رواية لربما روايه ليبية😍

21

الحلقه 21
لربما
~~~~~~~~~~💎💎💎~~~~~~~~
لحقاته ومشو لدارها وسكرو الباب انا كنت في المطبخ ومقابلتني دارها شفته وهما خاشين حاجه في قلبي انكسرت
اما عند محمد ومروه :--
محمد :امس شفتك ماسكه دوا لشن
مروه :للراس ماهو راسي كان مصدع وجيت نبي ناخضه شويه انت جيت وفهمت غلط
محمد :باهي جيبيه ليا حتى نا راسي مطربق
طلعتله شريط بنادول
مروه:اهوا
محمد :هههه اللي امس ازرق مش هضا
ودفها ومشا لدرج الادويه ويفتش اما مروه عرفت روحها انتهيت خلاص محمد وهوا يفتش لقا دواء مكتوب عليه مانع للحمل قوي جدا
محمد مسكه وتما يتنفس بالقوه وتذكر الدكتور لما قاله ان المانع اللي تاخض فيه نسبته قويه وخطأ من الدكتور اللي عطاه لها ودمعته نزلت ومشا لمروه
مسكها من يدها ويضرب فيها بهستره ويضرب في كفوف لين سمعو عياطها وخش جده وقف
جده؛من امتى تمد يدك عليها
محمد :من يوم ماتخطت حدودها ويبكي انا الديري فيا هكي انا
جده :شن دايره عشان الضرب هضا كله
محمد :جدي يا انا يا هيا في الحوش والله وراس نوران نطلع من الحوش معش انخشله الله صار انا الديري هكي ها يالدخناسه انتي ماعندكش كرامه
وانا كنت واقفه بعيد عند المطبخ وانشوف فيه يبكي وكان خاطري نمسح علي شعره ونهديه لدرجه ان دمعتي نزلت
محمد ركب فوق ولحقته
انا :محمد تبي حاجه
محمد :لا
انا :يعني ننزل
محمد :اها
انا :نجيبلك غدا هنا والله تنزل
محمد :نبيش
انا:اوك بس حتى نا مش حناكل را وطلعت وقتلهن ماعنديش نيه وحطو ياكلو
...........................................
عند محمد:-
كنت ع البلكوني واندخن ونادم لاني امس كذبتها وجت تمت تسأل فيا نبي حاجه والله لا استحقرت روحي وقالتلي نجيبلك غدا قتلها نبيش لان لو انشوف اللي ينقاللها مروه نقتلها شويه وكسدت نزلت نبي نمشي لانور القيتهم يتغدو اللا نوران مش معاهم استغربت بعدها الذكرت لما قالتلي مش حناكل كنت نحسابها تهدد فيا تبيني ناكل بس طلعت من جدها ""
محمد :رانيا وين نوران
رانيا :قالت ماعنديش نيه سيبتها في المطبخ
محمد :اها باهي صحه
رانيا :انت نحطلك
محمد :تؤتؤ شكرا صحه
ومشيتلها في المطبخ القيتها تمسح في الرخامه واترتب فيها جيت من وراها وحضنتها وحطيت يدي علي بطنها
محمد :ليش ماكليتي
انا :مش جعانه
محمد :بس نا جعان
انا :اوك تعال انحطلك
محمد :لا نبيش نا وكال هضا
انا :شن تبي باهي
محمد :مشتهي ماكرونه بالصلصه
انا :اوك خمس دقايق تكون واتيه ومشيت فتحت الدولاب جا مسكني
محمد:تؤتؤتؤتؤ نبيهش من ايدك
انا :حبيبي شن
محمد ؛نعليا نا
انا انحرجت :تحشم
محمد :نحبك
انا :ههههه نموت فيك
محمد :اسف
انا :علي شن
محمد :الاني ظلمتك
انا ابتسمت:نحبك ومسامحتك
محمد :انا غبي اللي صدقتهم وكذبتك
انا :شن صار شن اللي خلاك تغير رايك لعند اخر لحظه مش مصدقني
محمد :مروه هيا اللي حاطته لكي وقوي واجد وقلتلهم اني بنطلع من الحوش لو هيا ماطلعتش وامبدري وتت صاكواتها وتوا مقعمزه معش عرفت شنو اندير افففف انا :حبيبي خلاص متشغلش بالك انا مسامحتك
وقدمت خطوتين وخشيت في صدره وهوا حط يديه ع ظهري حسين بدفئ ومانسمعش اللا في انفاسه بس
وبعد دقائق
محمد وهوا حاضني:حبيبي هيا نمشو نتغدو في مطعم انا :حياتي انت ماتحبش وكال مطاعم واجد
محمد :شوفي انا مانحبش وكال مطاعم ديما ديما ومانحبش وكال الحوش ديما ديما يعني مره حوش ومره مطاعم تمام ياحلو
انا رفعت راسي:تمام هههه
اسامه :استغفر الله استغفر الله
محمد :هههههه حلاليي (وباسني ع خدي)
انا خبطت ع صدره بشويه وطبست راسي تحشمت من اسامه
محمد :وبعدين انت شن تبي تراقب فيا مغير شن اندير
اسامه:والله انا انسان طبيعي جدا خاش حوش عمي وفي المطبخ نبي نشرب اميه بس اول ماشفتك تلخبطت نحساب روحي خاش دار نومك
محمد :باهي اندلف اشرب واطلع
اسامه :مش شورك انت نا نبي انقعمز هي (وكر الكرسي وقعمز)
محمد :نانو هيا اركبي غيري وخلينا نمشو
انا :يالله
وركبنا فوق بدون ما نحكومعاهم ولبست(الصوره👇)
محمد :وين وين الاحمر طالع عليك يجنن
انا :هههه نجك حتى هوا ذوقك
محمد :بس انتي محليتها
انا :نلا اعيونك يشوفن فيها حلوه عليا
محمد :هيا هيا نتغدو وندهورو شويه
انا :نجك معندكش شي اليوم
محمد :لالا ليش
انا :حبيبي بنقولك حاجه بس متفهمنيش غلط
محمد :شن حبي نا راجلك احكي بلا حشم
انا :حبيبي حوشنا مزال مطول
محمد :تؤ خلاص هانت
انا :باهي ليش مانشوفش فيك تجيب في الحجات يعني صالون والحجات هذين
محمد ؛لاني داز عليهن اليوم واصله هديتي لكي بيلاقوها العمال وبيرتبوهن وجايب فريق عمل حريمي يسقموهن
انا :شن هنا
محمد :المفاجأه
انا :خزي حبيبي نبي نعرف شنو هيا
محمد :نو لا
انا :باهي باه هيا نمشو جعت
محمد :حتى انا
ونزلنا لوطا وطبعا تلقتنا عمتي والبنات في الصاله
عمتي:.....................
محمد:..................
عمتي :.....................
~~~~~~~~~~~~~~~~~

البارت طوويل عندكمش ماتقولو فيه عاد😂❤️
هيههي وفي نهايه الرواية بنحط ايميلات الا تفاعععلوووو معاي هيههيي

ميمماااا