمو مراد تجبلي عربيه بسواق توديني وتفضل معيا هناك عشان هقعد معاه كام يوم اتفسح واحاول اوصل لبنت صافي
تنهدت سعاد وقالت بالم : منها لله ربنا يعينك وتوصلي ليها
نانا بامل : ان شاء الله
وبعد ان انتهو من تناول الطعام اخذت نانا رقم شادي واتصلت به
نانا بسعاده : الو شادي عصمت الناجي معيا
شادي : ايوه يا فندم مين معيا
نانا بفرح : انا نانا ازيك يا شادي وحشني جدا
شادي بفرح : اذيك انتي وحشاني من زمان ماكلمتنيش
نانا بزعل : انت الي غيرت رقمك وفقلت الفيس بتاعك ومعرفتش حاجه عنك من وقتها
شادي : معلش ما تزعليش التليفون كان ضاع وكل حاجه كانت عليه
نانا بسعاده : ولا يهمك خلاص عايزك تفضيلي نفسك يومين هجيلك إسكندريه نتفسح شويه
شادي بفرح : بجد يومين ثلاثه انت تأمر يا قمر
نانا بسعاده : خلاص هريح بكره من المشوار واجيلك بعد بكره
شادي بفرح : خلاص اتفقنا هفضي نفسي ليكي ان شاء الله
نظرت نانا لمازن وقالت : وانت يا مازن ممكن تكون المرشد بتاعي خلال اليومين دول
مازن بسعاده :اكيد طبعا هو انا اطول ابقا مرشد للقمر ده
نانا بمزاح :عمتو مازن بيعاكسني يا عمتو
سعاد بضحك :ان مكنش يعاكس بنت خالو امال يعاكس مين
نانا بدلع :يعني كده ياعمتو ولا صحيح في مثل عندكو بيقول مين يشهد للعروسه ‘ فضحكو جميعا واكملت :مازن زي اخويا ويعاكس زي ما هو عايز بس يعملي برنامج فسح حلو كده وطبعا ما ينساش زيارة اعمامي
مازن بضحك :خلاص يا ستي من عيني احلي برنامج لاحلي بنت خال ‘واوديكي عندك اعمامك كلهم كمان يا ستي
أنت تقرأ
قلوب تحترق
Contoالمقدمه هناك قلوب تشتعل بالانانية وقلوب تشتعل بالطمع وقلوب تحرقها الغيرة ولكن عندما يعاني قلب من كل هذا فهل يبقي بقلب نقي ام يقم بدوره باشعال قلوب اقرب الناس اليه ويتركهم يدفعون ثمن اخطاء ماضيه ولا يبقي لديهم سوي قلوب تحترق كل انسان يبحث عن السعاد...
