رواية لربما روايه ليبية😍

23

الحلقه 23
لربما
~~~~~~~~~~💘💘💘~~~~~~~~
البنت :حمادي وينك مختفي
انا :😳😳
محمد :نعرفكم هذي مراتي نوران وهذي طليقتي منار انا :اهلا تشرفت
منار :اهلا مسرع ماتزوجت
محمد :لالا نقعد نبكي علي غيابك خطيني
منار:نسيت لما كنت اتقولي نانعرفش نرقد اللا وانتي في حضني وماتصبيش اللا لما انا انوضك (كذابه ماكانوش يرقدو في نفس الدار اصلا مغير تقول هكي تبي تقهر نوران)
محمد :هيا حبيبي ماعنديش نيه نشوف الاشكال هذين انا نزلت دمعه ومسحتها هوا فطنلي بس دار روحه ماشافش ومشينا للسياره وروحنا للحوش بدون مانحكو شي واول ماوصلنا القيت رانيا في الصاله
رانيا :نانو نبي انقولك بكرا انزلي راه جايين اهل حسام (خطيبها)ونبيك تفتلكي باهي لان العقربه جايه اف
انا :منو العقربه
رانيا:مروه في غيرها موت ياخضها
انا :انشاء الله
وركبت القيت محمد ع الاب توب خشيت دوشت ع السريع وولعت ع الغساله وغيرت دبشي ومشيت للمطبخ درت كاكاو وصبيته وخضيت شكلاطات ومشيتله
انا :حبيبي اشرب دوبينه ساخن
محمد سكر الاب توب وبحت فيا لقاني مبتسمه وجوي رايق
محمد حط يده علي شعري :حبيبي مضايقه
انا :تؤتؤ ليش
محمد :ولاشي كولي كولي وتما يوكل فيا في الشوكولاطه
انا صبيت نوتي في لبسه
محمد :حبيبي شديري
انا :نوتي في لبسه بكرا
محمد :حبيبي مش قصير واجد
انا :القونه هذي عادي
محمد :اوك حلوه
انا :عيونك الحلوه
وخشينا رقدنا ثاني يوم لبست سروال امريكي وبلوزه حمرا ونزلت وتيت معاهم وركبت دوشن وغيرت لبست(الصوره👇)ونزلت القيتهم جايين خشيت سلمت وطلعت فرغت العصير وخشيت للكوجينه نشرب في عصير القيت مروه تبكي انا درت روحي حوله مابيتش انجي شورها شربت ميه وطلعت القيت العرب ماشين والفرح بعد رمضان بثلاث اسابيع
انا :حبيبي نبي نشري مكياج مكياجي قديم
محمد :اصبري بس وايجيك احلى مكياج
رن فونه
محمد :اوووو انور
انور :اهلا بالقدر شجو
محمد :ميه ميه
وانا نمشي في اصابعي علي لحيته
انور :اسمع راه حوشك توا كلمني سامر(صاحب محمد بس مش زي انور يعني صاحبه من بعيد لبعيد) وقال اليوم الخدم وصلو وجاب بنقلا سيقو الحوش كله تقدر تمشي من بكرا
محمد :ايوه هذين الاخبار اوك توا نمشي من اليوم توا طاير
انور:اسمع نوران جنبك
محمد :اها اهي ناني تريحي خليني نحكي مع الراجل
انور:خزي باهي نبيك في سر باعد عليها
محمد :حاضر
انا بصوت عالي :انور حمادي مايدس عليا شي توا يقولي
محمد :ههههه تسمع فيها
انور :اها جوها يجنن
محمد طلع للبلكوني
محمد :شن السر
انور :هديتي للحوش جبت شركه تزيين وجو ومروقلك الجو خوض ليله هديه
محمد :خزي حقير مشكور ياخوي
انور :تي ملح مغير نزوج بس تي انطلعه منك اضعاف محمد :تستاهل كل خير الله يقدم اللي فيه الخير
انور :انشاء الله نبي وحده زي نوران هاديه وجوها سمح
محمد :لتكون حاط عينك علي مراتي بس
انور :خزي ياحقير نانديرها تفو
محمد ؛سلام نتلاقو
انور :سلام
وجاني لقاني ندهن في جسمي كريمه
محمد :حبيبي صبي البسي
انا :ليش وين بنمشو
محمد :حوشنا
انا :جد الله ومشيت نجري للدولاب ونطلع في لبسه ولبست وطلعنا واول مانزلنا للحوش كان في منطقه كيف الجبل يعني كلها عشب اخضر والحوش كبير واول ماخشيت للجنان القيت في درجيحه وفتح الباب الكبير
محمد :نورتي حوشك خشي بكراعك اليمين
انا :ههه وخشيت القيت الصاله كبيره ع اليمين في صالون عالي وتلفزيون وع اليسار صالون عالي فخم جلد وتخشي شويه فيه ممر ع اليسار فيه المطبخ واتخشي اخرى 2غرفتين للخدم وع اليمين تخشي جوا تلقي مربوعه كبيره فيها بابين باب في الجنان من بره وباب من جوا واول ماتخشي من الباب يصادرنك دروح كبار وكان فيهن ورد مجفف واول ماتركبي تصادرك دار النوم ومن اليسار دار له هوا دايرها للرياضه فيها الات حديد والات مشي وحجات هكي وع اليسار الدار في دار مسكره فاضيه اول ماخشيت دار النوم كانت واسعه وفيها صالون لونه قهوي وفيه 3 امخاد سمايلات كيف←(🙊🙉🙈)والسرير كبير وركب مريح وفيه زيانه صغيره فيها عطور واكريمات
محمد :توا في هديه مني
انا :اكثر من هكي
محمد :يب تعالي
وفتح باب صغير كان في دار النوم في التركينه وكان غرفه ملابس كبيره فيها رفوف وفراغ كبير للتعليق معلقلي فيه دبش عرم لين متغطي وفي زيانه فيها رفوف حاطلي عليهن ارواج جميع الالوان وماركان ومسكرا وكحل ومكياج ماركات عالميه وغاليات باين عليهن والمرايه فيها من الجنب ضوايه وفي مرايه طويله وفي حديدتين مركبهن في الساس مليانات شناطي برمت القيت محمد واقف ع الباب ومربع يديه ومبتسم
انا عديتله نجري واضبطته :شكرا حبيبي (وعيوني دمعو)
محمد :اش يالهبله انشاء الله تبكي ننوش بطلي بكا حبيبي خلاص ليش بكيتي
انا :فرحانه
محمد :وانا نبيك بس تكوني فرحانه (وباسني ع خدي)
انا :شكرا حبيبي
محمد :العفو اليوم الخدم نظفو وخشو رقدو لاني انا طلبت منهم لانهم تعبو وبكرا بنعرفك عليهن اوگ
انا :بس حبيبي ليش خدم انت ماتحبش شغل الخدم صح
محمد :انا مش مانحبهمش نهائي عادي بس نا جايبهن عشان يساعدوك اوك
انا :حاضر حبي بنباتو هنا
محمد :يس بنباتو هنا وبكرا تجيبي دبشك
انا :اوك حبي
محمد وتوا تعالي هنا ورفعني للسرير
انا :حبييي بطل تعبانه وبنرقد
محمد :في عرسك هضا كان طلقتك (وباسني في فمي وووووو✋🔞)
(ماعلينا منهم كفاار )
خلاص نبي نرقد بكرا انكملو
~~~~~~~~~~🌸🌸🌸~~~ التفاعل كل ماتتفاعلو انزل حلقه
‏