رواية لربما روايه ليبية😍

26

الحلقه 26
لربما.
~~~~~~~~~~💜💜💜~~~~~~~~
علي :باسم رامي ال........................
محمد :مانعرفش
علي :اذكر ياراجل
محمد :توا نذكر اصبر وتما سارح ويفكر
~~~~~~~~~~~~~~~~~
اما عندي نا قاعده نفكر في ايامنا مع بعضنا ومبتسمه وفجأه لاحظت ان ليا فتره مامرضتش وتميت نفكر شويه ونسمع في صوت عائشه
عائشه :حبيبتي باتي رقد انتي تبي حاجه توا محتاجه حاجه تسمعي فيا
انا :عويشه نطلب منك طلب بس بيناتنا
عاشه :شنو
انا :بكرا في الصبح اطلعي للصيدليه وجيبيلي اختبار حمل ضروري واعزقيه ليا من فروه الروشن
عائشه :هيي انشاء الله حامل معناها توا يردك
انا :مش عارف بكرا نتأكد المهم ماتقوليش لحد
عائشه :اوگ باهي
ومشت وانا حطيت يدي علي بطني وابتسمت
~~~~~~~~~~~~~~~~
ثاني يوم :-
عائشه :ماما نبي نمشي للصيدليه قبل مايجي باتي
امي :ليش شتبي
عائشه :مريضه وبشري حاجتي
امي :باهي بس ماطوليش
عائشه :حاضر
ومشت لبست عبايتها ومشت للصيدليه وجابتلي اختبار وجت من لاوره
عائشه بصوت واطي:بس بس نانوو تسمعي فيا
انا :اهاا كنك
عائشه :امسكي
وعزقاته ليا عزق خضيته
عائشه :هيا قوليلي شن يطلع كان حامل بترديله هيا انشاء الله حامل
انا شفت وطلع خطين (حامل)نزلت مني دمعه بس في حاجه جوا قالتلي ماتقوليش
انا :عائشه مش حامل بس تهيألي
عائشه :باهي الله يرزقك ماتزعليش ناماشيه
انا :باهي سلام
قعدت في التركينه نبكي الللي في بطني شن ذنبه المفروض توا نمشي نفاجأ في محمد حبيبي وتوا ابو ولدي لما رفعت العبايه القيت بطني طالعه شويه يعني لو نلبس ضابط تبان واضحه كيف مافطنتش مش عارف كملت يومي بكا وطبعا باتي يخش يجيبلي 3 وجبات بس بدون مايبحت فيا وانا مرات نسيب ومرات من الجوع معش نقدر تميت ناكل وبدون نيه ولما عرفت اني حامل تميت ناكل عشان البيبي مانبيش نزله مش هاين عليا ومانبيش نقول لمحمد عشان عارفه حتى لو ردني معاملته ليا حتتغير وتميت نبكي من جدي وبالعبره
~~~~~~~~~~~~~~~~~
في الشاليه :-
انور :هيا ياراجل نمشو نعومو
محمد :لالا نبيش نبي نانو
انور :استغفر الله تي صبي اطلع غير جو اقريب الدود هنا
محمد :مرايف عليها مفروض توا الديرلي في قهوه وكيكه جافه لاني انحبها وانا ناكلها ونطلعها نتمشو بره
انور :تي اقعد فيها انا مليت جتني حاله اكتئاب وفي نفس الوقت انت صاحبي خوي رفيقي مانبيكش تقعد هكي مانرضاهش عليك محمد انت اقوى من ان تهزك مرا يعني جت عليها ليبيا كلها مالقيت فيها اللا نوران
محمد :مش قادر حاولت ياانور حاولت نقول ننساها اتسير حاجه نذكرها اففف
انور :عندي مشوار وتوا انجي
محمد :انور كان تبي تمشي تبات في حوشك عدي انا عادي راه
انور :انت تبصر صاح انا لومكانك تنشي وتسيبني
محمد سكت
انور :خلاص نحنا مش اصحاب نحنا رفقه خووت عارف شن يعني خوت حاول ترقد انت امس مارقدتش نسمع فيك تبكي بس ماسك روحي بالغصب قلت خليه يطلع اللي في قلبه عشان يحول الضيقه اللي فيه ارقد ريح عيونك لين سود راه
محمد :انشاء الله
وطلع انور ورن تليفوني انا كان مع محمد وكان الرقم اللي رن عليا المره اللي فاتت
محمد مابش يرد وداره صامت شويه ودز رساله مكتوب فيها↓
«محمد رد عليا نبيك في موضوع يخض نوران»
محمد اول ماشاف الرساله ويخصني رد عليه
محمد :ها نعم عارف نا حنطلعك وكان ماقتلتك مايقعد اسمي محمد وراس امي ندفنك وانت حي
الشاب:لو سمحت ممكن تخليني نحكي
محمد :شن تحكي ها احكي من امتى تعرف مراتي وعارف انها متزوجه احكي كانك راجل ياعيل
الشاب :محمد انا مانعرفش نوران ولا عمري شفت شكلها اصلا تبي تعرف القصه والله لا
محمد :قصه انا ومراتي متفرقين بسببك شن قصه وشنو ولاعمري شفتها انت لخبطتني
الشاب :اسمع نتقابلو بس في مكان عام لاني عارفك مش حتريح روحك لين تفش غلك نجي ونحكو مع بعضنا وانقولك منو اللي قالي دير هضا كله

محمد حس من نبره صوته ان صح مغصوب
محمد :خلاص نتلاقو في شاليه بوابه ال...............
الشاب :تمام جايك
بعد شويه جا الشاب
~~~~~~~~~~~~~~~~~
عندي انا جا باتي وفتح الباب
باتي :اسمعي حتحكي القصه بالطيب والله بالضرب
انا :ب باتي نا مش عارفه اللي صار ان ان
باتي :شنو صار احكي
انا :كنت نتفرج ع الtv ومحمد ع الاب توب بعدها رن فوني رقم غريب مارديتش شويه وخضا محمد ورد وصبى ضربني وجابني هنا مش عارف قتله احكي شن درت مابش يحكي
باتي :عارفه تطلعي دايره حاجه حتطلعي من بين يديا معاقه فاهمه
انا :باه شن درت نبي نعرف بلكي هوا فاهم غلط مش عارف
باتي :تفوو اصلا نا غلطان ماعرفتش نربي حقيره دودي باهي نبي انشوف الدود يطلع منك
وطلع السير وجا يبي يضرب انا طبست راسي وحطيت يديا علي بطني خفت ع البيبي وباتي يضرب فيا ع ظهري وانا نتوجع بس متحمله علشان مانبيش يطب علي بطني وهوا يضرب من جده لعند مافش غله وهوا يضرب فيا اميره جت من وراه وخششت صفره فيها حليب وتمر علشان بكرا اول يوم في رمضان اول يوم رمضان وانا بعيده علي محمد ياريت لو كنت معاه راني توا قاعده نديرله في سحور وطبعا باتي مافطنش لانها دفتها جوا وطلع باتي وانا شربت الحليب لاني كنت عطشانه شربته مره وحده وقعمزت في تركينه ونبكي
~~~~~~~~~~~~~~~~~~
جا الشاب :-
الشاب وهوا مطبس راسه :انت محمد
محمد :ايوه نا محمد هه شن طلع عذرك قبل ماندفنك
الشاب :حنحكيلك وبالادله اخرا بس انا مغصوب مزرور محمد :محتاج فلوس مثلا
الشاب :تؤتؤ ياريت فلوس صح حالتي المديه تحت الصفر بس ياريت جت علي الفوس ياريت
محمد :هيا احكي
الشاب :انا اسمي رامي
محمد :عارف
الشاب:عندي اختين اخت في 3 ثنوي واخت في 3ابتدائي باتي وامي واختي اللي اكبر مني توفو في حادث
محمد :باهي نا نبي نعرف ليش درت هكي
رامي:انا مره........................
~~~~~~~~~~~~~~~~~
ضروري انشوقكم 😂
هيا كل وحده اتقول شن اللي زر الراجل علي اللي داره في نوران