الحلقه 2
لربما
~~~~~~~~~~💙💙💙~~~~~~~~
طلعت والقيته مقعمز علي طاوله الجنان مشيت وكان وجي في الوطا في يدي قهوه
انا :تفضل (ومزلت ما رفعت راسي وشفته)
هوا :شكرا تفضلي اقعدي
انا قعمزت ورفعت وجي بشويه وكان شاب يجنن عيونه عسليات يلمعن كانهن قزاز اللحيه مرسومه رسم وشعره كثيف انا منصدمه مش شوري بكل وسرحت
هوا :حتقعدي ساكته هكي ماتبيش تقولي حاجه
انا :انت قول شروطك
هوا :اسمعي انا مطلق من سنه ونبي حد يهتم بالحوش وبيا وبنسبه لللبس انا ماعنديش فيه مانع المهم تحت الركبه وواسع ونبي بنت ماتخدمش من الحوش لحوش هلي لحوش هلك لايمين ولا يسار مش قله ثقه بس انا هكي طبعي وانا نعطيك ثقه بس اتخونيها مره انسي بنشد معاك شده ووجه ثاني
انا من كلامه انصدمت ورعشت
محمد :انتي شنو موافقه
انا :موافقه
محمد :ماتبيش تعرفي حاجه تسالي خوذي راحتك
انا :في سؤال نبي نسأله بس شخصي شويه
محمد :شنو اسألي
انا :ليش طلقت مراتك
محمد :مراتي كانت تشتغل وكانت تمسك في مناوبات وصبح وتطلع واتخش ولما نحكي معاها الديرلي مشكله واتعلي في صوتها وهاملتني مع اني كنت مساعدها بس طمعت اكثر فعشان هكي طلقتها ومانبيش انتورط في نفس الغلط وانا باتي قالي عليك وقالي انتي الهاديه في خواتك
انا :انشاء الله خير
محمد مدلي كيس:تفضلي
انا :شنو هضا
محمد :هديه صغيره مني لكي لو في نصيب معناها هديه اول مقابله وكان مافيش نصيب تقعد ذكرى
انا :شكرا
محمد :عفوا ولو قتلك عطيني رقمك او ايميلك ع الفيس حاجه انتواصل فيها معاك
انا :هه ياريت عندي
محمد :قصدك ماعندكش فون
انا :لالا بابا مايحبش لافون لاهم يحزنون
محمد :تحملي وانشاء الله خير مش ناقصك شي
انا :شكرا
وصبيت خشيت البنات جن يقصقصن وحكيتلهن وجونا خيال كنت نبكي وشوفي ربي طلع واحد شخصيه وطرف وجنتل وعضلات وشكله طيب مع ان في البدايه خوفني بس يالله تمشي
~~~~~~~~~~~~~~~
في الليل عند محمد :-
قاعد في البلكوني ع الكرسي وتمدد ويشرب في نسكافيه ويحكي لصاحبه:البنت هاديه وسمحه وحتى حسيتها يعني مش بتاعت هاي وياي زي اللي عندي مستحيل انفرط فيها تجنن وطيبه
صاحبه :توا قعدت معاها ساعه وقلت طيبه وهاديه ومستحيل انفرط فيها كنك هبل انت
محمد :والبنت لاحضت انها يعني لبستها بسيطه ومش لابسه حاجه في يديها ومكياج شويه مش عارف انحس فيها مش بتاعت وجيج
صاحبه :باهي انا مسافر بنقعد في كندا كم شهر وراد محمد :باهي اسمع انا الحوش يبيله تعديلات نبي انزف البنت هنا
صاحبه :عادي الحوش حوشك نا نبي ننخمد
محمد :عدي عدي وخليني انفكر في كبيدتي
صاحبه :حي علما كبدت رسمي
محمده :واكثر والله ياانور خاطري انعرفك عليها طشه
انور :الله يستر قعدت معاها ساعه كبدت كان تعاشرها
محمد :الله غالب
انور :ارزن اثقل
محمد :اس اس انت خليني في خيالي
~~~~~~~~~~~~~~
طبعا نضنا ثاني يوم الساعه 9كالعاده بس الجديد ان انا رايقه وجوي سمح عديت دوشت لبست الهديه اللي جابها وكانت جلابيه ضابطه شويه لونها وردي وعليها توتي ودرت شعري قرن ونزل طويل لعند نهايه ظهري ودرت روج بودري هوا جابه وعديت درت فطور ومن حسن الحظ بابا متغدي برا وطالع من الصبح
انا :
زي العسل على قلبي هواك
زي العسل قابلتي كتير فرشولي
عشاني الارض حرير
وشفت كتير وما شفت زي
حبيبي امير
وبرمت القيت عبد الله حاط يد علي يد ومبتسم واميره تحك في عيونها ورجا تبحت فيا منصدمه
انا :صصباح الخير من امتى انتو هنا
اميره :من اول مابدا ارب ايدل
عبدالله :سمعنا فاتحين برنامج مواهب قلت انشوف الموهبه اللي تغني
رجا :حبيبتي انتي دوشتي وطلعتي اكيد الحراره رقت صح
عبدالله :امس قعدتي معاه ساعه اتغنيله زي العسل معناها لما تقعدي معاه شن اتغنيلي ياحبيبي تعال احضني
انا :عبدالله تحشم خزي والله تفكيركم مسوس انا فرحانه لان بابا مش قاعد ماتشوفوش فيا دايره روج وكحل ونغني بصوت عالي
عبدالله :اهخخخ الله يستر وخش للحمام والبنات اطرطشن ورن الجرس وعبدالاه في الحمام
نوران افتحي انتي
انا :حاضر. وطلعت فتحت وانصدمت لما لقيته .........
~~~~~~~~~~~~~~~
تفاعلوو 💙
توقعاتكم الحلقه الجايه😍
منقوله💕
أنت تقرأ
رواية لربما روايه ليبية😍
Romanceالروايه منقوله وهيتحكي على بنت عاشت حياه ميؤوس منها بعدها بفتره تقدملها شخص لزواج وكان مطلق ابوها وافق وعاشت حياه......يتببعع كملو معانا في الحلقات هيا🤙❤️نورتو
