رواية لربما روايه ليبية😍

36

الحلقه 36
لربما
~~~~~~~~~~~~~~~~~؟
عند محمد ناض ودوش ولبس وطلع لقا مروه تمكيج:-
محمد :خففي من اللي علي وجك
مروه :حاضر بيبي
ونزلت لقتهم يرفعو في الحاجات اللي يبو يشيلوهن معاهم
مروه بدلع :خير
كلهم:صباح النور
جميله :تعالي افطري
مروه :شنو فطور اععع مانحبش هكي نا بنمشي ندير نسكافيه
وعدت
اب محمد :هههههه الله يرحم ايام نوران كانت هيا اللي الدير فيه هضا مش تحقه تقول اعع
جد محمد :نوران كنا كلنا مخالفين عليها بس لما خشت حوشنا قدرت اتخلي مكانها لما عدت الشي هضا موهبه يزرعها الله في الانسان وهضا دليل علي ان نيتها صافيه من الاول انا اللي مش مخالط بيها واجد حسيت بعدم وجودها قبل ع العصر انكمل صلاتي نلقاها دايرتلي قهوتي حتى محمد كانت موفرتله جميع وسائل الراحه مغير هوا مش عارف كنه
نادر:بنقول حاجه نا ملاحظها بس ياريت تفطنولها من تحت لتحت
كلهم حولو انظارهم من جده وبحتو لنادر:؟؟
نادر :محمد ماصلش من يوم سيب نوران
جده :كييف
نادر :اولا معش يمشي لصلاه الجمعه معانا ديما مطلع اعذار ثانيا حتى صلاه الحوش امس معاي العصر كله وركب معاي للحوش نا صليت هوا ماصبش صلى
باته :لالا مغير تهيألك
نادر :بلكي مش عارف
وطلعو للبحر وحجزو شاليه:-
ونحنا وصلنا وحجزنا شاليه وطلعن البنات كلهن ماعاد انا كنت نا وعمر جوا شويه قعدت انا ع الفون وعمر جنبي وعدا يزحف للميه وانا فاطنتله شويه وطبس عليه شاب لابس نضارات وكان معطيني بظهره وتما يلعب فيه وعمر منفطس ضحك لين غمازاته باينات يجنن
~~~~~~~~~~~~~~~~~~~~
عند محمد:-
وصلنا وخشيت غيرت ونبي نطلع نعوم وانا طالع لفت انتباهي عيل صغير في حدود سنه هكي دبدوب ويجنن وكان قدام الميه ولما تجيه يقعد يضرب فيها ويضحك عديت نلعب فيه وهوا يضحك انسجمت معاه
~~~~~~~~~~~~~~~~~~~
انا عديت للشاب وعمر:-
انا :معليش خوي كان زعجك لان قدام خيمتكم
(طبعا لخبطت عندكم الحكايه هما حاجزين شاليه بس لان بعيد حاطين خيمه صغيره قدام البحر اقرب)
والتفت الشاب وكان محمد انا علي طول نزلت دمعه
انا :مم محمد
محمد :اهلين لا عادي مش زاعجنا بلعكس ولدك؟!
انا مستغربه لهدرجه ناسيني باهي وولده كنت خاطري نقوله هضا المفروض ولدك مش ولدي
محمد :عفوا اختي
انا قلبي وجعني عشان قالي اختي وحبيت نردها له
انا :اها ولدي
محمد :الله يخليه لكي مع ان مزلتي صغيره ع الصغار
انا :محمد انت تدوي جد
محمد :؟؟
انا ؛محمد هضا ولدك كنك انت هضا عمر
محمد :لالا وخيتي ادعيلي الله يرزقني بالذريه الصالحه نا دوبني متزوج جديد مزال ربي مارزقنيش بولد ممكن مشبها عليا
انا قلبي انحفر وقريب ومتت خلاص موعرها يجي حبيبك ناسيك باهي ناسيني اول مايشوفني يذكر وانا مقعدتش معاه يوم والله يومين ناقعدت سنين معاه معقوله هكي حتى ولده مش مذكره من كثر الصدمه ماقدرتش نبكي قعدت مستكه وفاتحه عيوني معقوله نتخيل ممكن نتخيل بس شن جيبه توا هل خيال تميت منستهه شويه وجو شباب العيله
اسامه :ليك وحشه نصفنا الثالث
ناصر :تي وينك يالطرف كنك سيبتينا معقوله هكي تنسينا
انا بابتسامه صفرا :اهلين شخباركم
نادر :ميه ميه
محمد :تعرفوها؟!
كلهم بحتو فيه بصدمه ويحسابوه يستعبط فاتوه
انا :هيا عموش نستأذن كلهم التفتو لعمر وكان ماشي للحيط ويعزق فيه في البحر وحده بوحده ولما الطب في الميه يقعد يصفق ويحرك في كرعيه
نادر :هضا عمر
اسامه :نوران جد عمر هضا متأكده
انا :ههههه اكيد متأكده
ناصر :رايح كابر
ورفعه وتمو يلعبو فيه ويحبحبو فيه
محمد :تي نحكي نا تعرفوها
اسامه :تي ملح ياراجل فاضينلك
شويه وجت مروه لمحمد
مروه ؛حبيبي نبي نخش للبحر
محمد :ياعمري في الليل بعد مايخشو التريس
مروه :اوك روحي (وباساته)وعدت
انا كنت نراقب فيهم وقلبي يتقطع كان خاطري نحضنه ونبكي علي صدره بنت دخانه وبرفانه مرايفتلهن
وقطع سرحاني علي
علي :نوران تعالي سلمي علي جدي ويبي حتى عمر
انا :كيف عرف انا هنا؟؟
علي :اها مروه قالتها
انا :هيا كان طلقوه عمامه
نادر:هيا قول نادر
عمر :ددفففففف (ويتفل عليهم)
انا :عمر شن قلتلك نا علي الحركه هذي بطل
عمر :اماااااااا
اسامه :حانط طالع لولد عم بوه
انا :وليش مش لامه ما حتى هيا حانطه
ناصر :تي ملحو طالع لولد عم بوه الكبير
اسامه :تي ملح كذا العيل طالعلي
انا :بطلو انتو الاثنين طالعلي
نادر :لا والله نحسابك بتسكتيهم طلعتي اشر منهم
انا :هاتوه يبيه عمي
خضيته وخشيت واول ماقابلني جده بحت فيا وابتسم
سلمت ع الصبايا والبنات كانن فرحانات ومشيت لجده وحبيت علي راسه وبوه كذالك وحنه
جد محمد :مديه ليا كذا
مديته له خضاه وباسه علي خده بوسه طويله
عمر :امااااا اماااا (ويمدلي في يديه)
باته :عطيه ليا يابوي
عطاه له وتما يحب فيه ويضبط فيه ورده لجده وتما معاهم من يد ليد وهوا في الاول بكا بس بعدها تمام
رانيا :شنجوك باهي
انا :تمام الحمد الله
مروه:مش ناويه تزوجي اخرى
انا :وليش نزوج نقعد علي عمر ونكبره ويقعدلي سند من بعد خوي وبوي
مروه :بس ولدك لعند مايكبر بيخليك وبيجي لحوش جده شن يبي في عيشه الفقر وعنده عز
كلهم يفنصو فيها
انا :هه قتيلي ليش ماتفكري بجانب ثاني
مروه :وشن هوا الجانب الثاني
انا :الحناان
مروه :؟؟
انا :بوه توا هضا شافه ماعرفاش يبي يعرفه لما يكبر
مروه:هههه انتي قولي انك تبي اتردي لمحمد بس حبيبتي محمد زوجي نا حبيبي تزوجني ههههه فمتحلميش
انا :لا من قالك اني نبي محمد نا نبيش حد في حياتي ها شويه وفوني رن شفته لقيته عبدالله رديت
انا :ايوه
عبدالله :تي وينك مختفيه اندورو فيك انتي وعمر
انا :قاعده عند اهل محمد
عبدالله :وشن الديري
انا :ولا شي بيشوفو عمر
عبدالاه :اها باه سلم وخيتي ماتعبيش روحك لو ضايقك فوتيه
انا :انشاء الله سلام
عبدالله :سلام
انا :هيا نستأذن هيا عمر
جده :وين مزال ماشبعنش منكم
انا :عبدالله قالي تعالي
جده :باهي بنيتي خلي عمر عندنا وفي الليل انخلي واحد من الشباب يجيبه
انا :مرات يتعبكم
جده :لالا خليه نا نعانيه
انا :علي راحتكم في الاخير انتو عيت جده وفي اي وقت تبوه تقدر تجي تاخضه
جده :بارك الله فيك طول عمرك بنت اصل
انا :تسلم وحبيت علي راسه وراس عمي وطلعت مشيت لهلي وشوينا ونحق في محمد من بعيد يشوي وانا سرحانه فيه وحطينا شوايه وكلينا والساعه10 جا اسامه جايب عمر
اسامه :امسكي ولدك مع ان ماينشبعش منه
انا :هههههه هاته
عمر :تاتاا
اسامه :هههههههه قويه تاته
انا :مغير يقلد فيا
اسامه مدلي عمر وعدا وخضيته للدار نغيرله القيت في جيبه شكلاطه فتحتها وعطيتها له وتما ياكل فيها
ولبسته توته ورقدنا ثاني يوم نضنا وروحنا من الشاليه وكذالك عيت محمد روحو
~~~~~~~~~~~~~~~~~
وعدن ايام وجن ايام لين جا يوم خش عليا باتي:-
باتي :نوران متقدملك واحد وانا وافقت ويبي يدير نظره شرعيه بعد بكرا
انا :شنووووو كيف وعمر
باتي :موافق ان يربيه
انا :باتي من جدك انت
باتي :تشوفي فيا نبصر مثلا بعد بكرا البسي حاجه مسقمه راه جاي وياويلك تزرقي بكلمه هكي والله عكي
طلع باتي وانا نبكي
~~~~~~~~~~~~~~~~~~
بعد يومين وتحديدا يوم الخميس نلبس ونبكي مانبيش نبي محمد نتمنى نموت ولا نزوج واحد اخر الله يستر خذيت القهوه وخشيت نبي انشوف عريس الغفله واول ماشفته انفجعت وماقدرتش نرمش طلع...............

والله منورين علي التفاعل هلبا ❤❤😍😍 نبي زيه حتي اليوم باش مانعطلش اعليكم
~~~~~~~~~~~~~~~~~~~