قلوب تحترق
الحلقه السادسه
بعد ان انتهي شادي ونانا من اللعب ذهبا مع والدهم الي حمام السباحه كان عصمت قد استاجر غرفه صغيره ليغيرو ملابسهم ودخلو جميعا وغيرو ملابسهم وارتدي كل واحد منهم ملابس السباحه الخاصه به وخرجو وجلسو علي احدي الطاولات
عصمت بسعاده : مبسوط يا شادي
شادي بسعاده : اه يا بابا المكان هنا جميل والالعاب كانت حلوه قوي
عصمت لنانا بسعاده : وانت يا نانا هل اعجبك المكان
نانا بسعاده : المكان رائع ورغم انه ليس بروعه اليونان ولكن وجدكم معي جعله رائع
وضع عصمت يده علي شعرها ومسح عليه بحب وقال : انت هيا الرائعه يا حبيبتي الصغيره هل تتناولو الطاعم اولا ام تنزولو الماء
شادي بحماس : ننزل الماء وتنزل معنا
نانا بحماس : نعم ننزل الماء
عصمت بحماس : هيا بنا ‘ خلع كل منهم البرنس الخاص به ووضعه علي الكرسي وامسك بهم عصمت ونزلو حمام السباحه وكان يستمتعا كثيرا
دخلت صافي وصديقتها الي حمام السباحه وكن يرتدين ملابس السباحه الخاصه بالمحجبات وجلسن علي احدي الطاولت
ريم بانبهار : بصي يا بت انت وهيا الواد الي هناك ده ايه الجسم ده والعضلات دي
صافي : اتلمي يابت عيب كده انت عمرك ما شوفتي رجاله
ريم : انت عارفه انت وهيا ده مين بصي كده
صافي بتعجب : ده الاستاذ عصمت الي شبطنا فيه من شويه
سعاد : امال عايزه يطلع مين يعني ده واضح انه هاي قوي
صافي بسعاده : بس شايفه البنت والواد مبسوطين ازي وفرحانين اهو ده الاب والي زي ده يبقا مهنن مراته
ريم بمزاح : اه يا ناصحه طب يلا بقا وقعيه واتهنني انت
صافي بغرور : لاء يا حبيبتي انا ما اخدش راجل متجوز ولا معاه عيال ولا كان متجوز اصلا
سعاد وهيا تضحك : طب يا ختي لما نبقا نشوف عريس الغفله بتاعك هتنزلو الميه ولا لاء
صافي بضيق : يعني بدماغكو دي هنزل ازي وفي رجاله في الحمام طبعا نقعد كده نتفرج
واذا بنانا تاتي اليها وتقترب منها
نانا : لماذا تاخرتي يا صافي
صافي بابتسامه : اسفه صديقتي سامحيني
نانا بابتسامه : اسامحك ولكن تعالي لتنزلي معي الماء
صافي :لن استطيع فالرجال كثير في الحمام وسابقي هنا
نانا : لا يوجد رجال سوي ابي وايضا اذا نزلتم الماء سيخرج
صافي بابتسامه : لا داعي انزلي انت وبعد ان تنتهي نجلس معا
نانا : كما تريدي سانزل الان ‘ وتركتها وعادت الي والدها في الماء
سعاد بابتسامه : بنت زي العسل ربنا يخليها لبابها
ريم بمزاح : اشمعنا بابها يعني ههههه
صافي : اتلمو بقا انت وهيا ويلا نطلب غدا عشان نروح السنيما ونروح
ريم : طب خلاص يالا اندهي للجرسون
ونادت صافي للنادل وطلبت الطعام ‘ وخرج عصمت وشادي ونانا من الماء وارتدي كلا منهم البرنس الخاص به وطلب الطعام لهم وبعد ان تناولو الطعام دخلو وارتدو ثيابهم وخرجو واستعدو للذهاب
نانا : هل يمكن ان اذهب اسلم علي صديقتي قبل ان اذهب
عصمت : كما تريدي حبيبتي الصغيره سلمي عليها ونحن ذاهبون هيا ‘فتحركو ووقفو بجوار الطاوله التي بها صافي والبنات
نانا : الي اللقاء صديقتي ساذهب الان
صافي :الي اللقاء ساشتاق اليكي
نانا : هل يمكن ان تعطيني رقم هاتفك عندما اتي اتصل بك ونتقابل
صافي بتعحب : هل ستسافري الان
عصمت بابتسامه : لاء يا انسه صافي احنا من القاهره وبنجي عشان نتفسح مع شادي
صافي بخجل : انا اسفه لو سؤالي ضيقك
عصمت : ممكن اطلب منك تودينا اماكن تانيه هنا في اسكندريه عشان مش عارف اماكن تاني
صافي بخجل : انا اسفه ما ينفعش الا اذا كانت والدة نانا او شادي هتيجي ماشي
عصمت : الحقيقه لا دي تنفع تيجي ولا دي انا انفصلت عن الاثنين وعموما لو مش هينفع قوليلي الاماكن وانا هروحها
نانا بزعل : الا تريدي ان تعطيني رقم هاتفك
صافي بابتسامه : انا لا اتحمل زعلك ساعطيكي رقم هاتفي وايضا ساخبر والدك اماكن جميله تذهبو اليها المره القادمه ‘وقبلتها في خدها
نانا بفرح : ولكن اريد ان اقابلك
صافي بابتسامه : ساتي اليك واقابلك هل انت راضيه الان
نانا بفرحه : نعم راضيه ولكن لا تخلفي وعدك
صافي بضحك : انا لا اخلف وعدي ابدا ‘ وكتبت لها الرقم في ورقه واعطتها لها‘ اخذتها نانا وذهبت مع والدها واخيها ‘وبقيت صافي مع صديقاتها
ريم بهزار : ايه هيا السناره شبكت ولا ايه
صافي بتفكير : سنارة ايه يلا نكمل اكلنا ونلحق السينما
اوصل عصمت شادي وعادا الي المنزل دخل ليرتاح وذهبت نانا لجدها لتحكي له ما حدث فمنذ ان اتت واصبحا اصدقاء وتحكي له كل مره ما يحدث في هذا اليوم ‘ ومر الاسبوع اتي موعد الذهاب‘ وبعد اخذ عصمت شادي وركب معهم السياره
نانا بابتسامه : ابي الن تتصل بصافي لتقابلنا كما وعدتني
عصمت بابتسامه : ساتصل بها واعطيكي الهاتف كلميها انت ‘وامسك هاتفه طلب لها الرقم من الورقه فهيا كانت مع نانا واعطي الهاتف لنانا
صافي : الو ايوه مين معيا
نانا بسعاده : انا نانا هل انت صافي
صافي بسعاده : نانا كيف حالك حبيبتي
نانا بسعاده : انا بخير واريد مقابلتك هل يمكن ان تاتي
صافي بقلق : هل انت وحدك
نانا : لا معي ابي ساعطيه الهاتف اخبريه عن الاماكن التي نذهب اليها واين نلتقي ‘ واعطت الهاتف لعصمت
عصمت بحرج : اسف انسه صافي ممكن توصفيلي ازي اروح مكان حلو افسح فيه الاولاد ولو ينفع تيجي عشان تقابلي نانا
صافي بتوتر : هو الموضوع صعب بس عشان انا وعدت نانا هاجي اقابلها وهقولك ازي تروح مكان حلو تتفسحو فيه استناني عند الملاهي الي كنت فيها المره الي فاتت وانا هاجي لكم هناك
عصمت بسعاده : خلاص احنا هنروح هناك ونستناكي هناك
صافي بحرج : مش هتاخر ان شاء الله
ذهب عصمت عند الملاهي التي كانو بها المره الماضيه وما هيا الا لحطات وظهرت صافي ففتحت نانا الباب واشارت لها فاتت اليهم احتضنت صافي نانا بسعاده
صافي بفرح : اذيك يا نانا وحشتيني
نانا بسعاده : وانت ايضا اشتقت لك كثيرا
صافي بحرج : اعتذر لم اركز جيدا وتكلم باللغه العربيه ولكنك ذكيه وفمتي ما قولت
نانا بضحك : سمعت هذه الكلمات كثيرا واستطيع فهمها هيا اركبي معنا وارينا المكان الذي سنذهب اليه ‘ نزل عصمت من السياره وحيا صافي
عصمت بابتسامه : اهلا بيكي انسه صافي متشكر ليكي انك جيتي
صافي بخجل : انا وعدت نانا وعشان كده جيت ‘وكانت تنظر الي الارض خجلا من ان تنظر لعصمت ولاحظ عصمت ذلك ‘فنظر اليها وكانه يراها اول مره وكان ينظر باعجاب فهيا جميله رغم انها قمحية اللون وعينيها سوداء عاديه الا ان ملامحها هادئه وجميله تملأ القلب بالسعاده ‘ولاول مره يشعر بالانجذاب لها رغم انه راها من قبل وشرد للحظات
عصمت باعجاب : هما كل بنات اسكندريه جدعان وحلوين زيك كده
صافي بخجل شديد : ما يصحش كده استاذ عصمت انا هوصفلك ازي تروح مكان حلو وامشي علي طول
عصمت باعجاب : انا ما قصدتش حاجه ده مجرد سؤال وبعدين مش لما الواحد يشوف شئ جميل لازم يعبر عن ده وانا اخدت بالي انك جميله قوي
صافي بضيق : استاذ عصمت ميصحش كده
عصمت بابتسامه : خلاص متزعليش انا اسف اوصفي ازي اوصل للمكان واوصلك لبيتك واخد الاولاد اوديهم
صافي : ملوش لزوم انا عارفه سكتي هوصفلك تروح ازي وامشي
عصمت بابتسامه : عموما متشكر مقدما
وصفت صافي له الطريق وكيف يصل الي هذا المكان ‘وتركتهم وذهبت بعد ان سلمت علي نانا واخذ هو الاطفال وذهب بهم الي المكان وكان سعيد جدا وانتهي اليوم واعاد شادي لوالدته‘ وعاد الي المنزل ‘وكان يفكر في صافي فهيا شغلت حيز من تفكيره‘ وكان يفكر بها كثيرا وقبل الموعد‘ الذي يذهبون به بيوم اتصل عصمت بصافي فقد سجل الرقم لديه
صافي : الو من معيا
عصمت : انا عصمت والد نانا اذيك يا انسه صافي
صافي بتعجب : اهلا استاذ عصمت في حاجه
عصمت بمكر: انا كنت جاي بكره اسكندريه انا ونانا وكنت عايزك توصفيلي مكان تاني نروحه لان المكان الي وصفتي لنا كان رائع واستمتعنا بيه فعلا فهل ينفع تقابليني انا ونانا بكره
صافي بضيق : انا اسفه ماينفعش ممكن حضرتك تشوف مرشد سياحي يوديك المكان الي انت عايزه ولو سمحت ما تتصلش بيا تاني وكادت تنهي المكالمه
عصمت بسعاده : طب متقفليش ممكن سؤال اخير
صافي بضيق : لو سمحت يا استاذ عصمت
عصمت بسعاده : ممكن رقم والدك
صافي بصدمه : رقم والدي! تعمل بيه ايه ؟
عصمت بسعاده : كنت عايز اكلمه في موضوع مهم يخصني انا وانت يا تري ممكن
صمتت صافي للحظات في حيره
عصمت بقلق : ايه مردتيش ليه لو مش عايزه تديني الرقم خلاص برحتك
صافي بلجلجه : هو اصل.... حاضر هطلعو من التليفون ثانيه واحده واخرجت رقم والدها معاك ورقه وقلم
عصمت : ايوه مجهزهم اتفضلي قولي
قالت صافي الرقم وكتبه عصمت
عصمت بمكر : ممكن عنوان بتكم بعد اذنك
صافي : معاك رقم بابا ابقي خد منه العنوان وبعد اذنك عشان وريا حجات هعملها وانهت المكالمه اغلق عصمت الهاتف وجلس يفكر وهو مبتسم قطع تفكيره صوت والده
الناجي بتعجب : ودي مين دي بقا يا تري
عصمت بخجل :انت هنا من بدري يا بابا
الناجي بابتسامه : بصراحه ايوه سمعتك وانت بتتكلم والفضول خلاني اقف اسمع
عصمت بابتسامه : دي صاحبة نانا اكيد حكتلك عنها وبصراحه في حاجه شدتني ليها وانا زهقت من الوحده وقولت اتجوز بقا‘ وقولت اختار المره دي بعقلي
الناجي : اه قول كده بقا انك جاي عشان تتجوز مش تعلم البنت
عصمت بضحك : يعني ده وده
الناجي : اسال عنها كويس وربنا يوفقك يا بني
عصمت بتفكير : حاضر ماتخفش يا بابا بس محبتش ادخل من الشباك قولت ادخل من الباب علي طول
الناجي : عين العقل يا بني وده الصح اتصل بيه وحدد معاه معاد ولما تقابلو ويحصل قبول تحدد معاد نروح فيه احنا كمان
عصمت بسعاده : ان شاء الله
الناجي : ربنا يوفقك يا بني وتركه وخرج ‘واتصل عصمت بوالد صافي واخذ منه موعد في مساء اليوم التالي واخذ منه العنوان بالتفصيل
أنت تقرأ
قلوب تحترق
Short Storyالمقدمه هناك قلوب تشتعل بالانانية وقلوب تشتعل بالطمع وقلوب تحرقها الغيرة ولكن عندما يعاني قلب من كل هذا فهل يبقي بقلب نقي ام يقم بدوره باشعال قلوب اقرب الناس اليه ويتركهم يدفعون ثمن اخطاء ماضيه ولا يبقي لديهم سوي قلوب تحترق كل انسان يبحث عن السعاد...
