بقلم نهال عبد الواحد
خرجت سلمى للقاء عمر مرحبة: أهلًا يا عمر، إزيك؟
- الحمد لله...
ثم قال:أنا آسف ع الزيارة المتأخرة دي بس في موضوع مهم.
- خير! اتفضل.
- بصراحة ساعة ماقعدنا نتحاسب من كام يوم نسيت أقولك على صفقة أجهزة طبية كنت متعاقد عليها وكنت متفق معاهم إني أدفع على دفعات ففاجئوني إنهم عايزين كاش وصعب أدفع دلوقتي، أنا بصراحة محتاج......... دولار و هسددهملك على دفعات.
كان عمر يتحدث شارحًا بينما سلمى ناظرة له تقرأ الكذب في عينيه فسكتت ولم ترد.
فتسآل عمر بدهشة: سلمى إنتِ معايا؟
فهزت برأسها أن نعم، فأكمل عمر: طب إيه؟
فسكتت وبعد قليل دخلت حجرة المكتب و جاءت، مدت يدها إليه بشيك قائلة: ده شيك بالمبلغ بس سامحني ناقصين خمسين ألف، هم دول اللي هيبقوا فاضلين ف حسابي ومش هقدر أتصرف فيهم.
- بتديني فلوس من حسابك انتِ ليه؟
- فلوس سليم أمانة ومش هقدر أتصرف فيها من غير إذنه حتى لو معايا توكيل.
- بس أنا مش هاخد فلوسك يا سلمى.
- خدهم وأنا وسليم... لسه هنتحاسب، وبعدين كده كده الوضع حاليًا مايسمحش أطلع مبلغ زي ده من حسابه.
نهض عمر واقفًا قائلًا باقتضاب: تمام، خلاص يا سلمى، شكرًا، عن إذنك.
وانصرف مسرعًا يخفي حرجه.
قالت رقية: ليه كده يا سلمى؟! إيه قلة الذوق دي؟! ده الراجل رايح جاي عليكِ.
- لأنه كداب!
- إيه اللي يخليه يكدب؟ هينصب عليكِ يعني!
- الفلوس دي رايحة لسليم، عشان سبب هو عارفه و مخبيه علي أنا بالتحديد.
- ممكن تهدي عشان تعرفي انتِ بتقولي إيه.
- عارفة أنا كنت فين إنهاردة! عند مدير البنك اللي فيه حساب سليم بتاع برة، إداني كشف الحساب، حسابه زيرو، بيسألني لو عايزة اقفله فحطيت فيه مبلغ صغير أي حاجة عشان ما يتقفلش، سليم سحب من حسابه مبالغ كبيرة في وقت قليل، مع إنه كان بيصرف من مرتبه وبس، فسرهالي دي!
- طب إهدي حبيبتي، خدي دواكي وخشي نامي.
- أنام! أنام! أنااااااام! هتشوفي بكرة عمر هيروح و يحط نفس المبلغ اللي طلبه ف حساب سليم، خليكِ فاكرة.
وفي الصباح ولم تكن نامت إطلاقًا بل كانت طوال الليل تدخن بشراهة و تشرب قهوة، للأسف إنتحار.
بالفعل ذهبت لمدير البنك وجدت عمر قد وضع نفس المبلغ الذي طلبه بالأمس، لقد صدق حدسها!
أنت تقرأ
(ولا في الأحلام 2) الجزء الثاني By:NoonaAbdElWahed
Romanceسليم&سلمي اتجوزوا بس يا تري شكل حياتهم بعد الجواز هيبقي إزاي هل الحب سيستمر أم ينتهي؟؟ هل هناك مزيد من الوجع والفراق؟ تري أين يذهب الحب؟ ولأين تأخذهم الحياة وتفعل بهم؟ - - - - - - سلمي:عايز إيه.... ليك عين تتكلم... ولا ناوي تكمل تهزييء وإهانة...
