رواية لربما روايه ليبية😍

28

الحلقه 28
لربما
~~~~~~~~~~💝💝💝~~~~~~~~
وقتها كنت نسمع فيه بس مانبيش انرد عليه نبيه يجرب خوفي عليه كيف كان زي ماهوا خايف عليا توا نا كنت خايفه عليه 3شهور
محمد طلع تليفونه ويرن علي باتي :-
محمد :الو ياعمي
باتي :اهلين محمد شخبارك
محمد :تمام عمي انت وينك
باتي :انا في المول خلاص نخلص وراد للحوش
محمد :نراجي فيك
باتي :انت في الحوش
محمد :اها
باتي :هيا توا انجي
قعد هكي في هدوء لين جا باتي
باتي :السلام عليكم
كلهم :وعليكم السلام
محمد :عمي انا توا مزلت ماطلقتش نوران صح
باتي :اها صح ليش
محمد :يعني مزالت علي ذمتي محسوبه عليا
باتي :اها
محمد :وكيف مخليها هكي وحابسها واهي توا نحكي معاها ماتردش
باتي :هيا بنتي وانا حر فيها حتى لو قتلتها ماحد يقدر يمنعني
محمد :بنتك اوك تمام انا معاك بس هيا علي ذمتي مزالت مراتي كيف تحبسها هكي (وكان يحكي بهدوء)
باتي سكت وبعدها قال :اول حاجه قولي ليش جايبها
محمد :ههههه انشاء الله هضا كله ومش عارف اللي صار هههه علي فكره انا غلطان مش هيا
باتي :احكي الموضوع
محمد :بنت خالتي قالت كلام مش تمام عليها واليوم عرفت انها كذابه
باتي :وشن مصلحتها
محمد :تكره نوران
باتي :اهاا تعال
وفتح الباب وانا كنت في الزاويه وماسكه كرعيه بيدي ورفعت راسي راسي وبطني طالعه بس لابسه عبايه واسعه ف مابنتش
باتي :خوضها وتوا انجيبلك صاكوها
وعلي طلعت اميره جايبه الصاكو وطلعاته للجنان وباتي خش اما محمد اول ماشافني جمد مكانه كنت معفنه بمعنى الكلمه شعري خاش في بعضه وعيوني ذابلات ووجي شاحب وفمي يابس كاني متشرده
محمد جاني يجري وخضني وتما يبكي
محمد :اسف اسف ياروحي اسف ياعمري اسف ياحبيبتي والله ماكان قصدي باهي ليش مارنيتي عليا راني جيت خضيتك
انا يادوب نحكي :من وين نرن
محمد :كنتي دزيتي مع البنات رنن بتليفون عبدالله
انا طبست راسي وباعدت عنه
محمد :عارفك زعلانه واجد بس سامحيني حطي روحك مكاني
انا :محمد ليش نا شن درت
محمد :نحكيلك بعدين توا تعالي روحي ودوشي وتريحي شويه ومسك يدي من عند المرفق
انا :اه اييي ( تميت نتالم )
محمد :كنك ياعمري تحسي بحاجه
انا :اطلقني توا انصبي
محمد:لها الدرجه ماتبينيش نلمسك
انا :لالا مش هكي بس يدي توجع فيا
محمد :باهي هيا
صبيت ونمشي خطوه خطوه بشويه لعند ماوصلت للسياره ركبت وركب محمد الشنطه وركب وتحرك وطول الطريق ساكتين هوا مش عارف شن يقول ولا انا عارفه شن انقول لعند ما وصلنا نزلت انا وهوا نزل الشنطه ولحقني انا اول ما خشيت القيت الحوش مظلم وزي ماسيبته
انا :انت كنت هنا
محمد :لا كنت في الشاليه والخدم عطيتهم اجازه مزال 5ايام ويجو
انا :اها اصلا استغربت مفيش حاجه متحركه في الحوش
محمد :عدي دوشي وارقدي شويه وبعدها نحكو
انا :قبل ما نرقد نبيك في موضوع
محمد :باه
ركبت طلعت روب احمر ضابط شويه لعند بعد الركبه بشويه والظهر مفتوح كله وعليه جاكه شيفون بيضاء اطول منه بشويه بكم وخشيت دوشت وانشوف في جسمي في المرايه ظهري متورم ويديه مخططات وزرق ومنظر بطني وهيا طالعه تجنن حلوه وصغيره درت حمام يمسح الكبد وغسلت شعري وسرحته وطلعت وخليته مطلوق
~~~~~~~~~~~~~~~~~
عند محمد:-
خش دوش في الحمام لاخر وطلع ولابس سروال اسود ومش لابس شي من فوق وقعمز ع الصالون ويفكر هوا متأكد انها حتسامحه بس مش عارف امتى وفكر في مفاجأه بيديرها لها كلم المستشفى وقاللهم يبي اجازه
المدير :انت لك واجد غايب 3 شهور وتوا تبي اجازه اخرى
محمد :توا نكام دكتور سليم ياخض مكاني
المدير :كلمه ورد عليا
كلم الدكتور وقاله اوك ناخض مكانك وكلم المدير وعطاه اجازه اسبوعين
وصبى يطلع في دبش عشان يبي يمشي يجهز المفاجأه
انا طلعت وجيت وراه وكانت بطني طالعه باينه وهوا ما فطنليش
انا :محمد
محمد برم وانصدم وعيونه انفتحن10/10
محمد :كيف تي احكي شنو هضا
انا :محدش يعرف انت اول واحد حتى هلي مايعرفوش
محمد :من امتى
انا :مش عارف انا قلت لعائشه.....................وحكتله القصه
قعمز ع الصالون وحط يديه علي راسه
انا مشيت وطبست عليه
انا :محمد نسألك سؤال
محمد :شن
انا :انا شن درت عشان تعصبت وهكي درت
محمد :اللي صار ان ........................حكالي من اول ما رن الراجل لعند ضربت مروه
انا :الله يسامحها المهم توا ننزل اندير فطور تبي حاجه معينه
محمد :لالا من جدك امشي تريحي ارقدي شويه انتي لكي ايام مارقدتي رقده سمحه توا اندز من المطعم االعربي
انا :اوك براحتك
وجيت نبي انصبي محمد مسك يدي
محمد :في الليل نمشو نشوفو حاله الجنين وشهر الكم
انا :اوك محمد انت شن تبي
محمد :اللي يجي من ربي الاثنين نبو نربوهم نحنا
انا :انا احساسي يقولي ولد
محمد :اليوم حنعرفو
انا :اوك انت طالع
محمد :اها مشوار مش مطول
انا :باهي
محمد لبس وطلع لمشواره اما نوران اول ماجت تبي ترقد سلحت الجاكه وقعدت بالكت واول ما خشت للسرير رقدت طول من التعب
ومحمد عدا دار مشواره وهوا راد رن فونه لقاه جده:-
محمد :الو
جده :الو محمد شن صار ياوليدي في بنت الناس
محمد :ولا شي مشيت وتراضينا وهيا توا في الحوش وانا توا راد
جده :اها باهي الحمدالله
محمد :جدي انقولك علي سر بيني وبينك
جده :شنو
محمد :........................
جده؛😵😣😔
~~~~~~~~~~~~~~~~~
توقعاتكم للحلقه الجايه زعما كنه محمد