رواية لربما روايه ليبية😍

20

معليش هلبا هلبا بزاف بزاف واجد واجد عالتاخير ظروف قسمبالله(تفاعلكم ضعيف هلبا صوتو على الاقل او امتبو تعليق كويس.مش هكي عاد❤️)

‎الحلقه20
‎لربما
~~~~~~~~~~©©©~~~~~~~~~
‎خش يبي يقول لمروه ديري قهوه لقاها ماسكه علبه دوا واتحط منه في العصير
‎محمد مسكها من شعرها :شنو هضا هاا احكي
‎مروه :اااي هضا هضا
‎ويسمعو صوت رانيا تعيط
‎سيبها وطلع يجري بدون مايشوف الدواء لقاني انا دايخه ع الصالون جاني يجري يبخ في ميه ع وجي
‎محمد :رانيا جيبي عبايه ومحرمه
‎مشت رانيا جابتهن ليا وشالني للمستشفى خشو بيا للدكتور صاحبه
‎خشيت للعنايه ومحمد ورانيا واروى واسامه وهيثم وايمن (عيال عمه)وسامي (ولد خالته واخ مروه)وجده وباته يستنو برا وبعد ساعه طلع الدكتور
‎محمد جاه يجري ودمعته في عينه:دكتور كنها شن صارلها يااحمد(الدكتور) احكي
‎احمد:شوف هيا واخضه دوا مانع حمل قوي ومكثره منه
‎محمد :كيف
‎احمد :لو تبي اتشوفها تفضل بس حاول ان ماتضغطش عليها
‎محمد :باهي
‎وخش عليا
‎محمد بلا مايبحت فيا:حمد الله ع السلامه
‎انا :الله يسلمك حبيبي بطني توجعني
‎محمد:ماهو كنتي قلتي مانبيش نجيب منك كنت مالمستكش اصلا مش اتمثلي وخاطري في بيبي منك وتاخذي حبوب
‎انا :حبيبي والله مادرت حاجه كنك انت شنو صايرلي نا فهمني
‎محمد :بتشوفي يانوران حتشوفي
‎وطلع وانا نبكي مش عارفه شن صاير وبطني تزيد الم شويه وجا الدكتور وعطاني ابره مهدء رقدت وبعد المغرب وعيت الدكتور قالي اطلعي خلاص مافيش داعي لقعدتك طلعت ومحمد طول الطريق مايبحتش فيا ركبت علي طول لشقتي ومحمد ركب معاي ومايحكيش معاي بكل
‎انا :محمد تعال نحكو
‎محمد :طرطور انا تمشي عليا بكلمتين
‎انا :محمد وراسك اجعني انموت واخضيت حاجه تعال فهمني
‎محمد :اسس مانبيش نسمع صوتك تمرقدي
‎وطلع وهوا متعقد وانا نبكي بالعبره لين رقدت
‎عند محمد :-
‎ليش ليش انا مانتوفقش في زواجي ليش اففففف ليش هيا الدير هكي انا في شن قصرت معاها ليش ماتبيش تجيب مني عيال شن اندير ياربي وهوا يفكر تذكر مروه والدواء وتما يفكرومن التفكير داخ رقد
~~~~~~~~~~~~~~~~~
‎ثاني يوم :-
‎نضت القيت مكان محمد فاضي ومرتب عرفته مارقدش هنا نزلت دمعه قبل كنت اول ماانوض ناخض بوسه وبعدها انصبي يااربي
‎صبيت توضيت وصليت وطلعت درت فطور سمعت صوت في الحمام عرفته ناض عديت سقمت مكانه وطلع من الدار وبنت عطره سابقته كان خاطري نجي في حضنه ونبكي نحس روحي مخنوقه ونبي انفضي طاقتي جا وقعمز ع الصالون اللي وراي
‎عند محمد:-
‎نضت ونسمع في صوتها في المطبخ الدير في فطور الذكرت لما كانت تلعب بشعري لين النوض وتقعد الدغدغ فيا بصوابعها علي صدري اخخخخخخ انا يوم ورايفت اففففف نضت وخشيت للحمام وطلعت القيتها تلم في مكاني قعمزت ع الكنبه اللي وراها وعيوني وحواسي كلهن معاها كان خاطري نضبطها ونبوسها حسيت في عيونها حزن وضيق """
‎محمد :نبي قهوه
‎انا :جهزت الفطور تعال بس ندير القهوه
‎صبا ومشا للمطبخ ودرت قهوه وعطيته يشرب وانا قعمزت جنبه ودرت توست وناكل
‎محمد :اليوم حتنزلي
‎انا :اهاا حننزل توا عشان اندير معاهن الغداء
‎محمد :مافيش داعي انتي مزلتي مريضه اقعدي ولما ايطيب بنخليهن يدزنلك
‎انا :تؤتؤ انا تمام مافيا شي
‎محمد :الدكتور قالك باعدي عليه الاسبوع هضا لعند مايخف الجرح ماتخافيش مش حتحملي لاني مش حنجي شورك
‎انا :محمد انت عارف شن اغلى شئ عندي صح
‎محمد :هه اصلا انا غبي اتقوليلي انا نبي منك بيبي لو بنت بندلعها وانتي تاخضي في حبوب هههه انا حمار اللي صدقتك
‎انا :محمد فهمني
‎جايبي يطلع عديت نجري وقفلت الباب
‎محمد :حولي يانوران
‎انا :لا منيش محوله
‎محمد :اخر مره انقولك حولي
‎انا :لا اهو انا وانت كسر اضرب اقتل بس ماتتهربش فهمني ياسيدي تخيل ان صارلي زهايمر احكي شن قال الدكتور وتوا
‎محمد :بنقول بس بعدها بطيري من قدامي
‎انا :اها احكي
‎محمد :الدكتور قال........................
‎انا :ك كذب والله كذب نا ماناخضش حاجه وراسك كذب حمادي حبيبي انت مصدقه والله انا انا (ودخت )
‎محمد :ناني نوران نوضي
‎وجاب برفان وبخه ليا
‎انا :حمادي ح حمادي
‎محمد :نوران نوضي نوران تسمعي فيا
‎انا :اها وقعمزت
‎محمد :تعالي انشيلك للسرير
‎انا :لالا توا انتكسل ونرقد خليني توا نصبي ونبدل وننزل
‎محمد :اقعدي تريحي اليوم
‎انا :لالا
‎ومشيت لبست سروال اسود وتيشرت ابيض لفوق الركبه بشويه وجاكه جلد بيج وكويش رصاصي ومكيجت بسيط سنبل وطلعت
‎انا :محمد نازله تبي حاجه
‎محمد :لالا مانبيش حتى نا نغير وننزل
‎انا :باهي (وجيت من جنبه وهوا لاهي في نقاله طبست بسته علي خده ومشيت طلعت وسكرت الباب قبل مانشوف رده فعله)امة محمد حط يده علي خده وابتسم وصبا لبس تيشرت احمر ضابط مبين عضلاته وسروال ازرق وهوا نازل لاقاته مروه معاهم في الصاله
‎محمد بصوت عالي ومتعقد:مروه تعالي نبيك
‎مروه بدلع :حاضر
~~~~~~~~~~~~~~~~
‎التفاعل يابنات بنااات 😣 مانبيش نتحشم معاكم لو مافبش تفاعل مش حاانزل حلقة في ليل وتوقاعتكم محمد شن يبي من مروة 🙈🙈