قلوب تحترق

الحلقه الرابعة والعشرون

قلوب تحترق
الحلقه الرابعه والعشرون
في الصباح اتي بدر وتناول معهم الافطار 'واصطحبهم الي المطار امام المطار وقفت نانا تودع والدتها
نانا : مع السلامه يا امي ساشتاق اليكي.
لليان : وانا ايضا ساشتاق اليكي كثيرا 'وساتي لاحضر حفل الزفاف.
نانا : وكما وعدتك سناتي ونقضي شهر العسل معكي.
بدر : مع السلامه 'ولن يتم الزفاف بدونك.
احتضنت نانا والدتها 'وسلم عليها بدر وتركتهم ودخلت المطار 'وركبا بدر ونانا السياره 'كانت نانا متاثره من فراق والدتها فارد بدر ان يمازحها
بدر بمزاح : ايه رايك بدل الزعل اللي انت فيه ده نتجوز بكره ونروح وراها شهر العسل
نانا بابتسامه حزينه : انت بتهرج ' ماما صعبانه عليا بجد 'اول مره احس انها حزينه ووحيده.
بدر : معلش يا حبيبتي دي سنة الحياه 'وبعدين ما انت سيبها من زمان وعيشه هنا في مصر
تنهدت نانا : عندك حق هي اللي اختارت 'واكملت في عقلها : ما هي لو كانت وفقت ورجعت ل بابا كان زمنها قاعده معاه بدل الوحده اللي هي فيها 'وكمان هي متعوده عليها.
بدر بمزاح: ايه روحتي فين 'كده تسرحي وانت معيا.
نانا : كنت بفكر في ماما 'متزعلش بقي.
بدر : طب يلا هوديكي مكان عمرك ما شوفتيه.
نانا بضحك : تاني نفس المكان.
بدر : لاء المره دي مكان تاني 'بس هتحبيه قوي اكتر من الثاني.
نانا : طب يالا وديني المكان الثاني اللي هحبه اكتر.
تحرك بدر بالسياره 'وظل يمزحان طوال الطريق 'حتي وصلا امام العماره التي يسكن بها.
بدر : دي العماره اللي فيها شقتنا اللي هنتجوز فيها 'تحبي نطلع تشوفيها ؟
نانا بتفكير : اكيد انا بثق فيك وهطلع معاك.
سعد بدر جدا بكلامه ونزل من السياره ونزلت هي ايضا ' ركبا المصعد 'وصعد الي الشقه في الطابق الرابع 'فتح بدر باب الشقه
بدر بسعاده : اتفضلي جنتنا.
دخلت نانا وبدأت تنظر الي الشقه والي ديكورتها
نانا باعجاب : الشقه جميله وواضح ان الديكورات جميله قوي 'انت لسه مجددها ؟
بدر : لاء ماما الله يرحمها 'هي اللي جددتها قبل وفتها بفتره 'لو في اي ديكورات عايزه تغيرها معنديش اي مانع.
نانا : انا بقي عندي مانع 'مش ممكن اغير حاجه مامتك عملتها بحب.
بدر بتعجب: وانت عرفتي منين ؟!
نانا : عشان جميله قوي 'ولما الواحد يعمل حاجه بحب 'بتبقي جميله قوي.
بدر : طب يلا افرجك عليها كلها
دخلا معا 'وبعد شاهدت الشقه كلها
بدر : نبقي نروح معرض ننقي اوضة نوم جديده.
نانا : ماشي الوقت اللي انت عايزه نروح 'ما احنا هنبقي مع بعض ديما.
بدر : ايه خلاص هتحني عليا وتحددي معاد الفرح ؟
نانا : انا بتكلم علي الشغل 'عشان هتبدأ من بكره تعلمني نظام الشغل بتاعك.
بدر : اه الشغل 'طب سيبك من الشغل وتعالي افرجك علي التراس هيعجبك جدا
امسك يدها واخذها ناحية الشرفه
بدر : ايه رايك فيه ؟
نانا باعجاب : جميل قوي ونقدر نقعد فيها الصبح نفطر كل يوم في الهوا بتاع ربنا 'ومنظر النيل تحفه.
بدر : طب تعالي بقي ندخل جوا هوريكي حاجه جميله في الصاله.
امسك يدها وخرجا معا 'وقفت في البهو تنظر يمينا وشمالا
نانا بتعجب : هتوريني ايه 'انا مش شايفه حاجه غريبه ؟
حوطها بدر بذراعيه ونظر الي عنيها وهمس في اذنها
بدر بهمس : هقولك الحاجه اللي كان نفسي اقولهالك هناك واخوكي قاطعنا.
نانا بهمس: بس انا عارفها.
بدر بهمس : بجد بس انا بردو عايز اقولها.
فرن هاتف نانا 'وكانت تمسكه في يدها 'فنظرت لتري من المتصل
بدر بضيق : مين الي بيرن ؟
نانا بضحك : شادي.
بدر بضحك : هو اخوكي مستقصدني ولا ايه.
ردت عليه نانا
شادي : السلام عليكم 'ازي عروستنا الحلوه ؟
نانا بابتسامه : الحمد لله ازيك انت ومراتك وابنك؟
شادي : الحمد لله كلنا بخير 'انا متصل بيكي في شغل.
نانا : شغل ايه ؟
شادي : عايزكم تستوردولي شوية حجات.
نانا : اوك تمام 'تعالي الشركه ونتفق.
شادي : طب يناسب معاكي بعد بكره ؟
نانا : يناسب تمام 'بدر هيبدأ يعلمني كل حاجه من بكره
شادي : ان شاء الله 'وانا عارف اختي شاطره وهتتعلم بسرعه.
نانا : اكيد طبعا انت عندك شك ؟
شادي بمزاح : بطلي غرور بقي 'واسيبك بقي عشان عندي شغل.
بدر : هو عايزك في شغل ؟
نانا : ايوه اعمل حسابك هيجي بعد بكره 'تكون موجود عشان انت اللي فاهم في الشغل ده.
بدر : اكيد ان شاء الله.
وظل بدر ونانا يتحدثان لبعض الوقت 'وخرجا تناولا الغداء في احدالمطاعم 'واصلها لمنزلها
وفي صباح اليوم التالي 'مر عليها واخذها معه وذهبو الي شركتها 'ودخلو المكتب 'جلست نانا علي كرسي المكتب واحضر بدر كرسي وجلس بجوارها
بدر : عشان ابقي قريب منك .
نانا : يلا بقي عايز اتعلم كل حاجه.
بدر : بصي يا ستي 'عشان الشغل ما يوقفش هنكون هنا شويه وفي شركتي شويه .
نانا : ماشي وانا موفقه
وبدأ بالفعل تدريبها 'واجادت كل شئ في فتره بسيطه ' وبعد مرور شهرين 'كانا يجلسان في مكتب نانا
نانا بضيق : بدر انا مش مبسوطه من الشغل ده.
بدر : متضيقه ازي ؟ نوعية الشغل ولا حساه مرهق ؟
نانا : لاء مش مرهق 'بس مش حاسه فيه باستمتاع 'حساه ممل وخيق.
بدر : خلاص ايه رايك تسبيه ؟
نانا : بفكر في كده' بس اغير النشاط لايه ؟
بدر : وتغيري النشاط ليه اصلا ؟ سبيه واقعدي في البيت.
نانا : انت بتهرج وانا وبتكلم جد.
بدر : بس انا بتكلم جد 'انا نفسي نخلف عيال كتير 'وده مع الشغل هيبقي مرهق جدا.
نانا : لما اشتكيلك ابقي قولي اقعدي في البيت.
حوطها بدر بذراعيه' وضمها لصدره بحنان.
بدر بحب : وليه استني لما حبيبة قلبي تشتكي 'انا عايز احميكي حتي من الشكوه 'وقبلها في خدها.
نانا : انت بردو بتهرج وانا متضيقه بجد.
فاحتضنها بحب : انا بحلم باليوم اللي نكون فيه مع بعض 'ويكون معنا اولادنا بيلعبو حولينا 'ونكون سعدا ومبسوطين.
نانا : وانا كمان 'بس دلوقتي انا بتكلم علي الشغل 'ممكن تركز معايا شويه ؟
تركها بدر وجلس علي كرسيه 'وجلست هي ايضا
بدر : انت بتفكري تعملي نشاط ايه ؟
نانا : بفكر ارجع للسينما تاني.
رن هاتف نانا 'فامسكته فوجدته رقم دولي 'فردت
نانا : الو من معي ؟
الهاتف : نحن من المهرجان' الفيلم الذي دخلتم به نجح واخذ الجائزه الثانيه 'وعليكم الحضور لاستلام الجائزه 'بعد خمس ايام .
نانا : سنحضر في الموعد شكرا.
نانا وهي تقفز من الفرحه : الفيلم نجح واخد المركز الثاني 'انا بحبك قوي انت سبب الفوز ده.
قام بدر واحتضنها بسعاده : الف مبروك ياحبيبتي تستحقيها.
نانا بسعاده : طبعا هتيجي معيا الحفله.
بدر بابتسامه : اكيد طبعا امال اسيبك لوحدك .
نانا بسعاده : ياه كده اتحلت' ارجع تاني للانتاج السينمائي 'الحمد لله شكرا ليك يا حبيبي.
تركها بدر واخذ نفس عميق : بس انا مش هوافق انك ترجعي تاني للانتاج .
نانا بضبق : يعني ايه مش هتوافق 'ده شغلي وانت ملكش انك تتدخل فيه.
بدر بضيق : انت مراتي 'ومن حقي ارفض رجوعك للمجال ده.
نانا بضيق : مرتك مش جريتك 'عشان تتحكم فيا.
بدر : نانا حبيبتي انا مش بتحكم فيكي 'انا خايف عليكي 'انت تعبتي المره اللي فاتت لما خسرتي ' وانا مش مستعد اسيبك تتعبي تاني.
نانا : انت عارف كويس اني متعبتش بسبب الشغل 'وكمان ده حلمي وخلاص هيتحقق.
بدر بضيق : انا مش هستحمل دخولك المجال ده تاني.
نانا : انت مش كنت شريك معيا فيه ايه اللي جد ؟
بدر : انا بحبك وبغير عليكي 'والمجال ده مش محترم 'وكمان انت عارفه اني دخلت معاكي عشانك انت.
نانا : بدر ده المجال اللي بحبه 'ونفسي انجح فيه.
بدر : وبالجايزه دي نجحتي فيه 'يبقي خلاص انسيه بقي.
نانا باصرار : مش هنسي يا بدر 'وانا هرجع للانتاج تاني.
بدر : حتي لو قولتلك ممكن تخسريني.
نانا بصدمه : يعني ايه مش فاهمه ؟
بدر بحسم : انا موافق تشتغلي الشغل اللي يعجبك 'الا الرجوع للانتاج السينمائي.
سكتت نانا للحظات وحاولت كتم غضبها 'اخذت نفس عميق وابتلعت ريقها
احتضنها بدر ليحتوي غضبها : نانا انا مش بفرض عليكي 'ولا عايزك تعملي حاجه غصب عنك 'انا بحبك وخايف عليكي.
اغمضت نانا عينها للحظه وفتحتهم 'وابتعدت عن بدر ونظرت اليه بضيق
نانا بغضب : انت بتستغل حبي ليك وبتضغط عليا.
بدر بغضب : انا مش بستغل حبك' انت عارفه اني بحبك واخاف عليكي اكتر من نفسي 'واحميكي حتي من نفسي 'وانا خايف عليكي وبطلب منك بحب 'بلاش الطريق ده يا نانا.
نانا باصرار : وان رفضت واصريت عليه ؟
بدر بغضب : يعني انا مافرقش معاكي 'مايهمكيش زعلي 'وضح انك انت اللي بتستغل حبي.
وتركها وذهب وهو غاضب .
جلست نانا علي الكرسي من الصدمه' فهي لم تري هذا الغضب في عيون بدر من قبل 'وشعرت بالم شديد بداخلها 'الم لا تفهمه اهو الم عليه ام غضب منه
اغمضت عينيها وقالت بصوت منخفض بالم شديد : اه اه اه جويا الم مش فاهماه 'وجوع منه ولا عليه قلبي وجعني قوي 'ليه يا بدر كده.
وتنهدت بالم وخرجت من المكتب وعادت الي شقتها'غيرت ملابسها وتوضأت وجلست تصلي وتدعو الله 'وكانت تبكي وقلبها يتالم.
اما بدر عاد الي شقته في قمة الغضب 'ظل يلف بها وينفخ ويصرخ
بدر بغضب والم وهو يجز علي اسنانه : ليه كده يا نانا ليه 'هو عشان بحبك بتستغلي حبي ليه......
وبعد بعض الوقت دخل توضئ وجلس يصلي ويدعو الله.
ظلا الاثنان علي هذه الحاله حتي الصباح 'ارسلت نانا رساله ل بدر 'كان بدر يستعد لينزل يمر عليها ويذهبا معا' كالعاده منذ عقد القران 'وجد رساله من نانا 'ففرح وفتحه بسرعه
نانا : اسفه يا بدر لا تمر علي اليوم ساذهب للعمل وحدي.
بدر بغضب شديد : ايه الاستعباط ده 'وطلبها وانتظر لكنها لم ترد
بدر بغضب : هو من اولها كده طب انا جايلك بقي.
وذهب وهو في قمه غضبه 'ركبا سيارته وقدها بسرعه مجنونه.
كانت نانا قد وصلت الشركه 'وجلست في مكتبها 'رنت الديكتافون ردت نانا
نانا : ايوه يا ماهي.
ماهي : في واحد جاي عايز يقابل حضرتك .
نانا : مين هو وعايز يقابلني بخصوص ايه ؟
ماهي : صاحب شركة انتاج 'وعايز حضرتك في شغل.
نانا : طب خليه يدخل.
دق الباب ودخل
صاحب الشركه : صباح الخير'انا فايز حسين صاحب شركة انتاج 'ومد يده يسلم عليها
مدت نانا يدها سلمت عليه وهي تشعر بالضيق 'فمنذ اتردت الحجاب ولم تعد تسلم علي الرجال
جلست نانا علي كرسيها واشارت له ليجلس هو الاخر 'فجلس علي الكرسي بجوارزالمكتب
فايز : انا جايب لحضرتك عرض من شركتي 'انا عارف انك كنتي عامله شركة انتاج قبل كده 'بس الحال ما مشيش'واخر فليم عملتيه سقط ماديا 'لكنه نجح وكسب في مهرجان من المهرجانات العالميه 'ويشرفني جدا اني اشركك 'وانا عندي فريق متميز بيعرف يسوق الافلام كويس جدا.
نانا : كلام جميل وعرض جيد 'اديني فرصه لبعد المهرجان 'افكر وادرس الموضوع كويس وارد عليك.
فايز باعجاب : سمعت عن جمالك لكن بصراحه انت جميله قوي
نانا بحزم : لو سمحت' ماسمحلكس تكلمني بالطريقه زي .
فايز : انا اسف انا بس حبيت ابدي اعحابي 'وشك فتجونيه وممكن تبقي ممثله رائعه.
نانا بضيق : معلش مش بحب الكلام ده 'ولو هيبقي بينا شغل تحت ده في اعتبارك.
فايز : ماشي هخلي بالي 'عن اذنك بقي عشان عندي شغل 'باي يا قمر هههههه.
وخرج وهو يقول في نفسه : هو في ست مش بتحب الكلام ده 'اهو كلكو بتقولو كده في الاول.
وقفت نانا بضيق من اسلوبه وطريقته في الكلام 'وتذكرت كلام بدر عن هذا المجال 'وتضايفت.
واذا ب بدر يفتح ويدخل بغضب
بدر بغضب : مفيش حاجه اسمها تيجي لوحدك انت فاهمه.
نانا بغضب : يعني ايه يعني الكلام ده ؟
اخذ بدر نفس عميق وحاول تهدأة نفسه 'ثم نظر لها
بدر بهدوء : مهما كنا زعلانين هوصلك عشان اطمن عليكي مفهوم.
وادار وجهه ليخرج ولكنه وقف عند سمعها تقول
نانا : بدر استني
ادار وجهه لها
بدر : نعم عايزه ايه ؟
نانا : انا عايزه اسافر لماما اقعد معها لحد معاد الحفله 'عايزه افكر بهدوء ممكن؟
بدر : ماشي احجزي الطياره' وقوليلي معاد السفر اجي اوصلك المطار .
نانا : ماشي حاضر 'هبقي ابعتلك رساله.
بدر : اللي يريحك اعمليه.
وتركها وذهب 'ظلت نانا تفكر في لبعض الوقت ثم خرجت
نانا : ماهي انا مسافره استاذ بدر هيخلي باله من الشركه في غيابي
وعادت الي شقتها 'ظلت تفكر مع نفسها
نانا لنفسها : انا مش فاهمه ايه اللي واجع قلبي كده 'انا عارفه انه بيحبني...... بس ما ينفعش يتحكم فيا كده........ بس انا متضيقه قوي ليه كده........ انا هبطل تفكير لحد لما اسافر وهناك اكيد هاخد القرار الصح بعيد عن الضغط النفسي
امسكت الهاتف وارسلت له رساله بان موعد الطياره في المساء الساعه العاشره 'فاجاب برساله انه سياتي قبل الموعد بنصف ساعه.
جهزت نانا حقيبتها وقبل الموعد اتي بدر ارسل لها رساله انه بالسفل 'فنزلت له وركبت السياره 'جلست بالكرسي المجاور له 'تحرتكت السياره وظل صامتين 'حتي قطع بدر الصمت
بدر : في علبه في الكرسي الواراني فيها فستان وحجاب جيبهم لك عشان تحضري بيهم الحفله 'وانا هكون هناك ونتقابل 'وياريت تكوني حسمتي امرك وخدتي قرارك
نانا : شكرا 'ماكنش له لزوم الفستان.
بدر : العفو 'انت بردو مراتي 'ومسؤله مني.
نانا : طيب.
وعادا للصمت حتي وصلا المطار 'نزلت نانا ونزل بدر فتح صندوق السياره واخرج لها حقيبتها 'وفتح الباب الخلفي 'واخرج علبة الفستان 'وامسك بهما
بدر : هدخل معاكي لحد جوه.
نانا : ليه يعني 'هو انا صغيره.
بدر بغضب وهو ينظر لها : عشان اطمن عليكي 'حتي لو زعلان منك قلبي ميطاوعنيش اسيبك من غير ما اطمن عليكي.
فنظرت اليه نانا بتعجب ورات في عينيه دموع مختبئه 'وكانه يحبسها كي لا تراها 'وشعرت بمدي الالم الذي بداخله 'وكانه يريد ان يقول لها لا تذهبي وابقي معي 'لم تستطع ان تتحمل هي الاخره وحبست دموعها 'ودخلت معه دون كلام 'ظل معها حتي انتهت كل الاجراءت 'وقبل ان تعبر البوابات وقفت تنظر له وكانت نظراتهم تقول الكلام الذي لم يقوله 'وقبل ان تتحرك جذبها اليه واحتضنها بحنان
بدر : مهما كان بنا زعل اوعي تنسي اني بحبك 'ومهما كان قرارك هفضل احبك.
ام تسطع نانا منع دموعها 'فتحركت بسرعه كي لا يرها .
ظل بدر واقف ينظر عليها حتي اختفت عن نظره 'فاخذ نفس عميق وتحرك حتي وصل للسياره وركبها 'تحرك بها كان يشعر ان قلبه ياكد يخرج من مكانه من شدة الالم 'ذهب الي دار الايتام فهو يشعر بالراحه هناك ' وظل مع الاطفال حتي المساء.
.............
وصلت نانا اليونان وكانت حزينه جدا فهي ايضا تشعر بنفس الم بدر 'قابلتها والدتها في المطار 'حاولت نانا ان تداري المها عن والدتها
لليان بسعاده : اهلا بيكي حبيبتي 'سعيده جدا لمجيئك.
نانا بابتسامه : اهلا بكي امي وانا ايضا سعيده بروئيتك.
لليان : اعددت لك برنامج جميل 'لتكون اجازتك اجازه سعيده ' وساريكي بعض الاماكن الجميله 'التي تنفع لقضاء شهر العسل لك انت وبدر 'اتعرفي لقد اشتقت اليه انه شاب لطيف ويحبك.
نانا : نعم انه لطيف وحنون ويحبني جدا .
ذهبت نانا مع والدتها وبعد ان ارتاحت قليلا بدأت البرنامج 'كانت والدتها تلاحظ انها ليست علي طبيعتها 'وانها تتالم من شئ ما ظنت في البدايه انها مشتاقه ل بدر 'ولكنها شرعت ان هناك شئ اكبر من ذلك فقررت ان تكلمها
لليان : ابنتي الجميله لما لست سعيده ؟ لقد حققتي حلمك 'ووصلتي للعالميه بفلمك 'وستتزوجي من تحبي 'لما اركي تتالمين.
نانا بالم : لم اعد احتمل اشتقت اليه كثيرا 'قلبي يكاد ينفطر في بعده 'ولا اعرف ماذا افعل.
لليان : عودي اليه فورا 'واخبريه بحبك اياكي ان تضيعيه.
نانا : حتي لو كان يريد مني ان اتنازل عن حلمي ؟
لليان تنهدت : ليتني تنازلت عن حلمي' وبقيت مع والدك 'اتالم كثيرا وقلبي يألمني دون فائده.
نانا : انت من تقولي ذلك ؟!
لليان بالم وندم : نعم فانا نادمه اشد الندم علي تركي لعصمت 'ليتني سمعت كلامك وعدت له عندما تطلبتي مني ذلك 'عندما رايت ابنائه في حفل عقد قرانك 'لم اتحمل الالم 'انهم كانو سيكونون ابنائي انا 'لاول مره اشعر بهذا الشعور 'ندمت اشد الندم 'اياكي ان تضيعي حبيبك لسبب كهذا 'ان كنتي تحبينه حقا فذهبي اليه دون تردد 'هو مستقبلك الحقيقي .
كانت تستمع كلام والدتها في تعجب 'تركتها والدتها ودخلت الي غرفتها 'وانفجرت في البكاء 'ظلت نانا للحظات في زهول لا تعرف ماذا تفعل 'وبعدها دخلت لوالدتها 'واحتضتنها بحنان
نانا ببكاء : امي لا تبكي كفي
لليان ببكاء : انا ابكي علي ما فعلته بنفسي 'ولا اريدك ان تكوني مثلي 'عيشي حياتك استمتعي بحبك 'لا تخسري حبيبك لاسباب 'تافه السعاده اهم شئ في الحياه ولن تكوني سعيده الا مع من يحبك.
ظلت نانا مع والدتها في غرفتها حتي هدأت' وذهبت الي غرفتها 'وجلست تفكر
نانا في عقلها : ماتخيلتش ان اسمع الكلام ده من امي 'عندها حق انا بحبه بجنون 'ومن يوم مابعدن عنه وانا مش قادره 'وقلبي وجعني قوي 'بكره في الحفله هقوله' ان موافقه اكون معاه حتي لو الشغل ممل' وجده جنبي هيخليه جميل.
واذا برساله من بدر فرحت بها جدا وفتحتها
بدر : حجزت لك غرفه في فندق.......... وساكون هناك منذ الصباح اتمني ان اراكي.
ردت نانا : وانا ايضا اتمني ان اراك الان ليس غدا 'اشتقت لك كثيرا احبك
عندما راي بدر الرساله طار قلبه فرحا 'كان يريد ان يكلمه ولكنه انتظر الي يوم الغد 'وظل ينتظر الصباح علي احر من الجمر
في صباح ودعت نانا والدتها وذهبت الي المطار 'ركبت الطياره وكانت تعد الساعات وتنتظر روايه بدر علي نار 'وعندما وصلت المطار وجدته ينتظرها 'نظر لها بعتاب وشوق 'ونظرت هي بخجل وشوق 'اقتربت منه ووقفت امامه وابتسمت 'فجذبها واحتضنها بشوق وحب
بدر بشوق : وحشتيني ووجعتي قلبي 'اوعي تبعدي عني تاني.
نانا بشوق : وانت كمان وحشتني قوي 'وعمري ما هبعد عنك تاني.
بدر وضع يده علي خديها : بجد مش هتبعدي عني تاني 'هزت راسها بنعم..... يعني اكلم عمي عصمت واحدد معاد الفرح 'فابتسمت بخجل وهزت راسها بنعم 'فاحتضنها مره اخري
بدر : وانا عمري ما هزعلك تاني.
نانا : وانا هكون معاك وحنبك في البيت والشغل 'ومش هبعد عنك تاني 'قلبي وجعني قوي في بعدك.
بدر : سلامة قلبك يا حبيبتي 'همي الوحيد في الدنيا هي سعدتك 'وان شاء الله نكون في الاخره كمان مع بعض
نانا : ان شاء الله
.