قلوب تحترق

الحلقه الثالثه والعشرين

قلوب تحترق
الحلقة الثالثة وعشرون
اتصل بدر باعمام نانا 'وقابلهم واتفق معهم على عقد القران فاخر الاسبوع 'وطلبت نانا ان يتم العقد في شقة جدها 'سعد الجميع بالامر وابدو اعجابهم به 'احضرت عمتها بعض عمال النظافه وقامو بتنظيف الشقه وتزينها لعقد القران 'في يوم العقد ذهبت نانا ووالدتها التي أتت قبل موعد العقد بيوم الي شقة جدها 'كانت عمتها هناك تنتظرها 'رنت نانا جرس الباب وكانت تشعر بشوق وحنين للمكان ولاجمل ذكرياتها 'فتحت لها عمتها
سعاد بابتسامه : اهلا بالعروسه 'وام العروسه 'واحتضنتها .
نانا بسعادة : اهلا بيكي يا عمتي.
سلمت سعاد علي لليان واحتضنتها
سعاد بسعادة : اهلا بيكي في مصر يا لليان.
لليان بسعاده : اهلا بيكي مصر بلد جميله اعجبتني جدا .
دخلت نانا الشقه وبدأت تنظر إلى المكان بشوق وحنين 'وتتذكر جدها وجدتها وامتلاءت عينيها بالدموع
نانا بشوق : ياه البيت ده وحشني قوي 'كل ركن فيه بيفكرني بجدي كنا بنلعب هنا 'واشارت الى البهو 'وكنا بنذاكر هنا واشارت الى طاولة الطعام 'وهناك اوضتي ياه وحشتني قوي 'دخلت الغرفه وبدأت تنظر في أركانها وتلف بها وتبتسم ابتسامه ممزوجه بالبكاء 'اجمل ايام حياتي فتره صغيره لكن جميله .
كانت عمتها تقف علي باب الغرفه وتنظر لها بتأثر
نانا : عمتي ممكن اخلي لبسي وحجتي هنا ؟
سعاد : اكيد طبعا يا حبيبتي 'واقتربت منها واحتضنتها ' واكملت : احلى ايام عمري انا كمان قضتها هنا 'ايام الطفوله الجميله ياه فكرتينى بحجات حلوه قوي يا نانا 'تنهدت واكملت : مفيش احلي في حيتنا من ايام الطفولة والبراءة والأحلام البسيطة ..... 'اسيبك انا واخرج اشوف الحاجه جهزت ولا لسه عشان باقي ساعتين على كتب الكتاب .
نانا : وانا كمان ابدأ اجهز واستعد .
خرجت عمتها وذهبت لترى الاستعدادات 'ودخلت والدتها .
لليان : منزل جدك هذا رائع 'شاهدته كله شعرت براحه وهدوء .
نانا : علي رغم اني كنت صغيره جدا عندما جئت هنا الا اني لم انسى هذه الأيام .
لليان : هيا لتستعدي لم يبقى الا وقت قليل وسيحضر اعمامك ' وتبدأ مراسم عقد القران .
نانا : معكي حق ساذهب واحضر حقيبتي وابدأ بالاستعداد.
خرجت نانا احضرت حقيبتها 'وضعتها علي السرير واخرجت الفستان والحجاب .
لليان باعجاب : واو هذا الفستان رائع ولونه قريب من لون عينيكي 'ستبدين به رائعه.
نانا : اشكرك امي انه اختيار بدر 'ارسله لي امس.
لليان : يبدو انه يحبك كثيرا 'ويراكي بقلبه قبل عينيه.
نانا بسعادة : هذا صحيح 'وتنهدت.... وانا ايضا احبه كثيرا فهو انسان رائع.
لليان : انا سعيده جدا لكي 'هيا ابدأي في الاستعداد' وانا ساذهب لعمتك اري ان كان يمكنني مساعدتها
خرجت لليان وتركت نانا 'دخلت نانا توضأت وبدأت في ارتداء ثيابها 'وماهي الا لحظات وحضر اعمامها وابنائهم وزوجاتهم 'سلم الجميع على بعض فمنهم من لم يرى الآخر منذ فترة 'وجلسوا جميعا 'وحضر شادي وزجته وابنه وكان الكل سعيد بابن شادي لانه يشبه عصمت جدا 'حضر بدر وكان معه المأذون 'دخل سلم على الجميع 'جلس المأذون وبدأ في اجرأته وطلب حضور العروس 'فاشار عادل (عمه الكبير) لشادي علي الغرفه التي بها نانا ليناديها 'ذهب شادي ودق باب الغرفه
نانا من داخل الغرفه : ايوه
شادي : يلا الناس كلها جت ومستنينك
فتحت نانا الباب 'وكانت رائعة الجمال فلون الفستان قريب من لو عينيها ولفة الحجاب زادت جمالها جمال.
شادي بانبهار : حرام عليكي دا انت هتجنني بدر كده 'ايه الجمال دة والفستان كانه معمول عشانك 'عنده حق الواد يتجنن
ابتسمت نانا في خجل : انا مالي هو اللي جاب الفستان 'يبقي هو اللي عايز يتجنن .
شادي وهويضحك : هو اللي جابه 'يبقي يستاهل بقي ههههههه.
امسك شادي يدها وخرجا معا 'عندما راها الجميع انبهر بجمالها 'وقام بدر وقف من شدة اعجابه بجماله
بدر بانبهار في عقله : ايه ده مش ممكن 'هو في ملكه بتمشي على الارض 'ايه الجمال الرهيب ده 'مش ممكن متخيلتش انها هتكون بالجمال ده
لاحظ الجميع نظرات بدر لـ نانا
عادل : تعالي يا نانا اقعدي جمبي هنا 'وانت يا استاذ بدر اقعد هناك جمب المأذون
اخذ بدر نفس عميق فهو يشعر باحرج شديد من نظرات الكل له ونظر إلى الأرض وذهب وجلس بجوار المأذون 'وتم عقد القران وكان عمها عادل هو وكيلها 'خرجت عمتها من المطبخ هي وزوجات اعمامها وبدأن في توزيع العصائر والحلوى على الموجدين 'كان بدر ينظر ل نانا بترقب ينتظر ان يجلس بجوارها 'فلاحظ ذلك عمها قام وقف
عادل بابتسامه : تعالي يا بدر يلا سلم على عروستك
اتي بدر وقف امام نانا ومد يده ليسلم عليها فمدت يدها هي الاخره فسلم عليها 'ثم قبل يدها بحب وحنان وهو ينظر لعينيها 'وكانت هي الاخري تنظر لعينيه 'ولاول مره يري كلمات الحب في عينيها 'كان يريد ان يضمها ولكنه خجل من فعل ذلك امام اعمامها 'كانت نظرات الجميع عليهم 'وكانوا هم في عالم اخر ملئ بالحب والسعاده.
عادل بضحك : يا بني اقعد بقي الكل بيتفرج عليكو.
جلسا الاثنان بجوار بعضهم 'قام شادي وقدم طاقم الماظ وقدمه لنانا
شادي : اتفضلي هدية بابا ليكي 'وهعمل مكالمة فيديو دلوقتي وتكلميه ويباركلك بنفسه '
وصل شادي جهاز اللاب توب الخاص به وشغل الفيديو .
كان عصمت يجلس ومعه ياسر ووليد ونهال يرتدون بدل رسميه
عصمت من الشاشة : الف مبروك يا نانا 'ومبروك عليك يا بدر.
نانا بسعاده : الله يبارك فيك يا بابا يا اجمل بابا في الدنيا
عصمت : كان نفسي احضر معكو بس الدكتور مرضيش 'فشادي قالي علي الفكره دي وكمان عشان اخواتك يباركلك
ياسر : مبروك يا نانا يا احلي عروسه في الدنيا 'تعرفي انك بالحجاب تشبه الماليكه
وليد : عندك حق يا ياسر احلي عروسه 'خلى بالك منها يا استاذ بدر 'دي وردتنا.
بدر بسعاده : انا متشكر ليك جدا ياعمي وان شاء الله تكون معنا في الفرح الكبير
عصمت : لبس عروستك يلا الهديه والواد شادي فتن عليك وقالي انك جايب لها شبكه وعملها مفجأه
بدر : حاضر ياعمي 'ونظر الي شادي بمزاح : يا شادي يا فتان
ضحك الجميع 'احضرت لليان الشبكه في علبه علي سنيه مزينه بطريقه رائعه ووضعت معها هدية عصمت 'بدأ بدر يلبسها الشبكه البسها الخاتم وقبل يدها 'ثم البسها الكلوليه ووضع خده على خدها وقبلها وهمس في اذنها
بدر بهمس : انتي اللي هتزيني الالماظ مش هو اللي هيزينك بحبك وبعشقك وبدوب في جمال عنيكي
عصمت مازحا من داخل الشاشة : بدر خالي بالك احنا قاعدين.
فضحك الجميع 'اكمل بدر تلبيس الشبكه لنانا
واتي الجميع يهأنهم 'لاحظت نانا ان والدتها تقف بجانب لوحدها فاستأذنت بدر وذهبت لها
نانا : امي ماذا بك لما تقفين وحدك .
لليان بابتسامه حزينه : انا بالفعل وحيده 'انت تركتيني ولم يعد لي احد.
احتضنتها نانا : انا لم اتركك ولكنها الدنيا يا امي 'وان اردتي لن اتزوج.
لليان : لا انا اريدك سعيده 'لا تفعلي مثلي عيشي حياتك واستمتعي بها
نانا : هيا تعالي معي لتظبطي تبرجك 'افستديه ببكائك
لليان بضحك : انا لا اتبرج وانت تعرفين.
نانا : انا امازحك لا اريد ان اراك حزينة 'سأطلب من بدر أن نقضي شهر العسل باليونان.
لليان : انت ابنتي الجميلة وأنا ساعد لكم برنامج رائع 'ساذهب للحمام 'وتركتها وذهبت 'واذا بيد تسحبها الى داخل الغرفه فهي كانت تقف علي بابها ففزعت نانا
نانا بفزع : ايه ده..... بدر انت ماسكني كده ليه.
بدر بحب وهو يحوطها بذراعيه : ايه كنت عايز اقولك حاجه ولقيتها فرصه وانت لوحدك اقولك
نانا بدلع : حاجة ايه دي ؟
بدر وهو يقترب منها اكثر : فاكره لما روحنا الدار وكانت العربية هتخبطك ؟
نانا : اه فاكره وانت مسكتني زي كده 'بس سبتني علي طول.
بدر بحب : كان نفسي ساعتها اعمل حاجه وعشان كده سيبتك ودلوقتي بقي هقولك كان نفسي اعمل ايه 'واقترب منها بدر اكثر 'و قاطعهم صوت شادي : وشكلك مش هتقول ابدا
ابتعد بدر عن نانا ونظر ل شادي بخجل 'وكانت نانا تنظر الي الارض وتضحك بخجل
بدر بتلجلج : مفيش... اصل لقيتها بعدت فجيت انده لها
شادي بمزاح : تنده لها ولا اااا....... طب استني لما تاخدها وتخرجو وبعد كده ابقي.... انده لها براحتك
بدر بخجل : اسف هخرج بره 'وتركهم وخرج
نانا بضحك وخجل : ايه مالك وماله .
شادي بمزاح : شكلك كنت عايزه تعرفي هو كان هيقول ايه
شعرت نانا بالخجل الشديد وتركته وخرجت ' جلست نانا بجوار بدر 'مال عليها بدر
بدر بهمس : بحبك قوي واسف لو احرجتك قدام اخوكي
نانا بهمس وخجل : كلمتك الجميله دي مسحت كل حاجه.
بدر بهمس : تحبي نروح فين ؟
نانا بهمس : المكان اللي يعجبك 'بس كان ليا عندك طلب.
بدر : انت تؤمري مش تطلبي .
نانا : ممكن ماما تيجي معنا 'اصل هي هتسافر بكره وكنت عايزه افضل معاها اكتر وقت ممكن.
بدر : اكيد طبعا ولو تحبي نلغي الخروج خالص عشانها 'انا يهمني ساعدتك قبل اي حاجه
بدر : انت انسان جميل جدا.
نظر الى عينيها بحب : وانت صاحبه اجمل عيون تسحر .
عادل : يلا بينا يا جماعه الغدا جاهز 'هنتغدي كلنا سوا وبعد كده العريس ياخد عروسته ويخرجون سوي 'وسعاد ونبيله مرتي هياخدو مدام ليليان في فسحه جميله كده يفرجوها علي شوية معالم سياحية لمصر 'يلا اتفضلو
قام الجميع ودخلوا الى مائدة طعام كبيره موضوع عليها ما لذ وطاب 'وكان هناك طاوله خاصه ل نانا وبدر 'ذهبا وجلسا عليها
بدر بسعادة : عمك ده زوق جدا عامل لنا ترابيزه لوحدنا 'ومنساش مامتك بصراحه راجل جميل
نانا بمزح : طبعا عشان سابك تخرج معايا براحتك عموما ماشي خلاص نخرج لوحدنا طالما اطمنت على ماما انها مش هتبقى لوحدها .
وإذا بعمها يقترب من طاولتهم ويميل عليهم
عادل : الف مبروك يا نانا 'الف مبروك يا بدر 'ملكوش دعوه بينا انتو عايزين تتغدو اتغدو عايزين تنزلوا تتغدوا بره برضه براحتكو 'انا حبيت بس اطمن نانا علي مامتها انها مش هتبقى لوحدها عمتك هتاخدها معها وبعد ما يرجعو هتروح معها لحد ما بدر يروحك 'وياريت بلاش تتأخروا بالليل ماشي يا بدر
بدر : حاضر ياعمي.
وتركهم وذهب
بدر : ها تحبي تتغذى هنا ولا بره ؟
نانا: لا خلينا هنا وبعدين نخرج.
بدر : خلاص اللي يعجبك.
وبدأو في تناول الطعام 'اخذ بدر قطعة لحم بالشوكه ووضعها أمام فم نانا
بدر بحب : خدي دي من ايدي .
فاخذتها نانا هي الاخري قطعة ووضعتها أمام فم بدر
نانا : خد دي من ايدي 'فابتسم بدر واخذها 'لاحظ بدر أن بعض الموجودين ينظر عليهم 'فتناول الطعام هو ونانا في هدوء 'وبعد أن انتهيا خرجا معا من قاعة الطعام
نانا : هدخل اظبط الحجاب واجيب شنطتي واجي عشان ننزل
لاحظ بدر ان المكان خالي فحوطها بذراعيه وهو ينظر بحب : انت عايزة تيجي معايا كده انت بتهرجي 'ده انت ساعت ما دخلتي وشوفتك كنت هقولك ادخلي تاني 'الكل كان مبهور من جمالك 'امشي بيكي في الشارع ازاي 'هي الملايكه بتمشي على الارض عادي ؟
نانا بخجل : بس انا انسانه عادي.
بدر وهو ينظر لعينيها : انت انسانه 'هز راسه بلا 'انت ملاك 'وقبلها في خدها فاغمضت عينيها
فقاطعها شادي 'وضع يديه عليهم
شادي بمزاح : هو انت مش كنتو خارجين واقفين هنا بتعملوا ايه
تركها بدر بخضه : كنت بقولها تغير الفستان عشان نخرج
شادي بمزاح : تغير الفستان 'ماشي يا سيدي فدية عندك حق 'مينفعش تخرج بيه 'ده كل اللي كانو موجودين عليتها وكانوا هيتجننو من جملها
نانا : حاضر هدخل اغير.
تركتهم نانا ودخلت الى غرفتها
شادي : مش عايزك تضيق مني 'بس المكان مليان ناس والكل عينه عليكو حتي لو انت مش شايفهم
بدر : انا اللي غلطان بس اختك بصراحه تطير العقل.
شادي : انا عارف بس محبتش ان شكلك يبقي وحش لو حد تاني هو اللي دخل عليكو 'سيبك من الكلام ده 'انا عايز اوصيك علي نانا ' انا هسافر اسكندريه ومامتها هتسافر اليونان وهي هتبقى لوحدها حافظ عليها.
بدر : دا انا احميها بروحي 'واخف عليها من نفسي
شادي : انا عارف بس بذكرك 'نانا اخدت صدمه جامده كرهتها في الحب والصداقة وفضلت قافله على نفسها فترة طويلة 'وانت جيت خرجتها فأوعى تجرحها.
بدر : انا اجرح روحي 'نانا دي روحي ما تخافش عليها معايا
شادي : وانا اصلا مطمن عليها معاك 'وتركه شادي
خرجت نانا من غرفتها وقد غيرت ثيبابها 'وكانت جميله جدا ترتدي فستان اوف وايت بجاكت صغير بني اللون وحجاب بني بنفس درجة الجاكت
بدر باعجاب : ايه ده مينفعش كده 'مفيش فرق اصلا بقولك خلينا قاعدين احسن.
نانا بزعل مصطنع : كده يعني مش هتفسحني.
بدر : هو انا اقدر بس جمالك فتني 'وعايز اخبيكي جوا قلبي' يلا بينا
امسك بدر يدها نظر علي عمها عادل فاشار له انه سيخرج معها 'فهز راسه بالموافقه 'فأخذها وخرج 'ركبا سيارة بدر
بدر : تحبي نروح فين ؟
نانا : المكان اللي تحبو مدام معاك يبقي خلاص.
بدر : خلاص هوديكي مكان هادي نتكلم فيه براحتنا.
فتحركت السيارة حتى وصلا أمام أحد المطاعم العائمة على النيل ودخلا معا أخذ طاولة سحب بدر كرسي ونظر إلى نانا
بدر : اتفضلي
ابتسمت نانا وجلست 'جلس بدر في الكرسي المقابل لها 'اتى النادل طلب منه بدر عصير وذهب النادل
بدر : ممكن بقي تكلميني عن نفسك 'نفسي اعرف كل حاجه عنك.
نانا : بتهيألي انت عارف كل حاجه مفيش بس غير الصدمه اللي غيرتني فتره طويله 'لان محدش يعرفها غيرى انا وشادي
بدر : ممكن اعرفها ولا ده سر.
نانا : حتي لو سر انت انا وسري معاك في امان 'وكنت تنظر الي عينيه....... صمتت قليلا وتنهدت وقصت عليه كل ما حدث وكانت تبكي 'قام وجلس بجوارها 'مسح دموعها بيديه وقبل رأسها
بدر : مش عايز اشوف دموعك دي تاني 'دموعك دي غالية قوي انسي اللي فات كله بالمه ووجعه
نانا بالم : نفسي فعلا كانت لحظات صعبه عدت عليا كانها سنوات 'كل ما افتكرها احس بوجع شديد جويا 'لكن لما زرت شادي وشوفت الحب بينه وبين مراته 'والمكان اللي كان بالنسبه لي كله ذكريات حزينه ملوه هما ذكريات سعيدة حسيت اني غلطانه 'ولما شوفت عم رمزي ورعايته لشادي وموقف بابا معاه حسيت اني اتسرعت وظلمت الحب والصداقه 'وظهرت انت في حياتي وخلتني اشوف معاك المعنى الحقيقي للحب 'اوعي تكسر قلبي وتجرحني لاني ساعتها عمري ما هقدر اسامح تاني 'وكانت تنظر له بحب وهو كان يضع يديه على خديها 'ظل ينظر لها هو الآخر 'ثم لمس شفتيها بأصابعه وقبلها في رأسها
بدر وهو ينظر لعينيها : عمري ما اقدر اجرح روحي' انت روحي وحياتي وكل دنيتي 'انا بحبك قوي وبعشقك 'اوعي انت توجعي قلبي وتبعدي عني 'قربك بيجنني 'بمبالك بعد هيعمل فيا ايه.
ويظل ينظر الي عينيها لحظات
بدر : ممكن نرقص مع بعض 'المزيكا هتبدأ وعايز ابدأ الرقصه من اولها
هزت نانا راسها بنعم : بس خلي بالك عشان مش بعرف ارقص 'انا هرقص عشانك بس
بدر : خلاص ابقي اعلمك الاول 'وبعدين نرقص.
نانا : طب طالما مش هنرقص 'كلمني عن نفسك شويه
بدر : شوفي يا ستي انا اتربيت يتم' بابا مات وإن طفل 'امي كانت كل حاجه في حياتي ' وبعد ما ماتت حسيت بالوحده 'عشان كده نفسي يكون عندي اولاد كتير عشان محدش منهم يبقى وحيد 'واكيد انت كمان نفسك في اولاد كتير.
نانا بخجل : بصراحة عمري ما فكرت في الموضوع ده .
بدر وهو يضحك من خجلها : ماشي يا ستي خلاص نبقى نفكر سوى بعد الجواز.
فازداد خجلها 'ضحك بدر أكثر
نانا بدلع : انت بتضحك عليا 'طب يلا بقي روحني.
بدر : خلاص ماتزعليش.
نانا : بجد يلا روحني عشان متاخرش علي ماما.
بدر: ماشي بس هاجي وأصلها بكره وبعدها واخدك افسحك 'ووديكي شقتنا عشان تشوفي عشنا الجميل
نانا : خلاص ماشي 'عشان بعد كده عندنا شغل.
بدر : شغل ايه ؟
نانا : ايه انت نسيت هنبقي شركة هتعلمني شغلك كله.
بدر : بس كده من عنيا.
قاما الاثنان بعد أن حاسب بدر النادل 'واوصلها للمنزل 'قبل ان تنزل من السياره
بدر : ماما هتركب طائرة كام الصبح ؟
نانا : الساعه 12 الظهر
بدر : خلاص هجلكم الصبح قبل المعاد.
نانا : لاء تعالي افطر معنا واهي فرصه تتعرف علي ماما اكتر.
بدر : خلاص ماشي 'ايه ده استني في حاجه علي شفايفك استني لما امسحها 'ووضع يده علي شفتيها ومسحها بيده 'ارتجفت نانا وكانت تنظر له بحب وهو ايضا كان ينظر لها بحب ثم قبل اصابعه مكان شفتيها بحب 'ففتحت نانا باب السيارة وخرجت وصعدت بسرعه 'تنهد بدر وتحرك بالسيارة