قلوب تحترق

الحلقه السادسه عشر

قلوب تحترق
الحلقه السادسه عشر
جلست نانا ‘بعد ان ذهب بدر غاضبه جدا ‘ تفكرنث في كل ما حدث ‘
نانا بغضب في نفسها : هو اللي اسمه بدر ده عايز مني ايه ‘ ماله ومالي ‘وليه كلامه بيحرك مشاعري ‘وليه بحس اني ضعيفه قدامه ‘لازم ابعد عنه ‘عشان ماضعفش لازم اكون قويه ‘ ثم ابتسمت وسرحت في كلماته‘ ونظراته ‘وجرأته في الاقتراب منها ‘اخذت نفس عميق ‘واغمضت عينيها ‘واراحت ظهرها علي الكرسي ‘وبقيت علي هذه الحاله لبعض الوقت ‘ حتي رنت ماهي جرس الدكتافون ‘ففتحت عينيها وردت عليها
نانا : ايوم يا ماهي ‘ في حاجه ؟
ماهي : في معاد لحضرتك ‘مع احد المخرجين بعد عشر دقائق ‘ اجيب لحضرتك الاوراق والعقود ؟
نانا : اه ماشي ‘ هاتي الاوراق واندهي مدير الشؤن القانوينه عشان يحضر معنا اللقاء
اخذت نانا نفس عيق وقالت لنفسها : لازم اهدي واركز في شغلي ‘وان كان لازم التعامل مع بدر ده ‘يبقي في حدود الشغل وبس ‘ثم رنت الديكتافون
نانا : ماهي بلغي كل المديرين ان في اجتماع بعد ساعه
ماهي : حاضر يافندم
وبعد الموعد حضر المدرين ‘وجلسو في المكتب
نانا : انتو طبعا عارفين اني قبل ما ابدأ اي حاجه جديده ‘بحب اخد راي الجميع ‘وعشان كده جمعتكم النهارده ‘
مدير الشؤن القانويه : اتفضلي قولي واحنا مع حضرتك
نانا : انتو طبعا عارفين بموضوع الاجهزه الجديده اللي عايزه اجبها ‘وفي منكم ابدي اعتراضه عليها
احد المدرين : حصل يافندم ‘واحنا لسه عندنا تحفظات عليها
نانا : طيب ‘مدير الشركه اللي هتستوردها لنا ‘بيعرض علينا انه يشاركنا في المشروع ده فايه رايكم
مدير الماليه : فكره كويسه جدا وبكده لو كان فيه خساره تبقي محتمله .
نانا : طيب ده راي الجميع .
الجميع معا : ايوه .
نانا : طب خلاص ‘يبقي مدير الشؤن القانويه يحضر لنا العقود اللي تضمن حقنا ‘ وتضمن حقه وانا هتصل بيه واتفق معاه ‘وبكره ان شاء الله نمضي العقود ‘خلاص الاجتماع انتهي
ذهب كل واحد منهم الي عمله ‘رنت نانا الدكتافون
نانا : ماهي اتصلي باستاذ بدر‘ وحددي معاه معاد بكره ‘عشان نمضي العقد مع بعض .
ماهي : اديلو معاد الساعه كام .
نانا : الساعه حداشر الظهر بكره .
ماهي : حاضر يافندم .
اكملت نانا يومها كالعاده ‘وعادت الي منزلها كانت تحاول ان تشغل نفسها باي شئ‘ كي لا تفكر بكلمات بدر ‘فكان لديها اجهزه اللعاب رياضيه ظلت تلعب عليهم ‘حتي تعبت ونامت وفي صباح اليوم التالي استيقظت من نومها واخذت حمامها ‘وذهبت الي الشركه ‘دخلت مكتبها ‘ودخلت خلفها ماهي
ماهي : جايبه لحضرتك العقود جهزها مدير الشؤن القانونيه
وضعت الورق علي المكتب وخرجت ‘اخذت نانا الورق وقرأته ‘وجلست تفكر في كل ما حدث في حياتها
نانا في عقلها : هو فعلا الحب وحش زي ما انا شيفاه ‘ولا انا غلطانه بس امي بتتعذب ‘بس هي اللي اختارت وسابت بابا ‘حتي شادي وليلي بعد اللي حصل معاهم‘ عايشين سعداء وربنا رزقهم بطفل جميل ‘ وبابا نفسه عايش سعيد مع طنط نهال ‘ كل مكان موجود فيه الحب اهله سعدا
تنهدت نانا وقالت : مش عارفه ‘وامسكت راسها بيديها.... واكملت : راسي هتنفجر من التفكير ‘خايفه احب واتعذب زي امي ‘وخايفه اكون انا غلطانه واخسر حب حقيقي ‘ .....وسكتت قليلا.
نانا بنظرت اصرار : هو ده لوحب حقيقي ‘عمري ما هفرط فيه ‘انما لو كداب يبقا هو اللي جنا علي نفسه  .
مر الوقت وجاء بدر حسب الموعد ‘دق الباب ودخل
بدر بابتسامه : صباح الخير ‘جاي في معادي مظبوط
نانا بابتسامه : اتفضل اقعد ‘احب الناس اللي موعدها مظبوطه
نظر بدر بسعاده لنانا فهي لاول مره تقابله بابتسامه وتكلمه بلطف
بدر بسعاده : انما يظهر حظي حلو النهارده ‘مبتسمه وبتكلميني برقه .
نانا : كل الموضوع اننا هنشتغل سوي ‘فماينفعش نتعامل باسلوب وحش  .
بدر بسعاده : حتي لو كان ده بردو شئ جميل وانت سعيد بيه جدا.
نانا : اتفضل شوف العقود ‘وقدمتها له
اخذ بدر العقود وفحصها جيدا
بدر باعجاب : عقد جميل يضمن حقوقك ‘وحقوقي شئ نادر لما حد يعمل كده
نانا : حب لاخيك ما تحب لنفسك ‘ده مبدائي في التعامل مع الاخرين. .
بدر باعجاب : ده معناه انك مش بس جميله الشكل ‘لاء ده انت كمان جميلة الروح.
وكان ينظر الي عينيها ‘ظل ينظر لهم للحظات
نانا : طب ايه هتمضي العقود ولا هتفضل تبص لي كده.
تنهد بدر : همضي عليهم ‘واخذ العقود ومضاها ‘وقدمها لنانا ‘ اخذتها نانا ومضتها واعطته نسخه واخذت لها نسخه ‘ورنت الدكتافون
نانا : ماهي خالي عم حسن يجيب اثنين عصير فرش
ماهي : حاضر يافندم
بدر بمزاح : لاء كده فعلا بقي انا محظوظ النهارده
فضحكت نانا : دي حاجه بسيطه بمناسبة كتابة العقد
دق الباب دخل الساعي ومعه العصير
نانا : حط السنيه علي قدام استاذ بدر يا عم حسن
عم حسن : مبروك كتابة العقد يا انسه نانا
نانا :الله يبارك فيك يا عم حسن
وضع السنيه علي الطاوله الصغيره امام بدر وخرج ‘قامت نانا وجلست في الكرسي المقابل ل بدر
نانا : اتفضل العصير ‘ مد بدر يده واخذ كوب العصير
بدر : شكرا لزوقك
نانا : الشكر لله ‘ شوف المندوب اللي هتبعته عشان يتابع الشغل هنا ‘ وقولي هيجي امتي عشان نجهزله مكتب يشتغل فيه
بدر : ماشي بس ممكن اختار انا المكتب
نانا : اكيد مفيش اي مشكله
بدر : اختار اقعد معاكي في مكتبك هنا ‘وكان ينظر الي عينيها
نانا وهي تهرب من نظراته : هو انت اللي هتيجي تتابع بنفسك
بدر : اكيد طبعا ‘ وعايز اشركك مكتبك ‘يعني بدل ما نكلفك تجهيز مكتب جديد .
نانا باحراج : بس ده مكتب مديرة الشركه ‘وبعدين ما بحبش حد يشاركني في مكتبي .
بدر وهوينظر الي عينيها : بس انا بحب المكتب ده جدا ‘ونفسي افضل فيه علي طول
وظل ينظر لها للحظات ‘حتي قاطعته نانا
نانا : اسمع انا مش بحب النظرات دي ‘لو عايز تفضل في المكتب تبطل تبصلي كده
بدر : مقدرش غصب عني ‘عنيك جميله قوي ‘بتوه في جمالهم اعمل ايه
نانا بضيق : ده شرطي عشان اقبل بوجودك هنا في مكتبي
بدر بابتسامه : خلاص امري لله ‘موافق بس ليا طلب عندك
نانا : طلب ايه ؟
بدر : ممكن نبقا اصحاب ؟
نانا : مش بحب يكون ليا اصدقاء رجاله.
بدر بتعجب : ليه يعني ؟
نانا : عشان الرجاله ديما بيعملو حكاية الصداقه دي سلم ‘عشان يوصلو منه لاغراض تانيه  .
بدر بابتسامه : بصراحه عندك حق ‘يعني انا كنت عايز نبقي اصحاب عشان اوصل لقلبك
ونظر الي عينيها بحب ‘فنظرت اليه نانا وتنهدت
نانا : انا مش بأمن بالحب ‘ولا بالصداقه ‘الاثنين ماهم الا خدعه كبيره ‘وانا محبش حد يخدعني. .
بدر : ياه ليه كده ‘الحب اجمل شئ بالوجود ‘والاصدقاء نعمه من نعم ربنا علي الانسان ‘بس عارفه عندك حق في حاجه ‘ الاصحاب فعلا ممكن يكونو بلا لما يكونو صحبه فاسده ‘ والحب لما يكون من غير ضوابط شرعيه بيكون دمار
نانا : طب كويس اتفقنا في راي.
بدر : اه بس انا بقي هثبتلك ان في اصداقاء ممكن يكون عون لبعضهم  .
نانا : ماتتعبش نفسك ‘انا مش ناويه اوجع قلبي ودماغي.
بدر : سلامة قلبك ياقمر ‘ طب ايه رايك تديني فرصه اثبتلك فيها  ‘ممكن اكون صديق وفي ‘وان قدرت اوصل لقلبك اوعدك عمري ما هوجعه ابدا.
نانا : ماشي هديلك فرصه واحده بس ‘ وخلي بالك مش معني اني هقبلك كصديق‘ تفكر تمسك ايدي او تحضني ماشي‘ مش بحب كلام الافلام الهابطه ده .
بدر : بس كده ‘ خلاص اتفقنا ‘بس معلش عندي سؤال هو انت ماكنس لك اصدقاء في اليونان ولا كنتي بتتشرطي عليهم بردو ؟
نانا بابتسامه : لاء كنت باتشرط عليهم بردو ‘ وكنت باختار ديما الاصدقاء البنات عشان اريح دماغي ‘ حتي هما كانو بيقولو عليا غريبة الاطوار.
بدر بضحك : غريبة الاطوار!!
نانا : ايه هتقول عليا انت كمان غريبة الاطوار ؟
بدر باعجاب : بالعكس ده انا شايف ده ميزه فيكي  .
نانا : طيب ماشي ‘ انا ماشيه بقي انت بقيت صاحب مكتب ‘وانا معنديش شغل تاني وهروح بدري
بدر : طب ايه رايك اوديكي مكان عمرك ما روحتيه قبل كده ؟
نانا : مفيش مكان في مصر ماروحتوش قبل كده ؟
بدر : طب ولو وديتك مكان مروحتيهوش قبل كده ؟
نانا : تبقي قدرت تكسب ثقتي.
بدر : وانا قبلت التحدي يلا بينا ‘هوديكي اماكن عمرك ما هتنسيها ابدا طول حياتك  .
خرجا معا وامام باب الشركه وقفا امام السيارات
بدر : سيبي عربيتك واركبي معيا عربيتي ‘واوعدك هوصلك لبيتك
نانا : ماشي موافقه
ركبا معا في سيارة بدر ‘ركبا هو في كرسي القياده وركبت هي الي جواره ‘وتحركت السياره
كانت نانا تفكر ماهو هذا المكان ‘ولاحظ ذلك بدر ولكن تجاهل الامر‘ حتي وصلو امام متجر اللعاب اطفال ‘فاوقف بدر السياره واشار الي نانا
بدر : يلا انزلي ‘هننزل نشتري شويه حجات.
نظرت نانا للمحل بتعجب ‘ونزلت من السياره‘ وذهبت الي جوار بدر
نانا بتعجب : انت عايز تشتري ايه من هنا ؟!
بدر بابتسامه : يعني محل لعب اطفال ‘تفتكري هشتري منه ايه ؟ لعب اطفال طبعا
نظرت له نانا بتعجب فهي لم تفهم
بدر : بصي هنشتري لعب وبعد كده هتفهمي كل حاجه ممكن ندخل بقي .
نانا : ماشي يا يلا ندخل.
دخلا الاثنان الي المحل نظر بدر الي نانا : اختاري كل اللعب اللي بتحبيها .
نظرت نانا بتعجب : كل اللعب ؟
بدر بابتسامه : اه كل اللعب ‘وانا كمان هختار مجموعه من اللعب.
هزت نانا راسها بالموافقه وعدم فهم وبدأت تختار الالعاب
نانا في عقلها : هو فاكر اني طفله هفرح بشوية لعب ! وايه المنظره دي كل اللعب ‘طيب انا هنقي كل اللعب اللي هتعجبني .
وبالفعل ظلت تختار‘ حتي اختارت اغلب اللعب التي في المتجر ‘واختار بدر ايضا مجموعه اخري
بدر ل نانا : خلاص خلصتي ؟
نانا : ايوه خلاص.
بدر موجهآ كلامه لعمال المحل : غلفو كل اللعب دي ‘علي ما نرجع بس بسرعه.
وحاسب عليهم وخرج هو نانا ‘وذهب الي متجر حلويات بجوار متجر الالعاب ‘وقفت نانا امام باب المتجر .
نانا تعجب : انت هتجيب ايه من هنا كمان ؟ !
بدر بابتسامه : هو ما ينفعش تمشي وانت ساكته ؟ هشتري شيكولاته عندك مانع ؟ يلا ادخلي واختاري كل الانواع اللي بتحبيها.
نظرت اليه نانا بتعجب ‘واخذن نفس عميق ودخلت واختارت اغلي انواع الشيكولاته وافضلها
بدر باعجاب: زوقك حلو قوي في الشيكولاته .
نانا بابتسامه بارده : مرسي جدا  .
بدر لعمال المحل : اوزن كيلو من كل نوع اختارته الانسه ‘علي ما اجيب حاجه من المحل اللي جمبك واجي اخذهم
حاسب بدر علي الشيكولاته وخرج هو ونانا من المتجر وذهب الي متجر اللعب
بدر للعمال : ها خلصتو لف اللعب ولا لسه ؟
احد العمال : ايوه يافندم اغلبها خلص
بدر : طب هاتو الي خلصو وتعالو عشان ترصوهم في العربيه
خرج بدر وفتح صندوق السياره‘ وكان صندوق كبير ومجهز لرص الالعاب ‘رص العمال الالعاب المغلفه ‘وكانت الاخري قد تغلفت هيا الاخري فرصوها ايضا ‘واغلق بدر صندوق السياره واعطي كل واحد من العمال مبلغ من المال وعادو الي المتجر وهم يدعون له سعداء بما اعطاهم.
وذهب بدر الي متجر الحلوي ‘ وجدهم قد جهزو له علب الشيكولاته ‘واحضر بعض العمال وجعلهم رصوها له في الكرسي الخلفي للسياره ‘واعطا كل واحد منهم بعض المال ‘وذهبو جميعا وهم سعداء ايضا بما اعطاهم يدعون له ‘ كانت تقف تشاهد ما يحدث وهي متعجبه ولا تفهم اي شئ ‘فاشار لها بدر لتركب السياره ‘فذهبت لتركب من الباب الاخر وكانت شارده الذهن تماما ‘افاقت علي بدر وهو يجذبها نحوه ويحوطها بيديه
نانا بغضب : ايه ده في ايه ؟
واذا بسياره تمر خلفها بسرعه ‘كادت تصيبها لولا ان امسكها بدر ‘فنظرت نانا للاسفل من الخجل
فتركها بدر : اسف مكانش قصدي ‘بس ماكنش ممكن اسيب العربيه تخبطك .
نانا بخجل : انا اللي اسفه كان لازم اركز وانا ماشيه.
وتحركت نانا وركبت السياره ‘وركب بدر ايضا وتحركت السياره ‘كان بدر سعيد فهذه المره الاولي التي يري فيها نانا ووجهها يحمر من الخجل .
بدر باعجاب : تعرفي انك بتبقي جميله قوي وانت مكسوف ؟
نانا بخجل وضيق : معلش نادرا لما بتحصل معيا ‘بس بصراحه انت توهتني. 
بدر : اسف يا قمر ‘ والف سلامه عليكي من التوهان.
تنهدت نانا وادارت وجهها للنافذه ‘لتداري خجلها
ابتسم بدر وكان سعيدا جدا
نانا في عقلها : يا تري ايه المكان ده اللي عمري ماشوفته ‘وعشان يروحه ياخد لعب وشيكولاته ‘ايه الفزوره الغريبه دي ؟ يلا كلها شويه وهفهم
وماهي الا لحظات وتوقفت السياره
بدر : يلا انزلي وصلنا  .
نانا وهي تنظر الي المكان في تعجب : هو ده المكان اللي عمري ما شوفته ؟!