الحلقه5
لربما
~~~~~~~~~~💎💎💎~~~~~~~~
ثاني يوم نضت لقيت البنات في الجنان يشربن في قهوه دوشت ودرت قهوه وطلعت والقيتهن يهدرزن
انا :مش متخيله اني نسيبكن ونمشي
رجا :اس راك تبكي ماشيه للعز راك
انا :مانبيش فلوس نبي بس راحه والله مانبي الفلوس
رجاء:نوران امشي ديري الغدا را والله نعزق فيك بكرج القهوه يحرقك تقعدي عروس محروقه 😂
انا :مبردك
ومشيت درت غداء وجا باتي وتغدينا وخشيت درت كريمه بس طبعا مكياج نو ولبست جينز اسود وتيشرت واسع شويا جيشي جاباته ليا رقيه
بعد العصر جا محمد وباته وجده
قعدو في المربوعه
باتي :نوران نوران
انا :نعم
باتي :ديري قهوه وتعالي
انا :حاضر
درت قهوه وبشكوط ودقيت وخشيت
انا :السلام عليكم
كلهم :وعليكم السلام
فرغت عليهم قهوه وقعمزت صدار عبدالله وبيني وبين بابا مسند
جده :اسمع ياسالم محمد قال في حجات نبي نحكي معاها فيهن فقلت انجو كلنا وكان اتفقو تمام
بابا :باهي وانا معاك شن هنا شروطك
محمد :انا حوشي مزال مش واتي ومانبيكش تجيبي شي انا جايب كل حاجه نبيك اتجيبي شنطه صغيره فيها حجاتك الخاصه وبس وماتشيليش هم شي تم
انا مطبسه راسي ومنحرجه ومتلبكه:انشاء الله
باتي :بس كان حوشك مش واتي وين تبي اتزفها
محمد :صاحبي انور مسافر بعد فرحي بيوم حيعطيني شقته وهوا في فندق وبعد الفرح بيومين حنسافرو شهر
عبدالله صداري ويرقصلي في حواجبه
وانا ماسكه ضحكتي بالغصب
محمد :في حاجه انتي تبيها
انا :لالا
محمد :اها فستان البيان ماتشريش عليا انا نشريلك علي ذوقي اوك
انا :براحتك
محمد :خلاص انا كملت كلامي
باتي :خلاص في بركه الله
جده :الله يقدم اللي فيه الخير
وطلعو وانا طالعه جاني عبدالله في وذني وقالي
عبدالله :محمد يبيك في الجنان
انا :وبابا
عبدالله :باتي طلع
انا :اوك. وطلعت القيته مصبي
انا :نعم
محمد :امسكي هذي لكي ماتعطي منها حد وكان كيس
انا :بس مش كان الهدايه واجد
محمد :بس بسيطات مش غاليات امسكي اسهري عليهن في الليل
انا :شكرا
محمد :اخر مره تشكريني
انا :اوك
محمد :نطلب منك طلب
انا :شن
محمد:شعرك لاتقصيه ولا تصبغيه
انا :اوك بس عادي اندير حنه
محمد :ديري وديريها واجد نحبها
انا :تمام
محمد :زمان لما امي تحني انقوللها حنيني معاك😂
انا:هههه 😂
محمد :يلا سلام بنمشي لحوشنا انشوف الصالون الجديد
انا :اوك سلام
وطلع محمد ومشيت فتحت الكيس والقيت مفيش حاجه ومش جايبها شكلاطات وشبس الكبير انا خلااص سحت دسيتهن وطلعت قعدت مع خواتي وبعدها بيومين عرس بنت عم بنت خالتي المهم ماما تعرف امها صاحبتها وقالتلها تعالو باتو لانهم في منطقه بعيده وبابا قال باهي وهما طلعو من العصر اللا انا مامشيتش عشان في الليل عبدالله وعيال خالتي يجو يباتو في حوشنا فقعدت انا انضم ونا معنديش عليهم خلطه واجد
~~~~~~~~~~~~~~~~
محمد :اهلا عبود
عبدالله: اهلين شجو
محمد :ميه ميه. قتلك نبي انجي انجيب دبش بيان اختك قاعدين
عبدالله :نحنا مش قاعدين بس نوران قاعده عدي عطيهن لها
محمد :بوك قاعد باهي
عبدالله: مافيش حد في الحوش اللا نوران وماتخافش يابونسيب الثقه قويه كان ماني واثق فيك راني ماخليتك تمشي
محمد :والله منور ياقدر
عبدالله: سلام
محمد :سلامات
مشا بالسياره متجه لحوشنا
~~~~~~~~~~~~~~~
التفاعل
منقوله😉💕
أنت تقرأ
رواية لربما روايه ليبية😍
Romanceالروايه منقوله وهيتحكي على بنت عاشت حياه ميؤوس منها بعدها بفتره تقدملها شخص لزواج وكان مطلق ابوها وافق وعاشت حياه......يتببعع كملو معانا في الحلقات هيا🤙❤️نورتو
