رواية لربما روايه ليبية😍

30

الحلقه30
~
تليفوني رن
انا :عبدالله
محمد :شوفيه كنه
رديت
انا :الوو
اميره :انا اميره
انا :ايوه اميره
اميره :شجوك
اما :تمام
ونزلت تميت نسخن في السحور وولعت اسبكر
اميره :شنجو الكتكوتي
انا :اليوم عاينت قالولي الشهر السادس وولد
اميره :صااح باهي ابدي اشري البش من توا عشان بعدين ماتنزريش
انا :عارفه وخاطري نبدا ومحمد داير دار كامله للبيبي
اميره :باهي ابدي فيها فرشه وسرير ابدي من توا
ومحمد قعد في الصاله ع النقال وانا مش فاطنه ونحكي ع اساس هوا فوق وكان صوتنا واصل للصاله
انا :عارفه خاطري في دار البيبي تكون زي دار الاجانب سرير حلو وراقي الدولاب فخم فرشه حلوه وراقيه حتى دبشه نبيه كله راقي
اميره :باهي انتي راجلك حالته الماديه كويسه تقدري تشري حجات فخمات وغاليات
انا :اموره نا خايفته يقول عليا طماعه شوفي توا انا نحس في روحي كثرت عليه بكل افففف طلباتي واجدات نا مانبيش يحساب اني مزوجته عشان فلوسه فاهمتني
اميره :فاهمتك بس راه راجلك واللي بيجيبله ولده يعني نا نشوف فيعا عادي
انا :توا كنت نبي انقوله بس حسيت روحي كثرت طلبات
اميره :وبعدين انتي راجلك تفكيره راقي يعني حيتفهمك احكي معاه وديري اللي تبيه عيشي حياتك ودلعي ولدك اول عيالك اول ولد بيقولك ياماما واول ولد بيجننك دلعيه قبل مايجي اخ ياخض مكانه
انا :يصير خير توا نقوله
اميره :باهي شن جوكم توا يعني تراضيتو تراضيتو والله كلام رسمي
انا:تؤتؤ راضاني وجابلي سنسله تجنن خيال وبكره مسافره
اميره :هيييييي ياخاينه وكنك ماقلتي ووين مسافره
انا :اسطنبول
اميره :باهي عدي لراجلك اكيد مرايف عليك
انا :ههههه سلام
اميره :سلامات
(وطبعاهضا كله ومحمد يسمع ووجعه لان ماحكيتلش وتحشمت منا)
وصكرت ودرت سحور وحطيت وتسحرنا وهوا ركب وانا كملت المطبخ ولحقته القيته ع الفون
انا :حبيبي نبيك في موضوع
محمد قعمز:شن حبيبي
انا :اممممم اسمع نبي نبدا في دار البيبي عشان بعدين مانتعبش في الحجات يعني انت تبيني نطلع هنا والله عند هلي
محمد :لالا بيات بره نو هنا تطلعيلي وكان بتقعد وحده من خواتك تساعدك عادي
انا :همم اوك معناها نبدو في الدار من توا كل مره انجيبو حاجه لان حبيبي اول ما نجيب حيجو اقاربنا كلهم وحنديرو عشا هضا خاطي عشاء الاسبوع وخاطي الحلويات والموالح وخاطي ان كل مره جايه وحده يعني هضا كله بنجيبوه ف نبدو من توا اللي نفتكو منها نفتكو
محمد :يدلل غزال بوه اول طرف عاد
اتا :هههههه اكيد بس ياخوفي لما نجيب تفوتني
محمد :انا نفوتك
انا :اها تقعد الدلع فيه وتحبه اكثر مني
محمد :ماعاش اللي ياخض غلاك
انا :نحبك
محمد :نعشقك
ورقدنا ونضنا ثاني يوم ع الساعه 5القايله ومحمد وعا وجاب فطور شربه وخطم علي محل موالح جاب منه فخذه الهانم وكفته مشويه وجا اما انا لميت الحوش ووتيت الصاكو وراجيته جا وجاب الحاجات واذن المغرب وصخنت الحجات وفطرنا ولميت الدنيا والى المطار ونادو علينا وركبنا الطياره واول ماقالو تبي تقلع
انامسكت فيه زين
محمد :هههههه المفروض متعوده
انا :ركبتلها مره وحده بس
محمد :وانا معاك ماتخافيش
انا :نحبك
محمد :وانا نموت فيك هيا شوفي السحاب يجنن
وتميت نتفرج ونسيت الخوف وعلقت سماعات انا ومحمد ونسمعو في اغاني وانا غفيت
محمد :حبيبتي حبيبتي
انا :هم
محمد :نوضي ياروحي هيا بتهبط
انا :اوك ومسكت يده ونزلت الطياره ونزلنا وختمنا الجوازات وحتى المره هذي صارتلي زي المره اللي فاتت وانبحت في البنات كيف لابسات صاح قصير وكت ويتجعونن بس انحس فيهن حاجه غير ونقعد نبحت في محمد وماسكه يده وهوا حسيته تضايق منهن لان كانت ساحه كبيره ومليانه ناس نبو نمشو للطريق عشان ناخضو تاكسي وكان جنبنا واحد شايل الشنطه وكل ماتخطم وحده محمد يطبس راسه انا عجبتني حركته ان عينه مش فارغه يعني مايبحتش وكنت نبحت في بنت وسرحانه كانت لابسه بدي قصير كت وشرت امريكي ضابط انا نبحت فيها محمد فطنلي
محمد :حبيبي شن اتبحتي
انا :ها شنو
محمد :كنك تبحتي في البنت هكي
انا :ماكنيش
محمد :ماتبحتيش فيهن
انا :باهي
ومشينا خضينا تاكسي ووصلنا للفندق القينا الساعه 3نزل بسرعه جاب بيتزا وتسحرنا وانا نلم في الحوسه سمعنا الفجر انا خشيت دوشت ولبسه روب احمر لفوق الركبه واسع وطلقت شعري وكان اطول من الروب وانا لبست هكي لان مانبيش سروال ان مضايفني فلبسته وخش محمد
محمد :احم احم استغفر اللله اللهم اني صائم حولي من قدامي
انا :ههههعهههه نسيتك بكل بس توا نخش للسرير مانيش مغيره
وخشيت للسرير
محمد :هكي معناها فيها كلام اخرى
انا :اللهم انك صائم
ورقدنا من التعب ثاني يوم نضنا ع العصر دوشت ولبسنا انا ومحمد وطلعنا ادهورنا شويه لعند المغرب تكينا علي مطعم وفطرنا ومشن اسبوعين علينا احلى اسبوعين نطلعو ندهورو ونفطرو ونتسحرو وانروحي في الليل وشريت فستان لفرح رانيا لان خلاص يبو يحددو الفرح بعد شهر يعني بعد ترويحتنا بسبوع نبدو في التغليف ونمشو نفرشو الشقه والجو هضا شريت عرم دبش وجا يوم ترويحتنا وروحنا علي حوشنا حتى عيت عمي مامشينالهم وتسحرنا وركبنا فوق خشيت دوشت وطلعت القيت محمد متكي ع السريرويلعب بالفون خشيت مكاني وتغطيت ونمشي في يدي علي لحيته وهوا منسجم ويلعب بالفون
انا :حمادي
محمد :نعم
انا :عادي بكرا تشيلني لهلي وبعد بكرا لهلك انت
محمد :ليش
انا :مرايفه عليهم
محمد :حاضر نمشو بكرا لهلك وبعد بكرا لهلي
انا :نجك ليا
محمد :كم ناني عندي انا
انا :وحده
محمد :لا منو قالها
انا :ها كم وحده
محمد حط النقال وجا فوق :اممم وحده في قلبي وحده كبيدتي ووحده واخضه عقلي وتفكيري
انا :بس من الاصليه
محمد :اللي في قلبي
انا :هههه مجنون
محمد :بحبك ارقدي ارقدي بكرا انشيلك لهلك
انا :اوك بيبي وبسته ع خده
محمد :نحبك واضبطني ورقدت علي صدره
ثاني يوم نضنا ع الظهر لبسنا ومشينا لهلي وكسدت عندهم وروحنا وتسحرنا ورقدنا وثالث يوم نضت الساعه 12:30 القيت محمد راقد ابتسمت وبسته ع خده ودوشت ولبست
ونزلت لوطا درت كنافه بالنوتيله والموز والفراوله جت تجنن منظرها يسهف ودرت فخذه الهانم
وبعد الظهر نزل محمد
محمد :بس بس صباحووو
انا :صباحو حبيبي
محمد :رانا مش فاطرين هنا
انا :عارفه بس هذين انشيلهن معايا
محمد :وليش
انا :عشان يقولو مرات محمد حره مش باير وامك متفكرش تزوجك
محمد :ولو فكرت تزوجني بنرضى مثلا
انا :تؤتؤ مش حترضى بس عشان ماتخطرش الفكره في بالها
محمد :بس حبيبي انتي تعبانه وماتنسيش بطنك قدامك بكرا نمشو انراجعو اوك ونطمن علي حبيب بابي
انا :نعليا يعني تطمن علي حبيب بابي باهي وام حبيب بابي
محمد :نجها ليا امه احمممم اللهم اني صائم
انا :ههههههههه
محمد :شن دايره
انا :امممم درت كنافه بالنوتيله والموز والفراوله
محمد :يمممممم جوعتيني
انا :وفخذه الهانم وقلت انشيلو فواكه وغازي
محمد :مفروض درتي حلو وفواكه وغازي عليش الديري في فخذه الهانم
انا :كسدت درتها هيا غير دبشك وحتى انا ندوش اخرى عشان بنتي قلي
محمد :نجك هيا تعالي (ورفعني)
انا :حبيبي نزلني حبيبي راك صايم
محمد :فاطن لروحي وعارف اني صايم نبي نركبك بس ع الدروج واعرات عليك راقيه نازله
انا :هههه باهي
وركبني فوق ودوشت وغير دبشي ولبست (زي الصوره )
(حنقعد النزل الدبش في الصور خير من ان تمشي الروايه كلها في وصف الدبش ف النزل صوره اللبسه اسهل)المهم
وخضيت الحجات اللي درتهن ومشينا (طبعا مفيش حد من عيت عمي عارف اني حامل كنت عند هلي وروحت ثاني يوم سافرت مامشيتلهمش ومحمد ماقالهمش)
محمد :مفيش حد عارف انك حامل صح
انا :اها
محمد :كنك متوتره وخايفه
انا :بيوافقو
محمد :علي شنو
انا :علي حملي باتك وامك وجدك كلهم
محمد :اكيد ياروحي راك مراتي من الطبيعي تحملي مني
انا :مش عارف اففف جدك وباتك عادي لانهم من البدايه معاملتهم معاي كويسه بس امك
محمد:حبببي ماتشيليش هم المهم نحنا نعشقو بعض وبس
انا :هههه حبيبي خاطري في بكلاوه
محمد :توا نخطم ناخذو
انا :نعليا نا
محمد :ولدي يبي مش انتي
انا :ههههه يعني انت تجيب لولدك والله ليا
محمد :الاثنين
ومشينا للحلواني وخضينا بكلاوه ومشينا واول ماوصلنا
~~~~~~~~~~🌟🌟🌟~~~~~~~~
يسدكم نبي تفاعل قيمنها😍
وتوقعاتكم شن بيكون رده فعلهم بحمل نانوو💜
‏