Unicode (zawgyi below)
Yuta's POV
မဖြစ်နိုင်တာတွေလည်းဆုတောင်းပြီးပြီ
မဟုတ်တာတွေလည်းမှန်းခဲ့ပြီးပြီ
နေရာအနှံ့လည်းသွားခဲ့ကြပြီးပြီ
မျက်ရည်တွေနဲ့လည်းပျော်ခဲ့ပြီးပြီ
ဘာတွေလုပ်ဖို့ကျန်သေးလဲ
ကျွန်တော်သူ့ဘေးရှိနေတဲ့အချိန်လေးမှာ သူ့ကိုစိတ်ပျော်စေမယ့်အရာတွေလုပ်ပေးဖို့ဘာကျန်နေသေးလဲ
သူကတော့ကျွန်တော့်ဘေးမှာပြုံးပြုံးနဲ့အမြဲလိုက်နေတာပဲ
တစ်ခါတစ်ရံမှာ ကျွန်တော်မရှိရင်နေတတ်ဖို့သင်ပေးမိတဲ့အချိန်ကလွဲလို့ပေါ့ အဲ့အချ်န်တွေကျရင် သူ့နှုတ်ခမ်းတွေကလှုပ်ရှားမှုမရှိဘဲငြိမ်ပြီး မျက်ဝန်းအိမ်တွေသာတုန်ခါလာတတ်လို့လေ
ဒီလိုအမူအရာတွေကိုကျွန်တော်မမြင်ချင်ပေမယ့် ကျွန်တော့်ရဲ့ကံကြမ္မာနဲ့ရှေ့ဖြစ်အမှန်တရားတွေက ကျွန်တော်ချစ်တဲ့သူကိုပျော်အောင်ထားခွင့်မပေးခဲ့ဘူး
အထီးကျန်မှုတွေနဲ့နေသားကျနေခဲ့တဲ့ကျွန်တော့်ဘဝထဲကိုသူဝင်လာလို့ ကျွန်တော်သူ့ကိုချစ်ဒေါသနဲ့အပြစ်တင်မိတယ်
ဒီလောကထဲကနေထွက်သွားရမယ့်နေ့ရက်ကိုတစ်ယောက်တည်းရေတွက်ရင်းရှင်သန်နေတဲ့ဘဝထဲကို သူဝင်လာတာဟာလည်း ကံကြမ္မာကကျွန်တော့်ကိုထပ်ဆင့်ရက်စက်တာပဲဖြစ်တယ်
ကျွန်တော့်ကိုတင်မက ကျွန်တော်ချစ်တဲ့ သူ့ ကိုပါနှိပ်စက်ပြန်တယ် မျက်ရည်တွေနဲ့ နာကျင်မှုတွေနဲ့ မမြင်ရတဲ့စိတ်ပူမှုတွေနဲ့ အမျိုးမျိုးနှိပ်စက်စေခဲ့တယ်
သေမယ့်ရက်ကိုတွက်နေရပေမယ့် သေရမှာမကြောက်တဲ့ကျွန်တော့်ဆီသူလာခဲ့ပြီးတဲ့နောက်မှာ တဖြည်းဖြည်းနဲ့ လောကကနေထွက်ခွာသွားရမှာကိုကြောက်လာခဲ့တယ်
သေရမှာကိုကြောက်လာတာမဟုတ်ဘဲ သူနဲ့ဝေးရမှာကိုကြောက်လာခဲ့တာပဲဖြစ်တယ်
လွတ်လွတ်လပ်လပ်ထွက်သွားခွင့်မပေးဘဲ သံယောဇဉ်ကြိုးတန်းနေခဲ့လို့နောက်ဆံတင်းနေရမယ့် လူတစ်ယောက်ကျွန်တော့်ဘဝရဲ့လက်ကျန်ရက်ပိုင်းလေးမှာရှိနေခဲ့တယ်
KAMU SEDANG MEMBACA
I'll Sleep Beside You
Fiksi PenggemarThis fic is written in both Unicode and Zawgyi Unicode ကျွန်တော်ကသူ့ကိုချစ်တယ် သူကကျွန်တော့်ကိုအဝေးကနေပဲချစ်ချင်တယ် ကျွန်တော်ကသူ့အတွက်စွန့်စားတယ် သူကကျွန်တော့်ကို အဝေးကိုတွန်းထုတ်တယ် ကျွန်တော်ကသူ့အတွက်မိုက်ရူးရဲဆန်တယ် သူကကျွန်တော့်ကိုနာကျင်မှုတွေနဲ...
